الهندي عزالدين : لم أرَ (ضبانة) واحدة .!! في”المانيا” “لقد تجاوزوا هذه المحطة من زمن بعيد”.. هذه بلاد ذبابها نحل..!! فأين نحن منها يا رئيس

المانيا ليس بها ذباب.
المانيا خالية من الاوساخ.
اكتشاف هائل يستحق التحية والاحترام .

منتهي السذاجه…

نسيت نفسك ههه ههه

قال الكاتب الهندي عزالدين:

ًَ”فشاهدت عمالاً (ألمان)[B] أولاد قبائل[/B] يرتدون ملابس برتقالية اللون يحملون براميل متوسطة الحجم ذوات عجلات يدفعونها من مخازن القمامة بالعمارات”

الاجابه علي استفهامك تجدها فيما كتبت

لقد تجاوز الاوربيون هذه المحطة من زمن بعيد لانهم تحضروا بما فيه الكفايه. تخلوا عن القبليه والجهويه, يعني مافي حاجه اسمها دي ود قبيله وهذا ليس ود قبيله
انت نفسك ساقط في هذا الامتحان. واضح من اللغه التي تكتب بها
انت طبعا ود قبيله ولا يمكنك ان تحمل براميل اوساخ وقمامة
معظم المسؤولين في السودان درسوا في الغرب ورأوا النظافه والجمال “وعدم الذباب” قبلك بعشرات السنين ولكنهم كانهم لم يروا شيئا, لانهم اولاد قبائل وووووو الخ.
الشعب السوداني بما فيه المسؤولين حاملوا الدرجات العلميه دكتوراه وبرفسير وغيرهم متخلفين بما فيه الكفايه
السودانين مازالوا يزدرون بعضهم البعض ويزدروا ثقافاتهم المختلفه, دي من الجهه الفلانيه يجد الاحترام والتقدير وياخذ اكثر من نصيبه وهذا من الجهه الاخري ينظر اليه بالاستخفاف وتهضم حقوقه وهذا عرب جزيره وهذا ادروب متخلف وهذا نوبه وهذا غرباوي ودي ود قروش وهذا ود مساكين وغيره من الالغاب . حتي في الجهه الواحده مثلا عندنا في الشماليه بعض القبائل تري نفسها افضل من الاخرين وافهم من الاخرين وتمارس المحاباة وتعطي نفسها الافضليه علي الاخرين.
وطبعا في ثقافتنا السودانيه المتخلفه ان الزباله والاوساخ هذه يعمل بها فقط هؤلاء الذين نصنفهم متخلفين وجايين من جهات معينه او اولاد المساكين ولا يعمل بها اولاد القبائل والذوات. عشان كده اولاد القبائل واولاد الذوات راكبين العربات الفارهه يلقون قارورات المياه وبقايا الساندوتش والسجاير في شوارع الخرطوم بكل جلافة ووقاحة لانهم لا يرون ذلك عيبا ويرون انه من المفترض ان هنالك متخلفون هم الذين عليهم ان ينظفوها

اذا كنت بجد تريد ان ترع نظافه وشوية حضاره في شوارع الخرطوم عليك بتوظيف صحيفتك وصحافتك لمحاربة القبليه والجهويه والعنطظه الفارغه دي ود قبيله ودي ود ايه ما تعرف ودي جاي من هنا وداك جاي من هناك
ابدأ بنفسك اولا وعندما تقنعها يمكنك اقناع الاخرين

كلام جميل ولكن لا يسطيع ان يعبروا عن المانية الا الدين اقاموا فيها وقد اضحكني عبارة لاحدي السودانين الدين يحضرون الدكتوراه وقال لو جابو السودانين الي المانيا والمان عاشوا في السودان رايكم ايه ماذا كان سوف يحدث هل تخيلتوا معشر السودانين المانيا اصبحت هل وطنكم والسودان الكعب دا اصبح هو وطن الالمان ماذا سوف يحدث اترك الاجابة لكم ايها القاري الفطن22

