كوش نيوز .. أخبار السودان بين يديك

الفنان الشاب الواثق كمال: لهذة الاسباب لم اغن ( بين قوسين ) ولولا اغنية (الظلط ) لتركت الغناء !!



شارك الموضوع :
فنان شاب تغنى بعدد كبير من الاغانى المعروفة والمسموعة وله عدد من الاغانى الخاصة ، وقام بتصوير عدد كبير من الكليبات ،قال عنه البعض بانه اتجاهه الى الغناء كان خاطئ فيما اكد البعض الاخر بجمال صوته وطلته عبر الشاشة ..قوون التقت الفنان الشاب الواثق كمال عبر هذه المساحة ووجهنا له عددا من الاتهامات فرد قائلاً :

– الواثق كمال فنان عرف بترديد الاغانى الهابطة ؟
لا اتفق معك فى كلمة هابطة ولايمكننى انا اتجرأ واغنى اغنية خادشة للحياء حتى ولو تركت الغناء فانا من بيت سودانى وتقاليد سودانية قيمه اعرف حدودى فيما اغنى
– مقاطعة: اغنية الزلط اليست هابطة وخادشة للحياة ..؟؟
اغنيه الزلط اغنية سوق اى اغنية حفلات والجمهور بحب يسمع غناء مقعد وغناء خفيف وبقول ليك لو م غنيت (الزلط) كنت قعدت فى البيت وشفت لى اى شغل تانى غير الغناء لان الحفلات هى مصدر الدخل الثابت والوحيد لينا كفنانين واكيد مافى كل الحفلات اغنيها انت تتماشى مع طلبات الجمهور الموجود
– مقاطعه : الاتخجل من الجمهور وانت تغنيها؟
المشكله شنو فى انى ما اغنيها واصلا هى اغنية مناحة كانت فى فترة من الفترات والجمل الفيها تحكى عن شى معين ولا اقصد بها التجريح او خدش الحياء واذ تمعنت فى كلماتها ستعرف هذا .
– سامى عز الدين واحمد البنا وكاريكا تفوقوا عليك فى الغناء..؟؟
لكل جمهوره وابداعه وصوته فى الغناء وزرقه القاسمو ليه الله سبحانه وتعالى وانا لا اشبه احد ولى لونيتى الخاصة فى الغناء .
– مقاطعة ولكنهم اقعدوك بالبيت ..!!
– يضحك .. الارزاق بيد الله ولا تتوقف عند شخص بعينو ، انا اعمل العمل الجيد الذى يرضينى ويرضى جمهورى والتوفيق من الله .
– اذن لماذا تم استبعادك من قلوبنا ليكم وحتى الدعوات التى تقدم اليك غير جادة ..؟؟
قلوبنا ليكم او نحن ليكم تم استبعادى منها لاسباب كثيرة اولا انا لااتحمل مسؤولية عمل خيرى ولدى تحفظات فى اشياء كثيرة اما بخصوص الدعوات والمشاركات والتى تقول عنها انها غير جادة اقول لك بانى الذى ارفضها وبشدة حتي احتفالات التكاريم التى فيها رعاية حفلات عادية ماعمل خير (صافى ) وكنت اطالب بحقوقى فيها ولم يوفروها لى لذلك اعتذر وهذا اتفاق كل الفنانين المشاركين وانت تعلم اننى اكون من اوائل الحضور لاى عمل خيرى سواء مع قلوبنا ليكم او مجموعه تانيه طلبت مشاركتى ودا اقل واجب اقدمو من اجل الخير
– انت لست مرغوبا من الشعراء بدليل اغنية (بين قوسين ) ..؟؟
يضحك .. شاعر الاغنية مهدى مصطفى هو الذى اتصل بى واذا لم يكن متأكدا انى حاوصلها الى حد مناسب ومرضى بالنسبه ليه ما كان كلف خاطرو واعطانى ليها
مقاطعه: لو كنت الافضل لما اخذها منك …؟؟
ابداً لو لم اكن الافضل لما اتصل بى وتفاجأت بعد فترة ان عصمت تغنى بها ولم اقم بسؤاله لانه انا وعصمت واحد واكيد لخير لانه تعامل ذى دا انا ما بستوعبوا الاغنية يااخوى لو ما قعدت ليها فترة وفكرت ليها فى فكرة تناسبها مافى داعى تنزلها وعصمت غناها بطريقه جميلة
– ايعنى من حديثك انك فنان كامل..؟؟
الكمال لله عز وجل وجمهورى يعرف صدق وصحة وصراحة كلامى والنجاح والتوفيق من ربنا لكننى بحمد الله راضى كل الرضا عن ما اقدمه فى كل خطوة خطيتها حتى الان
– انت فنان تعتمد على المظاهر والكليبات اكتر من الصوت ؟؟
الكليبات .. اخر كليب قبل سنة ونص بالتمام واخر اغنية مصورة كانت لعيد الحب والتى بثت عبر قناة انغام يعنى اغنية مناسبة واخر اطلاله لى كانت عبر قناة ام درمان فى برنامج اهل المغنى .
كلمة اخيرة ؟
لكم الشكر والتقدير مع تمنياتي لكم بالتقدم أكثر .

الخرطوم: صحيفة قوون

شارك الموضوع :

1 التعليقات

      1. 1

        والله كمية الفنانين او اشباه الفنانين ديل ،الزول ده او المذكورين في الحوار اول مرة اسمع بيهم،انتو بتجيبوا الناس ديل من وين ؟؟

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس