بابكر سلك
عزيل البلح
* عندو ولدين.
* ولد مريخابى وولد هلالابى.
* الأبو أصلو ما سأل الهلالابى هلالابى ليه.
* الأبو ديمقراطى.
* المهم.
* الولد المريخابى كلو يوم يجيب الصحف الحمراء.
* شى باسيرو وشى مالك وشى تراورى وشى اوكيرى.
* وفى صور لى ناس قدام.
* شى اوليفيه.
* الوش فى صفحة والعضل فى صفحتى الوسط.
* ناس ماشاء الله قدر الحيط.
* يملو الصفحة والعين.
* الولد الهلالابى برضو يوم جاب الصحف الزرقاء.
* وجا يفرج ابوهو فى ناس تسجيلاتهم.
* شى وليد وشى محمدعبدالرحمن.
* وبرضو فى صور لى سيدى بيه.
* مصور فى صفحة جريدة ناس روشا واقف طولو.
* وتحتو فى نفس الصفحة فى حوار واعلان نص الصفحة.
* الأبو فى سرو قارن بين اجسام ديل واوهام ديك.
* قال لى ولدو الهلالابى ديل ناس تسجيلاتكم؟
* الولد الهلالابى قال ليهو ايوة يا ابوى.
* الأبو قال ليهو ومالهم كلهم شفع كدى ودقدق قريشاتكم قصرن يا ولدى ولا شنو؟
* أيها الناس.
* من هذه المقارنة اتضحت خارطة البطولة الأفريقية للموسم الجديد.
* ناس سيدى بيه ديل لا بشيلوا(هد)ولا بجيبوا(هد).
* وناس خليفة برضو.
* يعنى الموسم الجديد اى كورنر المعز يجيب من جوة.
* أيها الناس.
* نميرى احمد سعيد كان من احرف لاعبى الكرة فى الدنيا.
* غزال جدجد.
* ولكن أفريقياً كنا ما بنلقاهو.
* عشان الباك الضدو بكون عضل رجلو قدر ضهر نميرى.
* والعضلة اكيد بتغلب الشجاعة.
* المهم.
* حكاية البايرن دى يا ناس محمدعبدالماجد قايلنها زى الغول.
* قايلنها فى الخيال.
* ولكم ان تتخيلوا مدى الأحباط الذى يصيب ناس حفظه الله ورعاه أذا الواقع بقى امامهم.
* الخوف يشوفوها ويقولوا دبلجة.
* والغريبة اذا سيدا جدعها لى اوليفيه واوليفيه دفرها وسكاها.
* صدقونى روشا بقد الشاشة ويطير فى اوليفيه جوز.
* يلقى روحو ردم مدافع البايرن.
* واوليفيه انفرد.
* فى اللحظة دى الكهربا اخير تقطع.
* او الجزيرة تتشوش.
* لازم تتشوش.
* المهم.
* الشطب يجب ان يكون وفقاً لما يراه كروجر.
* فما تراه الصحافة ومايراه المجلس وماتيراه الأقطاب ومايراه اصحاب المصالح بالتأكيد لا يسوى فنياً شيئاً امام مايراه ابوبرمودة.
* وأجراء عملية الشطب بالتصويت مصيبة.
* الشطب لايكون أدارياً وتصويتياً الا اذا كان لأسباب غير فنية.
* فى الحالة دى الحق للمجلس والمدرب مايفتح خشمو.
* عدا ذلك كلام كروجر وبس.
* وبس يا الدايرين تصوتوا.
* المهم.
* ناس روشا بسألوا عن تكريم العجب ولسة ما جاوبونا على سؤالنا السألناهم ليهو.
* معسكر الهلال بأيطاليا بدأ ولا لسة؟؟؟؟
* مهند مشى فرنسا ولا بعد التلج يسيح؟؟؟
* لسة الممتاز هلالى؟؟؟؟
* كاس الكونغو جا ولا لسة؟؟؟
* على ناس روشا اختيار سؤال واحد من الأسئلة أعلاه.
* النجاح اذا قالوا بغم فى اى أجابة.
* أها.
* نجى لى شمارات والى الخرتوم.
* أكان شفت يا والينا.
* كلنا نحنا واهلنا وجيراننا والدينكا واهالينا.
* ماعندنا سيرة غير التشكيل الحكومى الجديد.
* فى كل المجالس.
* فى كل المدائن بى ناسها وجندبها وفى كل مجالس المدينة.
* مافى كلام غير تشكيل فخامة الحكومة الكبيرة وتشكيل سعادة الحكومة الصغيرة.
* واحد قال سعادة الحكومة الصغيرة مفروض يتم تشكيلها.
* التانى قال ليهو لايجوز تشكيل سعادة الحكومة الصغيرة ألا بعد تشكيل فخامة الحكومة الكبيرة.
* الأول قال ليهو؟؟؟
* التانى قال ليهو التشكيل زى عزيل البلح.
* الفخامة تعزل البلح الكبار الناير.
* وبعد داك السعادة تعزل من باقى البلح.
* الأول قال ليهو عزيل البلح ده ضياع زمن سااااااى,قدر ما الزول يعزل فى الآخر بياكل كل البلح.
سلك كهربا
*ننساك كيف ومفروض كلو زول يخمش بلحو ويكسبوا الزمن.
واللللللللللللللللللى لقاء
سللللللللللللللللللللللك
في السلك – بابكر سلك
اهو يا ناس شوفوا فهم العنقالي ده للكورة كيف؟ ده ابو التخلف الكروي النحنا فيهو. شوفوا هسع ذي دا قال شنو قال صحفي وين التحليل الكروي وماهو معيار مواصفات اللاعب هل هو كما تقول انت جسم ضخم. او كانت الكرة بالاجسام البليدة لما كان هيثم مصطفي من احرف اللعيبة يا تور. الف مرة قلنا ليك صلعة فااااااااااااااااضية