الطاهر ساتي :لم تُعد في الهلال السوداني – في عهد الكاردينال – نكهة سودانية غير هتاف الجماهير وملكية أرض النادي وكتابات الرشيد علي عُمر وبيانات فاطمة الصادق

مسحت بيهم الواطة

الاستاذ الطاهر ساتي صاحب كتابات مشوقة كمقاله الحالي الذي جاء مشبعا بالروح الوطنية والاربابية، لكن اسمح لنا استاذنا ان نختلف معك جملة وتفصيلا.
يرغب نادي الهلال في تدعيم فريقه بمواهب تساعده علي الفوز ببطولة الاندية الافريقية التي دائما ما تهرب منه في الامتار الاخيرة كما حدث في اخر بطولة، بحث عن لاعبين في السودان لتسجيلهم لكن للاسف لا توجد مواهب تستحق التسجيل وهذه حقيقة يقر بها كل مهتم بالشأن الكروي في السودان، سجل الهلال حوالي عشرة من الشباب الذين تقل اعمارهم عن الثامنة عشر ليكونوا نواة لهلال المستقبل وعين لهم مدرب صاحب خبرة كبيرة هو الفاتح النقر، وهو امر لم تاتي علي ذكره ربما سقط سهوا لان فكرة المقال كانت في راسك مكتملة فلم يسمح لك عقلك بالنظر الي الجزء الممتلئ من الكوب.
اما حديثك عن التجنيس وكثرة الاجانب في الهلال فنحن نشكر إدارة الهلال علي ذلك فما دامت المواهب معدومة في السودان فيمكن استيرادها بالمال كما تستورد البنزين والسكر والقمح، نعم سلعة استراتيجية وانت العبقري في الاقتصاد لان كرة القدم لم تعد تحتمل معاني الوطنية والقومية بل هي صناعة بالمعني الحرفي للكلمة ويا ليت المهتمين بالمنتخب الوطني – بعد ان جلبنا لهم السلعة من حر مالنا- ان يستفيدوا من المجنسين في تدعيم المنتخب الوطني الكسيح وهو ما تفعله كل دول العالم واظنك تابعت معركة دييجو كوستا التي انتصر فيها اليورو الاوربي بوصفة اسبانية علي الباهت البرازيلي الباهت ودونك اصدقاؤنا القطريين محترفين في كل الرياضيات، هل تعرف برشم البطل العالمي في رياضة القفز ان لم تخني الذاكرة.
العزف علي وتر الجنسية السودانية بهذه الطريقة كلام فيه جهل كبير جدا بالنسبة لشخص مثلك يقرأ جيدا، نحن نشكر الدولة علي تفهمها للوضع افضل من الجميع واتمني من كل قلبي جلب محترفين اخرين ومنحهم الجنسية السودانية ليشاركو مع الهلال والمريخ في البطولات المحلية والخارجية حتي يتحقق لها النصر وحتي تصبح من الفرق العالمية وهو ما لن يحدث اذا واصلنا الاستعانة باللاعبين السودانيين لما سبق وقلته وهو انعدام اللاعب السوبر في السودان وفي الكثير من دول العالم وسيأتي يوم يقود كرة القدم في السودان من يستفيد من هؤلاء الاجانب للعب في المنتخب السوداني.
اتفق معك في جزئية واحدة وهو فيصل موسي فهو لاعب لا فائدة منه وسجله الكاردينال نكاية في المريخ لانهم سجلوا بكري المدينة وهو واحد من افضل المهاجمين في السودان وعليه يعتمد المنتخب، ولم يحسن الكاردينال النكاية لانني وكمشجع قديم للكرة اري انه لا يوجد لاعب يحتاجه الهلال حوجة فعلية في المريخ مع كامل الاحترام والتقدير لفريق المريخ صنو الهلال.
ان اردت ان تكتب في شأن الكرة فاترك فكرك السياسي في الصحف السياسية لان كرة القدم هي المنبر الوحيد الذي يجمع كل اهل السودان حكومة ومعارضة ومستقلين ولان الرياضية علي وجه العموم وكرة القدم علي الاخص هي تراث ثقافي متأصل في السودان ولها تقاليد واعراف واصبحت كذلك بالتراكم لعشرات السنوات.
اما استنجادك بصلاح ادريس فقد جاء متأخرا واحسب ان الاستاذ صلاح ادريس لن تقوم له قائمة الهلال بعد اليوم والي حين مفارقته الحياة، ان كنت تعلم السبب لا داعي لذكره وان كنت لا تعلم فاقوله لك باختصار، صلاح ادريس حارب الهلال ومن يفعل ذلك لا يحق له ان يكون واحد من اهل الهلال وصلاح ادريس من لحظة اعارة محمد صلاح للمهدية اصبح خارج اسرة الهلال والي الابد، علمت؟ الحمد لله انك فهمت.
ونشكرك علي استقطاع وقت ليس بالقليل كي تكتب عن الهلال الوطن الجميل والحب الاصيل.

