كوش نيوز .. أخبار السودان بين يديك

طارق الطيب: الزول عاين ليهم قال لي عقاربك ديل كلهن مافيهم واحد ضكر وأنا بالزعل قربت أكشحهم ليه فوق راسه



شارك الموضوع :
قالوا العقارب بيشتروها في البلد وأنا من سمعت الخبر شرعت في إصطياد العقارب وتمكنت من إصطياد 17 عقرب من النوع الكبير.
كل عقرب وضعتها في برطمانيه وقددتها من فوق ومشيت للتاجر المزعوم وأنا كلي أمل بقبض مبلغ محترم خاصه وأن الشائعة تقول أن سعر العقرب الكبيرة 100 جنيه وعبر رحلة طويلة وصلت للرجل القالوا حيشتري ومن شفته قلبي ما إطمأن ليه.

المهم قال لي (كدي) دقيقة أتصل للزول ضرب لزوله وجاني راجع قال لي في واحد تمشي ليه في كريمة
مشيت كريمة للزول قام قعد يعاين للعقارب قالي طبعاً نحن عايزين العقارب الذكور قلت ليه طيب أنا أعرفها ليك ضكر ولا إنتاية كيف
قالي أنا بعرف،

الزول عاين ليهم قال لي عقاربك ديل كلهن مافيهم واحد ضكر وأنا بالزعل قربت أكشحهم ليه فوق راسه. ورجعت وبحوزتي 15 عقرب بعد وفاة 2 بسبب طول الرحلة ولا زلت أحتفظ بهم عسى أن يصبح الحلم حقيقة.

طارق الطيب دحيميد

شارك الموضوع :

12 التعليقات

إنتقل إلى نموذج التعليقات

      1. 1

        العقرب الإنتاية بكون عندها …. وكمان … وشعرها غالبا طويل
        اما العقرب الضكر فلديه ….
        اما العقرب الخمسوضكر فتجد عنده كل ما سبق

        الرد
      2. 2

        انا زاتى القريت موضوعك ده … ما عندى موضوع

        الرد
      3. 3

        [SIZE=4]ظاهرة يا خي، اذا كان لقيتها ماسكة موبايلها ومندمجة مع الواتساب، تبقى انتاية[SIZE=4]، أختاها .[/SIZE][/SIZE]

        الرد
      4. 4

        [FONT=Times New Roman][SIZE=4]لو لقيت أكثر من عقرب في حتة واحدة، اللي طالع منها صوت، بتكون أكيد انتاية شغالة نقة شديدة في الضكر.[/SIZE][/FONT]

        الرد
      5. 5

        ان لدغك فهو ذكر… وان لدغتك فهي انثى ..
        طريقة اسهل ان شرب فهو ذكر وان شربت فهي انثي ..
        اها وضح ؟
        قال عقرب قال

        الرد
      6. 6

        [FONT=Times New Roman][SIZE=5]قول جارتنا (فلانة) راجلها اتزوج عليها .. وأمشي، اذا كانت جات جارية وراك جري شديد، معناها انتاية والشمار كاتلها ! [/SIZE][/FONT]

        الرد
      7. 7

        ياسيد عشان تعرف انو العقرب ضكر والا انتايه لازم تضوق سمها لو فيهو سكر فهي انتايه ولو فيهو ملح فهوي ذكر

        الرد
      8. 8

        وانا لو لميت فيك .. بكشح ليك الـ 15 الباقيات ديل فوق راسك ؟؟

        الرد
      9. 9

        [SIZE=5]يا جماعة الكلام والتنظير الكتير دا مافي داعي ليهو، الموضوع بسيط جدا، تسأل العقرب : انت راجل ولاّ مرة ؟ بس تكون متأكد أنو العقارب ما عندهم فكرة عن الموضوع، لأنهم لو عارفين، كلهم ح يقولوا ليك نحن (نسوان)، الرجالة لاحقة ، يا روح ما بعدك روح ![/SIZE]

        الرد
      10. 10

        [COLOR=#FF0000]الرمضاء [/COLOR]

        [SIZE=4][FONT=Arial]تختهن في [COLOR=#FF0000]الرمضاء [/COLOR]

        لو جرت دي انتايه
        ولو وقف دا ضكر
        [/FONT][/SIZE]

        الرد
      11. 11

        [SIZE=5]يا سلام علي حكاية وافاة دى حلوة وتم دفنهم بمقابر شرفي لاهل اللغه اعرف نفق للحيوانات لكن العقارب او الحشرات دى جديدة واعتقد الموت يستعمل للحشران ولكن اسمع كتير ان الفئران انقرضت بالله ورونا الصاح عشان نقدر نغالط في النت دى.[/SIZE]

        الرد
      12. 12

        لو عاوز تعرف الضكر من الانثي بدل تخلي كل واحد في برطمانية خلي كل اتنين في بطمانية واتفرج ياسلام واتفرج بالجد ماعندك موضوع

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس