حسن نوراني : فساد في مؤسسة التمويل الأصغر

2014/05/23

[JUSTIFY]قبل ايام كتب احد الزملاء مقالآ طالبآ فيه من اﻻخ الوالي إحضار أتيام مراجعة ( من المراجع العام و القومي ) بغرض مراجعة مؤسسة ( الحجراب) آل عاطف حجر الذين لم يبقي منهم عاطل واحد في جزيرة الفيل لم يتم توظيفه بها بأمر عاطف حجر أو الزبير (سيد الجزيرة) والتي كانت و لوقت قريب ليست ببعيد تتبع ( لمجلس ريفي المدينة عرب) و أيضآ تيمآ آخرآ لتفتيش تبرعات السيد الوالي لأنو عمرنا ما سمعنا بتبرع للزبير فيما عدا تبرعاته أم خمسميات لي( صقر الجو لأنو تبرع وتأجير سيف للرقيص في وقت واحد) اما غير صقر الجو دا ( يطرشنا ويعمينا ) ويبقي لينا بأمر قبض .

فياريت السيد الوالي يسرع لينا في الموضوع دا لأنو مرارتنا إتفقعت و إضافة لي إنو في ناس متخصصة في سرقة وحرق المستندات ( ذي مستندات السماد بتاع التمويل الأحرف القالو مالقوها دي) .

وبعدين ياريت نعرف مصادر مال الراعي والرعية دي من وين بتجي من المالية !! بنك السودان!! الزكاة !! تجار قريش!!ولا من المهاجرين والأنصار. ومبلغها الكلي كم !! وإندفع منها كم !! و فضل كم!! ومخصصات العاملين عليها من الأوس والخذرج كم!! وكم عربية في الشهر!! مع إنو / خالد هاشم ده قالوا رجل زاهد غير العربة الدستورية التي تتبع لوزير سابق وعربته الكامري الجديدة دي ما عندو حاجة غيرهم.. عليكم الله شوفو الناس دي بتبهت الناس كيف!! يعني شنو لو بقي عندو 10 عربات.??? وعاطف حجر ذاتو ما جاب السماد من أصلو ?? المشكلة وين ما أصلنا ميتين ميتين!! بعدين شوفو ليكم بتاعين امجاد يوصلو ليكم الوزراء ديل لحدي ما تلقو ليكم دواب من قافلة بني تميم أو تمويل و أهو الرعاع راقدين.لكن بس لازم نعرف تبرعات الوالي الما قاعد يتبرعها دي بتمش وين… محمد صلاح فات خلا البلد.. ولو لقيتو ليكم زول بالغلط قال الزبير أداه جنيه أبقو قابلوني..

حسن نوراني – النيلين [/JUSTIFY]