طلاب حربيون يعاكسون البنات في الشارع العام

www

مثل هذا يحدث من رسميين .. أمثال هؤلاء مفروض يجازون أشد الجزاء .. ويفصلون لانهم لا يصلحون قادة .. تبا لكم ايها المستهترون

As they said military “woman, wine and war”

…إن تحقق ماقام به هؤلاء من هذا الفعل القبيح وبملابسهم العسكرية ..فيجب أن يتم أخذ عقوبة بحقهم لأنهم لم يحترموا وضعهم ومايجب أن يكونواعليه من سلوك منضبط …كنا نشاهد الطلبة الحربيين فى زمن مضى وهم ينتظرون فى مواقف المواصلات ..انتظارا للسيارات التى تقلهم الى كلياتهم الحربية سواء كانت الكلية الحربية أو الشرطة أو السجون وتراهم منضبطين لايتحركون الا بكل وقار وسكينة ولاتسمع حديثا يطغى على الأدب أو سلوكا مشينا..فقد كانوا زينة ..ولا أظن أن مثلهم قد اندثر ..ولكن إن صدق ماصدر من هؤلاء فعلى الجهة التى يتبعون لها أن تسرحهم قبل أن يتخرجوا بهذا النمط السىء من السلوك …وقد (يودون البلد فى ستين داهية) بتصرف أرعن من جمعهم أو من أحدهم……فقبل أن يستفحل داؤهم علينا أن نعالجه من بدايته ……

اين هؤلاء من شعار الكلية الحربية ؟ : الواجب – الشرف – الوطن – ماهي القيم و السلوك النبيل الذي يمكن ان يغرس في هؤلاء الطلاب الحربين حتي يتخرجوا رجالا يمكن الاعتماد عليهم – تصرف لا يليق بمكانة الكلية الحربية عرين الاسود ومصنع الرجال الحادبين علي وحدة وسلامة البلد وسلامة الشرف و العروض.

عفاركم عليكم يا ناس الشرطة الانضباط مهم والله مازال هناك غيرة . والطلاب الحربيين المعنيين ما يستحقوا شرف حماية هذا الوطن الغالي لان الوطن لايعني التراب فقط انما الانسان وكيف لنا ان نامنهم على اروحنا . والشرطة تطويرها وجب اكثر من قبل. وشكرا.

كل الموضوع انو دى مشكله بين الجيش والشرطةوانا بفتكر انو مشاغلت البنات ما هى السبب الرئيسى والسبب انو اى مجموعه بتكره المجموعه التانيه وقصة مشاغلت البنات دى كيس من الشرطه علشان يوقعوا فيهوا الطلبه الحربيين ولانو الشرطه بكهرهوا الطلبه عمومآ لذلك ليهم حق يوقعوا المساكين ديل فى مشكله زى دى وكان من الممكن المشكله دى تتحله بكل بساطه لكن ناس الشرطه صعدوا الموضوع شديد وبعدين البنات هم البشاغلوا وبيبدوا المشاغله اول وانا شاهدت موقف قبل كده انو فى طالب حربى من طلبة الرباط شرطه واقف قريب من الظلط راجى الترحيل وبعد شويه مروا بى جنبوا بتين وبقوا يشاغلوا فيهو ويضحكوا لذلك من المفترض الناس تعرف الغلطان مين فى الاول وبعدين يتعاقب وما نحكم على الناس بالمظاهر فقط
تحياتى للجميع

يا ناس في النهاية هي عدم التربية ولو الواحد منهم بس فكر إن أخته أو أمه أو حتى قريبته مكان واحدة من الغازلن ديل ما أظن يرتكب الفعل المشين دا ،،،، لكن ديل ناس حمادة بنت لا في نخوة ولا رجولة ولا غيرة وأكيد ديل من عينة (هيثم صديق شاهندا أختي عازمنا الليلة بارتي عيد ميلاد بوبي ودادي ومامي حا يجو معانا البارتي )،،،،،، ربنا يحفظ الجميع ويهدي الجميع وعليك العوض ومنك العوض يا الكلية الحربية.
فركاوي فكر في كلامي أعلاه ،،،، بالله عليك مين قال ليك ان البنات الغازلوهن ديل كانو عريانين ،، مش حرام عليك؟؟؟؟؟ وباين إنت عريان الفكر.