يا الطاهر ..انت زعلته من الكاردينال واللا شنو؟
نحن نمسك ضياء الدين البلال .. تطلع لينا انت يا الطاهر ؟
زي ما قال المثل .. الموسم ده الكاردينال ده بكتل ليهو زول ..
بعدين البركة في شيخكم جمال الوالي .. عابر القارات .. قبل كده جاب ليكم الحضري واداهو مال قارون بس علشان يمسك ليهو الهلال .. وفي النهاية طلع الحضري ماسورة واولاد الهلال وروهو المكشن بلا بصل .. وسافر مصر بعدما خمه قروش المؤتمر الوطني القاعد يلمها مننا نحن المغتربين المساكين ديل ضرايب وزكاة ودمغة جريح .. وكمان مش فات ساي بس .. فات بعدما قل ادبو على جمهور الهلال وشعب السودان عندما لوح بي جزمتو في الحادثة الشهيرة ولو كان ناس الوالي ديل فيهم واحد قلبو حار .. كان زولكم ده خموهو من جوة الاستاد لي أحمد شرفي ده لو كان فضل فيهو بقية .
بعدين سمحة المقدرة .. الكاردينال بيجيب وبيفاوض وخاتي ليهو لجنة فنية من اولاد الهلال .. ودي براها بالدنيا يا الطاهر .. ورئيسنا زينة وعاجبنا وجبناهو بي التصويت .. ما جابو لينا .. انت يا الطاهر شكلك حنيت تاني ههههههه ..
ثم ثانيا يا ساتي .. المريخ ده ما مليان لي حلقومو باسكال وشي باسكن روبنز وشي تراوري وشي منو ما عارف .. انتو ديل جبتوهم من الفنون الشعبية واللا من جامعة افريقيا العالمية ؟ ما ياهم قوات اليونميد ذاتهم الشلتو بيهم الممتاز السنة الفاتت ..
عاد السنة دي يا الطاهر ماف ليكم طريقة .. بعدين قالو في برازيلي جاي بكرة التلاتاء يعني الموسم ده الشافكم ناس دار الرياضة امدرمان وقصب سكر وشاي ساده ما كضب ..
بعدين اوعه تقولي سيدا راجع .. طيب كده ما الضحك شرطكم هههههه ..

إذ ناديت قد أسمعت حيـــاً ولكن لاحياة لمن تنــــادي
ونارا إذ نفخت بها أضائت ولكن أنت تنفخ في رمـــاد
……………………………………………..
من دخل الكاردينال وفاطمه شاش في الهلال بطلنا تشجيع الهلال ذاتو خليناه لي الكاردينال وفاطمه شاش ……
نشوفهم حيعملوا شنو ؟؟؟؟؟؟؟؟؟

لما مصير الكورة السودانية تكون فى يد جهلة أصحاب مال
عليها السلام

[B][SIZE=7][SIZE=[B]7]يا شيخ[FONT=Arial]نا انت الوطنيين ديل الانت بتتكلم عليهم قاعدين فى الهلال اكتر من ال 15 سنه ماعملو لينا حاجه ولا شفنا منهم غير كاس الممتاز والله كاس الممتاز دا للوضع الشايفنو نحنا فى الكوره السودانيه بالرديف بنشيلو نحنا دايرين بطولات خارجيه فاهم شنو يعنى بطولات خارجيه انت والمعاك نحنا كجمهور جربنا كل مايخطر ببالك جربنا هيثم وغيرو وغيروو وجربنا صلاح ادريس وجماعتو البمنع شنو نمنح الكاردينال الثقه ونخليهو يعمل للهلال نحنا هدفنا بطولات خارجيه وناسك ديل غير القروش والمصالح لنفسهم مابهمهم هلال بدليل كابتن لعب سبعة عشر عام مرتدى شعار الهلال عشان القروش يجى يبدل ولاءه دا انا ما برجاهو تانى يعمل لى حاجه دا بفكر فى نفسه وبس والاجنبى افضل من ستين الف زيو وعليكم الله اختونا انت والمعاك نحنا دايرين اجانب اجانب افضل من البياعين ديل احسن يبعونا اجانب من ما نتباع من وطنين فهمت الكلام دا لو مافهمتو وديهو لصلاح ادريس يفهمك ليه [/SIZE][/B][/FONT][/SIZE][/B]