رأي ومقالات

الهندي عز الدين : يحتشد سوق (النت) بالكذابين والمؤلفاتية المرضى النفسانيين من (مناضلي الكي بورد) من مختلف أحزاب الوهم السياسي في بلادنا، فإنه يزدحم أيضاً بسواقط (المؤتمر الوطني) والحركة الإسلامية (أولاد ضفرا)


[JUSTIFY]‬مثلما يحتشد سوق (النت) بالكذابين والمؤلفاتية والمرضى النفسانيين من (مناضلي الكي بورد) من مختلف أحزاب الوهم السياسي في بلادنا، فإنه يزدحم أيضاً بسواقط (المؤتمر الوطني) والحركة الإسلامية وأجهزتها، منهم من تم تجريده من (الرتب) وإبعاده من المناصب وحرمانه من الامتيازات، ومنهم من لا يزال يرتع في النعيم العام ويستخدم في أداء مهام (قذرة) لتصفية الحسابات ومحاولة حرق الشخصيات بنشر الفبركات والشائعات حول أفراد أو مجموعات أو جهات. وتصدر هذه الترهات عن مواقع إلكترونية تلتحف ثوباً (مقدوداً) باسم المعارضة مثل (الراكوبة) و(سودانيز أون لاين) وكلاهما محشود بمصادر لجهات رسمية، أو صفحات على (فيس بوك) لمن يزعمون أنهم معارضون ومناضلون أو عساكر يدعون أنهم (مفصولين) من الخدمة مثل صفحة الكادر (الشغال) المستمر في الخدمة الرخيصة المسمى (ود قلبا) !!
‭}‬وهذا اللقب ملفوح من مفرداتنا – نحنا أولاد أم درمان القديمة – إذ تجد بعضنا يفتخر في هزله وونساته مفتخراً بأنه (ود قلبا) . . والمقصودة أم درمان . . من بدور (القلعة) وجوهرها لعلايل (أبوروف) مروراً بـ(ودأرو) مكان (الشباب الحلو) وبيت المال الأصيلة . . الملازمين . . ودنوباوي . . حي الموردة والعباسية والأمراء وحي العرب . . . وأولاد قلبا الحقيقيون لا يشبهون هذا (الفرد الموجه) أو المجموعة المكلفة مع بعض أدوات التعمية والمكياج لزوم التضليل!!
‭}‬ولكن تضليل منو يا عم ؟! إلا من كانت في عيونه رمد . . وفي عقله خبال . . لا بصر له ولا بصيرة . . من سابلة (النت) وعوامه من لا يميزون ولا يعقلون.
‭}‬نشر هذا المعتوه المطلوق بأمر على صفحته بـ(فيس بوك) ترهات قدم لها بـ(بهارات) تحوي معلومات عن دائرة المعلومات بجهاز الأمن والمخابرات، وفي قلبها أقحم صاحب الصفحة المزيف أنا العبد لله . . “الهندي عز الدين” إضافة إلى الإخوة “ضياء الدين بلال” و”الصادق الرزيقي” وآخرين ضمن عشرات الصحفيين يحملون (رتباً) بجهاز الأمن والمخابرات!! ولم يوضح طبيعة الرتب . . رفيعة أم وضيعة . . لكنه ألقى كذبته المضحكة هكذا وخرج أو توهم أنه فعل!!
‭}‬لقد تطورت أساليب ومناهج وطرق (حرق) الشخصيات، وتجاوز العالم (البدائية) التي ما يزال البعض يحرص عليها هنا في السودان، كأن يورد أحدهم صفة (أمنجي) أو يطلق عبارة (بتاع أمن) على زيد أو عبيد من الناس، فيظنون أن أمر زيد قد انتهى!!
‭}‬ويا . . (ود ضفرا) إنت ما (ود قلبا) ولا حاجة . . ونحنا ما محتاجين (رتب) . . نحنا رتبنا ما بتتقاعد وما بتنزل (معاش) إلا بالموت . . لما ربنا يشيل أمانتو . أقلامنا دبابيرنا . . و صقورنا ومقصاتنا.!!
نحن نعلم وأنت تعلم . . ومن وراءك يعلمون . . رتبنا ومقامنا الرفيع في عمق (قلب) الشعب السوداني .
ويا (أولاد ضفرا) . . أهلنا في دارفور بقولوا: (كلاب كان داوسو . . بخت أرنب)!!!.

المجهر السياسي
خ.ي[/JUSTIFY]


تعليق واحد

  1. واللة فعلا الكلاب اداوست ويا رب واحد يعض الاخر لمن يقتله , يا وهم انت صحفى انت لو ما الانقاذ دي لا تساوي شي

  2. [SIZE=6][FONT=Arial Black]والله ياهندى ماعندك أى مكانه لدى الشعب إنتا مجرد زول مرضان ومصاب بجنون العظمه …. مستجد نعمه بمعنى الكلمه ورغم وضاعة جهاز الإمن والبيشتغلو فيهو لكن برضو إنت أقل قامة من إنو يشغلوك معاهم !![/FONT][/SIZE]

  3. [B][SIZE=4][FONT=Simplified Arabic]بالله يالهندي انت هسي متصدر وش القباحة مالك؟ ماتخليك زول مسامح وكريم زي ضياء الدين بلال والرزيقي. هسي شفت واحد فيهم رد على الاتهامات دي؟ لكن انت فعلا تقاتل في السراب.[/FONT][/SIZE][/B]

  4. الحب والكراهية…لايتم شرحها بعمود صجفى…انت كنت فى الجنب الخطا من التاريخ…وتوصف الراى العام المخالف وهم كفاءات بانهم مناضلى الكيبورد…بينما ايران صنعت قنبلتها ال>رية من شريط كاسيت…انت ممقوت…لصادقتك للباطل ردحا من الزمن.

  5. يا جماعه المشكلة شنو لمن اى واحد يبقى ضابط او عسكرى فى جهاز الامن ؟ هو جهاز الامن دا بقى مسبة ولا شنو

  6. شكرا للترويج المجاني للأخ مناضل الكي بورد (ود قلبا)وبعدين هذا الكي بورد
    لعلمك أسقط حكومات .ومن الليله سنبحث عن صفحة ودقلبا لزوم المتابعه.

  7. يا اخى معادلة بسيطة
    الصحفى الناجح يكتسب احترام حتى معارضيه فالنجاح لا يبنى بالعداء
    والفاشل يخسر احترام حتى المتفقين معه ويفجر فى العداء والسباب
    ان الصحفى الناجح شجاع ومنطقى وموضوعى من منطلق احترامه لنفسه وللمهنةولا ينظر لنفسه بل يدع الناس يفعلون ذلك

  8. الكتابة مسؤلية اخلاقيه فى المقام الاول ,وليس استعراض عضلات بكلمات بمبتزلات لا تسمن ولا تغنى من جوع لا تتهم الاخرين بسوأت فترتد عليك يا صحفى الغفلة.

  9. يا هندي انت زول شوم وتطبل للكيزان الملاعين الحرامية وتلعق احذيتهم وكمان انت زول خاين عديم وطنية ويمكن جاسوس مصري واظن اسرتك كلها جواسيس يهود قدموا للسودان من زمان والامنجية رغم تفاهتهم ووضاعتهم وفسادهم اشرف منك على الاقل بخجلوا ولكن انت ترقص أمفكو في نص الدايرة