لك الله ياوطنى ///

عاشت الشرطة السودانية بلسما ومداويا لكل الجراحات في الوطن وطلبه بمثل هذا السلوك الغير راشد لا يستحقون شرف الانتما الي الكلية الحربية فيجب فصلهم بموجب الاجراءات التي دونت تحتهم وعاشت الشرطة عين ساهرة وتطبق شعارها بكل القوة.
وعلي الاسر وقفة انتباه لازيا بناتهم ودعوة لعودة الامور الي نصابها

طبعا الكلية الحربية زادوها مويه زي باقي جميع الكليات والجامعات
زمان الطالب الحربي الناس بتخاف منه في الشارع من هيبته واحترامه لنفسه
الان الكلية الحربية اصبح في طلابه شهادات عربية ودا ما يؤكد بانها اصبحت ليس عرين الرجال كما كانت في السابق.
الشئ التاني: الطالب الحربي اذا ما بحترم الزي اللابسه والله العظيم ما حربي ولاعسكري ودا يجب ان يعاد تأهيله اخلاقيا.
والشئ الأهم ياجماعة والله العظيم البنات اصبحن شئ مخجل في الشارع وبعاكسن اكتر من الاولاد.
والله العظيم اي بنت تكون ماشه في الشارع وهي لابسه كويس وماشه محترمه من غير اي تلفت ما في واحد بقرب ليها ولا في حد بعاكسه.
ولكن للاسف البنات الواحدة فيهم زي سواق التاكسي تتلفن يمين ويسار. ولابسات اللبس الضيق والمحذق وحتى الملتزمات فيهن لابسات لبس ضيق ومحذق.
والحكاية كلها فاكه من اوله لاخره. ونسال الله السلامة وربنا يحفظ وطنا الغالي.

اصلوا الحكاية في كل دول العالم يطبق القانون علي القوات النظامية اذا تعسف احدهم في استعمال السلطة وتقوم الدنيا الا في السودان فالامر غير بل يلقي المساعدة من زملائه ولو رحت القسم يقولوا تعال بكرة الصباح واشتكي في النيابة ودي لو ماهددوك او ادخلوك السجن دي حال السودان واجراءاته بالمحسوبية يعني ممكن قاضي يلاقيك في الشارع ويكون عنده معك مشكلة قديمة يتعسف في استعمال السلطة وممكن يأمر اي شخص بأخذك الي السجن والتعديلات الجديدة دي حبر علي ورق ، البرنامج دي مفروض يتغير كله ويجب ان يكون وكلاء النيابة طوال اليوم 24ساعة دوام بشكل دوريات او شفتات لماذا يكون في النيابة المتخصصة وكيل نيابة واحد يجب ان يكونوا اكثر من عشرة بشكل شفتات 24ساعة دوام وفتح بلاغات وهكذا بالنسبة للشرطة لابد ن يكون هناك محققين قانونين خريحي جامعات مختصين في التحقيق وليس التحري لان وظيفة المتحري هي جمع المعلومات في كل دول العالم و هي ماقبل فتح البلاغ وهي مرحلة التحري في البلاغات ، السودان ماشي بالبركة ممكن واحد يضربك وتسيل الدماء منك عشان تفتح اورنيك 8 يكون الشخص الذي قام بضربك سافر جوبا وحتي لو تم ذلك يتم تحويل القضية الي محكمة العمد التي لاتعرف تفرق السرقة من التملك الجنائي وهي محاكم ضعيفة وليس لها علاقة بالقانون والاشخاص الذين بيحكموا فيها ليس لديهم الدراية القانونية الكافية والغريب بيحكموا مرات في قضايا كبيرة مثل السرقات الكبيرة والمشاكل العائلية الكبيرة وشاهدت ذلك عندما كنت محاميا وربما تكون قضية طلاب الحربية امام محكمة العمد هذا هو شكل القضاء في السودان ، المفروض في هذه القضية اعلاه لو ثبت صحتها هو فصل هؤلاء لانهم سوف يكونوا قدوة سيئة للضباط الموجودين حاليا ويمارسون افظع الممارسات الخاطئة 0
اللهم بلغت فاشهد

