بابكر سلك
لسة بى قفانا !!!
& أبوالهل.
& قالوا يعتلى صدارة الممتاز.
& فى أقل من اربعة وعشرين ساعة بقى وصيفنا.
& رجع لى مكانو الطبيعى.
& مكانو البى قفانا.
& وهذه هى منطقية الروليت.
& أيها الناس.
& أعجبنى الجمهور وهو يشجع.
& يشجع وبس.
& ويغفر لمن يخفق.
& ويصفق ويهتف للجهاز الفنى.
& وده دور الجماهير.
& ووعى الجماهير.
& وشفتنة الجماهير.
& ونقرط على كدة.
& وحدنا من يحافظ على فارق النقاط نحن الجماهير.
& أحيى الجماهير.
& برغم تفلتات صغيرة كتير من الناس ما لاحظوا ليها.
& زى كرستالة الموية التى أصابت الميدان فى الشوط التانى.
& ولكنها كانت مفيدة.
& الحكم شربها وجدع الباقى برة.
& وطبعا مافى مريخابى جدع تلك الكريستالة.
& ولكن من اين جاءت الكريستالة!!!!
& تلك الكريستالة جدعها احد المندسين.
& والمندسين كتار.
& طوالى بندسوا فى كورنا.
& بالذات بعد تسجيل سيدا.
& يجوا يندسوا.
& أذا أجاد كعادته يتحسر المندسون.
& وأذا أخفق(ودى مابتحصل)يتبسموا.
& أيها الناس.
& المندسون ديل حيرونا.
& قاعدين جوة الأستاد.
& فى الجانب الشمالى.
& شايلين أعلامهم.
& وبشجعوا.
& الكورة انتهت كسروا الكراسى.
& وقالوا ديل ماهم.
& ماكسروا الكراسى.
& وعينك ليهم يكسروا ويجدعوا.
& قلنا ليهم كسرة منو.
& قالوا كسروها المندسين.
& عيننا ليهم بكسروا.
& يقولوا ديل مانحن ديل المندسين.
& عشان كدة ناس روشا وناس تانين من عقوبات الأتحاد زعلانين.
& اللهم كسر المندسين البعملوا الحاجة وينكروها وعدم البلد دى ريحة المندسين يارب العالمين.
& المهم.
& بصمات الجهاز الفنى بدأت تبدو ملامحها.
& وطبعاً فى فترة قصيرة هى التى تولى فيها الجهاز الفنى الأمور.
& فى فترة زى دى لو تغير شكل الفريق.
& يبقى ده ما جهاز فنى.
& يبقى ده حاوى عديل كدة.
& المهم.
& نحن فى الصدارة وخلفنا المندسين.
& أيها الناس.
& لو فى اى زول لاقاهو مندس.
& يقول ليهو هووووووووى يا مندس.
& مادايرين معاك دس دس.
& رمضان واوليفيه محافظين على مستواهما.
& برغم ان رمضان أضاع فرصة مضمونة.
& أضمن منها فى الشوط الثانى وهو منفرد بالمرمى.
& باص جاهو من اوليفية.
& بعض الناس زعلوا لأضاعة الهدف.
& ولكنهم لم يلاحظوا ان رمضان لولا تحركه الصحيح لما فكر اوليفيه فى لعب الباص.
& يبقى رمضان فتح اللعب وأخد خانة.
& وأتحرك صاح.
& وأستلم صاح.
& فقط كان الما صاح التنفيذ.
& فلماذا ننسى اربعة صاحات لنتمسك فى ماصاح واحد!!!!
& المهم.
& معدل اللياقة ماشى مرتفع.
& والكورة الجاية هى كورة التتويج.
& الكورة التى تقتل آمال المندسين فى ممتاز هذا العام.
& دايرة شغل شديد.
& فى جميع الأصعدة.
& مانشتغل بالأنتخابات وننسى الممتاز.
& نخلى الأنتخابات لى ناس الأنتخابات.
& ونتمسك بى صدارتنا التى تدس المندسين خلفنا.
& قفانا.
& أها
& نجى لى شمارات والى الخرتوم.
& أكان شفت يا والينا.
& لازمان كانت بتكفينا ولا أسى بتكفينا.
& بس السؤال هل بكرا فى أحتمال تكفينا؟؟؟؟
& ولا خلاص بقت فينا!!!!
& وأذا بقت فينا.
& هل بنلقى الببكينا ويفرش علينا.
& و بنروح ساى يا والينا. سلك كهربا
&& ننساك كيف ولا كانت ولا أسى ولا بكرا بتكفينا!!!!!
واللللللللللللللللللللللللللللللللللللللللللللللى لقاء
سلللللللللللللللللللللللللللللللللللللللللللللللللللك
فى السلك – بابكر سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
قفاك لموسم وآحد ما مشكله المشكله انت طوووووول عمرك قفانا وسميت الوصيف الدائم … والله صحي إعلام الضلال … بالله أحسب الدوري الممتاز وشوف كم مره شلت البطوله … وأقول لك كلآم … برضك وصيف … قال في السلك قال .. سلك عريان يصعقك في صلعتك عشان تفوق وتوعى