عاوز تقارن المانيا بالسودان يا استاذ خليك عاقل الناس هناك بتعشق العمل من اجل البلد فى روح وطنيه اما هنا تغلب المصلحه الشخصيه على المصلحه العامه

[SIZE=4]دولة متحضرة تفوقت بالعلم ,ودولة من دول العالم الثالث والعالم الاخر عبارة عن مزبلةكبيرة .النظافة ياسادتى تبدأ من دوخلنا ,اذا عملنا على نظافة دواخلنا وقلوبنا.نصير متحضرين …ولا ايه,,,.؟[/SIZE]

]لو حاربنا الذباب انت اول واحد يموت لانك والكيزان هم الذباب .

نحن أولي بالنظافة من الأوربيين لأن ديننا الحنيف يحثنا علي ذلك ، الأوربيين يهتمون بالنظافة وهدفهم الوحيد هو إيجاد المواطن الصحي المنتج لأن الإنسان المريض ليس له مردود إقتصادي وبالتالي فهو عبء علي الدولة والمجتمع هذه هي فلسفة النظافة عندهم وهذا سر إهتمامهم بالنظافة أما نحن فالجنرال خريف يطل علينا كل عام ونحن محلك سر ننوم ونتقلب ونصحو علي كوارثه الصحية والأقتصادية والبيئية بدون إستعدادت وتهيئة فقط نقرا علي صفحات الجرائد : الخريف علي الأبواب والأقرب إلي ذلك نكتة الجندي الذي يتصل بالقائد كلما إقتراب العدو مسافة – العدو علي مسافة كذا والقائد لا يلقي بالا إلي أن قال الجندي سعادة القائد هاك كلم العدو.

وقال صلى الله عليه وسلم : (( أمط الأذى عن الطريق فإنه لك صدقة)) أخرجه البخاري في الأدب المفرد.وقال عليه الصلاة والسلام : (( كان على الطريق غصن شجرة يؤذي الناس فأماطها رجل فأدخل الجنة )). رواه ابن ماجة. وانا عن نفسى بقول انو الهيئة الاشرافية للنظافة مقصرة فى واجبها والدلاله على ذلك نحن الاوساخ مردومه جنب كلو بيت فى منطقه المايقوما شرق النيل وطبيعى بكنس قدام البيت ولكن اعمل شنو للناس الماعندها زمة دى وما بتجى علينا الا يوم دايرين القروش حسبنا الله ونعم الوكيل فيكم وتانى تعالو قولو عايزين قروش مافى عمل مافى قروش

ياهندى لو كان معاك مرايا كنت شفت الضبان

والله صحى هندى .. انته الضبان ده مالقيتو في المانيا لانو جا عندنا هنا في السودان ؟ ولا كمان بقيت تفهم في لغة الضبان !!! انته داير تحرض المسئولين على الضبان يكون .. لا لمه في المانيا ولا عاش في السودان يمشى ليكم وين يعنى .. دايرو ينقرض من الكرة الارضيه

كلامك دا ما عندو معنى ولا قيمة لأنه ما في علاقة بين الخرطوم وبرلين التى ذهلتك ولا علاقة بين طبيعة الجو بينهما ولا علاقة الشعوب فارجو ان تعمل علاقة او دراسه بين الخرطوم والقاهرة مثلا او الخرطوم وكانو او الخرطوم ونيروبي وهكذا لانك لا يمكنك ان تطير مرة واحدة وتعقد علاقة او مقارنه بين السودان والمانيا وياسبحان الله

والله ماعندك موضوع بس داير توري الناس امك مشيت برلين وكل الدنيا ما فيها زباب لكن عندا للخريف ز وفي تقصير من المسؤلين الما لاقين انتقاد من امثالك

كلام عجيب وصحافة غريبة اكتشاف القرن ( المانيا لايوجد بها ذباب ) بالله يالهندي اخوي مالقيت ليكي حاجة تكتب فيها غير ذباب المانيا ماهو اصلا الذباب بجي من الاوساخ وعدم النظافة ده عاوزة ليها اكتشاف ده ومقال