أبو علا طرحك سخيف زي شكلك باين ،،،، مالهم ناس الشهادة العربية ،،، والله فيهم رجال أولاد رجال ،،،، فيهم من حضر من الخليج شباب صغار في السن وزي الزهور ذهبوا للحرب في الجنوب أيام المشروع الحضاري ما كان مسخن ،،،،، أولاد متربيين ويملوا العين …… مش كفاية الظلم الواقع عليهم في إنقاص درجاتهم الحاصلين عليها بكدهم وجهدهم وبعدين يا أستاذ قارن بين مستواهم الآن ومستوى المدارس في السودان (طبعا ما بقصد المدارس خمس نجوم) البتخرج ناس حمادة بتاعين مغازلة بنات بلدهم وهو طلبة خربانين مش حربيين.

يقول الرسول (ص) إذا جلس اليك الخصمان فلا تحكم لإحدهما حتى تسمع من الآخر … ويقول الإمام على كرم الله وجهه إذا جاءك أحد وأذنه مقطوعة فلا تحكم له حتى ترى الآخر فربما تكون أذناه الإثنين مقطوعتان … فأين نحن من هذه القيم والعدالة العظيمة … نحن شعب يصدر الأحكام والآراء فى كل الأمور دون أن نلم بكل جوانبها فلماذا لانترك الموضوع لتقول العدالة كلمتها فيه … فالنتقى الله نبرأ لأنفسنا وديننا ..

الظاهر الجماعه ديل يادوب طالعين من الكون فاين 3 شهور علي الاقل لكن هذا ايضا لا يبرر فعلتهم فالجيش هيبه ومكانه والله شنو..;) 😉 😉 😉 😉 😉 😉 😉 😉

ابو القاسم ماقلته الا الحق متين بكون في احترام للقوانين في البلد دي

:confused: غربية الحاصل شنو الدنيا قايمه قاعدة—— الصورة واضحه اكان لباسين كويس مافي زولا سألهم ثم تانيا الطلبه الحربيين دا ما من شيمهم

عادى جدا مادام السودان اصبح لحم راس ::::
اصلا العساكر ماصدقوا انو يشوفوا واحدة لابسة قصير من بعد الحبسة الكانو فيها وزى ديل ماحيستفيد منهم الوطن قدام ……لانهم ماناس فزعة..(.ود الضريصاب:confused:

😮 الكل بيفســــــــر على هواه اصلو الحكاية بسيطة جدا مابتستاهل الهيلمانه دى كلها بس الموضوع كلو انو غـيرة عادية بين الوحدات العسكريه فى بعضها البعض فالكل عاوز يبرز عضلاته ويثبت انو هو الاقوى لفرط الحساسية االشديدة بين الفريقين
دى كل الحكاية…….

الغرابه شنو في حربيين والله مواطنيين الفكرة واحد ونفس المجتمع الذي يقذف بمثل هؤلاء هو نفس المجتمع الذي ليس له اي تقدير من الدولة في محاربة الرزيله في المجتمع الواحد بل اعراضنا في الجامعات والشارع العام يندي له الجبين والسؤال اين مسؤوليه الدولة في هذا الاطار …..

هؤلاء العسكر جميعهم من مجتمعنا السوداني وهو افراز حقيقي لما آلت اليه الرعية من فساد خلقي
لست بمستغرب لان الجيش والشرطة في اعتقادي يكونوا من خيار الامة لانه اذا صلح الراعي صلحت الامة وامة بلا راس ماذا ننتظر من الرعية
لان الشرط والجيش زمن وعصر الاسلام الاول كانوا من خيار البشرية وافقها لانه على اكتافهم تتم نهضة الامة وما حكامنا العسكر وفسادهم الا من هذا

اذا امنت العقوبة……………………………….. فأصنع ماتشاء

المسألة ما مسألة الغلط من البنات ولا من طلاب الكلية الحربية
مسألة انو في فوضه في البلد اي زول عايز يعمل اي حاجة في مزاجو بعملها لانو متأكد تماما انو ما في قوانين رادعه في البلد…. طيب ليه البنات ما يعاكسو وليه طلاب الكلية الحربية أو حتي ضباط الجيش او الشرطة ما يعاكسو.