بابكر سلك
بقينا فى زمة المجنون
* رجل أعرفه جيداً من سنين طويلة.
* صاحب شخصية قوية.
* وأهل نفسه تاهيلاً كبيراً.
* حاز على الرحصة A.
* وهى رخصة تمكنه من قيادة المنتخبات والفرق الكبيرة التى تشارك فى الديربيات الكبيرة فى بلادها.
* كل ذلك لا نشكك فيه.
* ونعلم انه قاد التاكا كسلا.
* كان يساعده صبحى.
* ونشهد فى عهده قدمت التاكا أداءاً كروياً رائعاً.
* كان يميزها عن جميع فرق الممتاز.
* ولكن كانت وقتها عين التاكا بصيرة وايدها قصيرة.
* مبارك شاطر وغيور.
* ويحب اللاعب القوى.
* لكن فى اختياره لعناصر المنتخب حيرنا.
* صرح بان اختياره حده الأقصى سن الخامسة والعشرين.
* كلام زى السكر لكن قاعدة شواذ.
* وأن كانت مسألة السن عند مبارك قاعدة.
* فأن هيثم مصطفى يجب ان يكون أستثناء من تلك القاعدة.
* أستثناء لصالح المنتخب والوطن والمواطن.
* هيثم غيور وحريف.
* وقائد يشهد له الجميع بما فيهم مبارك.
* ويمكنه ان يخلق الفارق للمنتخب فى اى مواجهة.
* وبالذات هيثم هو نجم هذا الموسم بدون منازع.
* هيقم لأول مرة فى تاريخه نراه يقوم بدوره الدفاعى على اكمل وجه.
* هيثم لوحده صنع من الفرص(باصات قون)مايفوق الفرص التى صنعت فى جميع مقابلات الدورى الممتاز.
* وسجلات النيلين تشهد.
* فكيف تترك صانع لعب يا مبارك يعطيك ستة باصات قون فى كل ثلاثة دقائق.
* دى كلاش ما بديك ليها.
* هيثم أحرز هدفاً من كرة ثابتة من مسافة بعيدة.
* وهذا يدل على تمتعه بلياقة بدنية وذهنية عالية.
* هيثم تم أختياره من خارج تشكيلة الهلال ايام مشاكل غارزيتو.
* ومبارك سلمان كان وقتها مدرباً عاماً للمنتخب.
* فكيف قبل بهيثم من منازلهم ويرفضه وهو نجم الموسم؟؟؟؟
* أن كان لمبارك رأى فنى فى هيثم.
* يبقى بركة عليه مراجعة شهادة التدريب العالية التى حصل عليها.
* يمكن مكتوب فيها نشهد ان الطالب موبيكا سلمونتى.
* قام افتكر انو ده اسمه مكتوب بالأفريقى.
* ختفها وجانا جارى.
* قام ابعد هيثم من المنتخب.
* أما اذا كان لمبارك راى فى هيثم غير فنى.
* فهنا مربط الفرس.
* يجب ان نفك الفرس ليحقق لنا ميداليات السباق.
* يا مبارك يا صديقى.
* ليس عيباً ان نخطئ.
* ولكن العيب ان لا نصحح الخطأ عندما نكتشفه.
* الحق نفسك ومنتخبك واعمل ملحق.
* المهم.
* بكرا كورتنا ضد ابوالهل فى الدمازين.
* شفوت الدمازين ولعوها حمرا.
* وحالفين يضربو التمرد.
* وشفوت بعضهم مشى وبعضهم الليلة ماشى.
* مافى زول داير الكتمة تفوتو.
* بقينا زى الفرقة الحبشية.
* فى اى مدينة عاملين كتمة.
* كتمة من امها.
* فقط.
* لعظمة المناسبة.
* نرجوا ان يرتفع التحكيم ولجنة التحكيم لمستوى الحدث.
* والشروق ناقلة المهرجان.
* بلاش فضايح.
* يجب على التحكيم ان يركز.
* ما دايرين أخطاء.
