ضبط مصنع للويسكي في الخرطوم
تمكنت شرطة أمن المجتمع ولاية الخرطوم من ضبط مصنع للخمور الأجنبية بمنطقة الازهري ، تفوق كلفته المليار جنيه ، وتم القبض على إثنين من المتهمين وبحوزتهما كميات كبيرة من الخمور والمواد الخام المصنعة وماكينة تقطير بجانب علامات مزورة للماركة. وقال العميد ابو بكر احمد الشيخ مدير شرطة امن المجتمع أمس : توافرت معلومات عن وجود أجانب أسسوا مصنعاً (للويسكي والجن الحبشي) من خلال استئجارهم منزلاً بالخرطوم منذ أقل من شهر . واضاف ابو بكر انه تم ضبط مجموعة تنضوي لشبكة إفساد منظم ، تنتج وتمتلك مصنع الخمور وزاد : تم ضبط مصنع كامل وبراميل وعدداً كبيراً من الزجاج الفارغ يفوق (3000) زجاجة و(600) زجاجة معبأة . واشار الي ان التحريات مستمرة لضبط بقية افراد الشبكة . واضاف ان المصنع يعد اول تجربة لبعض الشبكات التي تسعى لتدمير الشباب . وعلمت المصادر ان المصنع والمضبوطات تفوق المليار جنيه . من جانبه اوضح مولانا عبد الدائم زمراوي وكيل وزارة العدل المدعي العام . ان ضبط مصنع للخمور الاجنبية يشكل اضافة حقيقية للمجهودات التي تقوم بها الشرطة في حماية المجتمع من المهددات العقلية التي ينتج عنها التفكك الاسري والامراض النفسية والادمان . وبحسب صحيفة الراي العام مبيناً ان ادارة امن المجتمع تعمل على بث الطمأنينة لدى المواطنين والمحافظة على قيم وموروثات المجتمع بمحاربة الظواهر السالبة .
الشباب انهرى من المر عاوز يغير شوي 😎
الويسكي معروف لكن (الجن الحبشي) دا بصراحة أول مرة اسمع بيهو 😮 (؟)
تقصير من الاجهزة الامنية معقول مصنع بتكلفة مليار لم يكتشف الا بعد الانتاج والترويج شيء مخيف ومحزن مفروض رجل الامن او المباحث يعرف اي وكر الامن عاوز شفوت رجال تدخل في بطن وزة مش جنصصه وجنز وطبنجه تظهر عند ست الشاي ونظاره وبدله من بعيد ذلك رجل امن حليل زمن اللبن خش يا حسين
مجهود بائس من بائسة ويائسة لاتدري ماذا تفعل .اين من اختلسوا المليارات من اموال الشعب اين محاسبات المراجع العام ومن يبنون قصورهم في الطريق العام كما يحدث في الطائف والمعمورة .شرطة شغالة قصاد ستات الشاي والعرقي
اولا : بصراحة نشيد بدور امن المجتمع بهذا الانجاز الكبير وان كان متاخر بعض الشئ.
واتمنى من ناس النيلين متابعة الخبر حتى يتم التعرف على مين صاحب المصنع.
ولو ما كان تابع لناس الحركة الشعبية، أكون انا الغبيان.
الناس العواليق ديل عايزين ادمرو الشباب الاسلامي باي طريقة.
بعد شوية بتحصل الروسيات في البلد وعاملات شبكة دعارة. ربنا يستر ويحفظ امتنا الاسلامية.
:confused:
كلام يا عابد ..
الامن عاوز شفوت رجال تدخل في بطن وزة مش جنصصه وجنز وطبنجه تظهر عند ست الشاي ونظاره وبدله من بعيد ذلك رجل امن حليل زمن اللبن خش يا حسين
..
ست الشاي دي الظاهر بقت مشهورة .. الغريبة كلهم بتلقاهم لابسين نظارت سودا ما بتعرف الأمنجي جد منو والما أمنجي منو ..
..
حقو ناس الأمن يلفو يرفعو الناس ديل .. حسي ده ما 93 عديل كده .. وأنا بعرف لي واحد .. علي الطلاق ده بيقوم الصباح بدري لابس نظارة سودا وبيخت ليهو كرتونة بالجنبة نظام طبنجة .. وبلبس بود .. أقسم بالله بلبس بود .. وبس .. يومه باسطة .. وكان في الحلة بيقولو ليهو جنابو ..
..
وكان إتلبط ليهو مع زول .. بيقول ليهو ما تتكلم معاي كثير أرح قداااااااام .. قدام وين .. هو بسط ما بيقدر يجي بي جنبو .. غايتو البلد دي .. أحناك ساااااااااي ..
..
وعندي قريبي ده مظلل عربيتو ليهو 6 شهوووور .. عامل فيها أمنجي .. وبلبس نظارات وبدل إشتراكية .. والله ما في زول سألو قال ليهو ثلث الثلاثة كم .. !!
زمان بنسمع الجمارك قبضة علي مهربين خمور الان تصنيع يعني تصدير والله مشا الله
اكيد حبش اعدام طوالي في مكان عام شابكننا الشريعه الشريعه ديل تتطبق فيهم الحرابه لانو ده افساد في الارض
وبعدييييييييييين مع الحبش ديل؟؟؟؟؟؟؟
😡 😡 😡 😡 😡
طيب وين امن المجتمع لما الزول ده اجر البيت مفروض الايجار يكون من مكاتب وكل عقد جديد يكون منسق مع الشرطة حتي مزارع كبار الاغنياء لازم تصلوها برضو وكنتو وين انتو لما الراجل باع وبدا الانتاج اكيييييييد دا بتوجيه من عربان وباجان