* حكاية يخطئ ولا يظلم ده ما حنك مقنع.
* يخطئ يبقى بتظلم من وقع عليه ذلك الخطأ.
* يعنى لو اخطا التحكيم فى احتساب تسلل جا منو قون.
* الفريق الدخل فوقو القون ده ما اتظلم من هطأ التحكيم؟؟؟
* يخطئ يبقى بيظلم.
* ونحتاج لتحكيم لا يخطئ عشان لا يظلم.
* الهلال يطلع خالى اليدين من كاسات هذا الموسم.
* دى مشكلتو.
* ما بحلها على حسابنا.
* ولا المجاملات.
* الكاس بجى بالطيارة.
* ومعروف منو اسياد الكاس البجى بالطيارة.
* أيها الناس.
* نثق فى الجهاز الفنى.
* وفى المجلس..وفى اللاعبين.
* وفى أنفسنا.
* يبقى النصر آت.
* هذه الثقة لن تدفعنا للحضور مختالين.
* بنجى كأننا بنلعب ضد الريال موش الهلال.
* نحترم الهلال فنهزم الهلال وتكتمل لوحة الجمال.
* هذا الموسم قررت البطولات ان تتأدب.
* أن لا تذهب الا لمن يستحقها.
* فأن كانت كفاءة الزوج مطلوبة فى الزواج.
* فكفاءة البطل مطلوبة فى التتويج.
* خبت زى الخبت.
* حتى ولو انسحبوا وما تموا الكورة.
* ما نمرق الا بعدما الحكم يصفر.
* يعلن انهم شردوا.
* وبعد داك نطلع المقصورة بدرى.
* الطيارة الخاصة واقفة راجيانا.
* والكاس حالف يرجع بالطيارة.
* عشان يدخل التاريخ.
* شفوت الدمازين انها حوبتكم.
* ورونا.
* وبعدها سنكتب لكم.
* شفوت الدمازين وريتونا.
* أها.
* نجى لى شمارات والى الخرتوم.
* أكان شفت يا والينا.
* فى مجنون فى حلتنا.
* محل ما يقعد يلقى الناس بتتكلم عن العيش.
* قالوا تلاتة بالف.
* ناس تانين فتحوا الجريدة.
* قالوا اربعة بالف.
* أهدى مكتوبة.
* واحد تانى طلع جريدة من جيبو وقال.
* تلاتة بالف واهى مكتوبة ودى صورة اللجنة قاعدة مجتمعة وده رئيس اللجنة رافع اصابعينو الأربعة.
* واحد تانى قال ليهو أنت ما بتعرف تقرأ ولا نظرك ضعيف.
* ده ما بتاع اللجنة.
* ده رافع علامة رابعة العدوية ما اربعة عيشات.
* ناس بحبوا يكبروا الكوارث.
* يفتحوا النت فى الموبايل يقولوا.
* أحتمال اتنين ونص بى الف مكتوب فى النت.
* ناس جنهم وجن النت يزعلوا.
* يقولوا النت ده مُنزل.
* النت ده كلو كضب.
* مما قلتو النت الفيكم اتعرفت.
* والمجنون يسمع ويتبسم.
* قايلنوا بيتبسم عشان الجن قايم عليو يا والينا.
* والناس تتناقش.
* واحد قال ليهو بتتبسم مالك.
* المجنون تانى اتبسم وقال للزول.
* أنتوا وحكومتكم ولجانكم وجرايدكم مفروض تعرفوا انو الرغيف وزن ما عدد.
* واتبسم. سلك كهربا
*ننساك كيف والمجنون بضحك علينا وبقينا فى ذمة المجنون.
واللللللللللللللللللى لقاء
سللللللللللللللللللللللك
في السلك – بابكر سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
لسه مصر تكتب
سلك كهرباء فى صلعتك دى عشان يعدل ليك المزاج
مازال مسلسل الهبل مستمرا اخراج الهطلة ابوصلعةفاااااااااااااااااااااااااااااااااااااااااااااااااااااااضية