بدون شعار ويبدأ الإعداد
* الجماعة قربوا يبدوا الإعداد
*بدون شعار
*لا شيء سوى اللون الأزرق
*مرايل ملط ساااااااي
*وسمعنا إنو في مريخابي مقيم في السعودية
*حالف يسجل الشعار بتاع الجماعة في الرياض
*وقال السعوديين داقسين
*ما عارفين مسجل العلامات التجارية السعودي البي عقالو مكتبو وين!!
*إتصلنا بيهو
*ونسقنا ليهو مع عصمت
*عصمت خبير الشعارات الهلالية
*وعصمت كتر خيرو وعد بتقديم العون له
*إسلام سمعت الكلام في التلفون
*ورانا طوالي في الهلال الأحمر السوداني
*جرت صورتو
*وحفظتو في الموبايل
*عملت ليهو برنت آوت
*ويوم الأحد ماشة تسجلو
*مسجل العلامات التجارية تعب معانا
*وشفوت من الفاشر وكادوقلي سألونا
*عصمت سمح لي هلال الفاشر وهلال كادوقلي بالشعار ولاّ ما سمح؟
*عشان كان ما سمح، ما نسمح ليهم سوى اللون الأزرق
*هلال الجربوكس بتاع عربية روشا إنكسر
*مشى يلحمو قالوا ليهو إلا هلال جديد
*مشى الشركة قالوا ليهو جيب تصديق من عصمت عشان نديك الهلال
*هلال الجربوكس
*قال ليهم ليه؟؟
*قالوا ليهو أي هلال في البلد دي إذا ما جبت موافقة عصمت مافي طريقة
*وقالوا ليهو موافقة عصمت قبل القيمة المضافة
*روشا
*شوف ليك كارو
*الكارو بفكك من عصمت
*الكارو ما فيهو هلال
*وعصمت يطالب بأربعة ملايين دولار
*دولار ينطح دولار
*هو جنس نطحي
*المهم
*أمس تشرفنا بحضور التمرين
*محاضرة ألقاها كروجر
*يبدو على الرجل الثبات
*للثعلب الألماني رأي
*وآراء الفوكس دي بتكتل ليها زول
*وسيدا سنة في المريخ بالفرحة قابل روبن
*لو كان قعد في الهلال كان بالحسرة قابل ربو
*والمريخ لن يخذل الجالية التي أعدت إستقبالاً له بقدر الطموح
*المريخ لن يخذل الشفوت داخل الوطن الكبير
*المريخ لن يخذل الشركة الراعية التي إختارته
*وفي موقع البايرن الرسمي إسم المريخ نزل قبل إسم البايرن
*الناس الساكنين في موقع البايرن بالإيجار ما شفتوا دي؟؟!
*وشتلة روشا بتاعت التلفون بالغ فيها
*الزول قال طالبنا باللعب ضد بطل الدوري السوداني
*أسي الدخل الهلال هنا شنو يا روشا؟؟؟
*البايرن ده أفرض لعب ضدكم.؟
*ينزلكم في موقعو ملط لا شيء سوى اللون الأزرق؟؟؟
*سبورة يا كافي البلا!!!
*وأي نتيجة مشرفة ستسبقها مانشيتات عريضة
*البايرن باع
*الله يسألكم شفتوا ليكم بايرن ببيع؟؟؟
*أيها الناس
*أنا لظروف ما ماشي الدوحة
*ما ماشي كورة البايرن
*لكن إن شاء الله كورة البارسا أساسي
*أصلها قريبة في دبي
*نمشي يوم الكورة ونتحرك بعد الكورة طوالي
*الساعة إطناشر نكون عند أهلنا
*زي الجايين من الحصاحيصا
*وكان فاتتني كورة البارسا أكيد كورة المان ما بتفوتني
*أصلها في السعودية قطعة بحر
*منها الواحد يغشى المليك في بورتسودان
*يمكن نحضر لينا تسوق
*ولو فاتتني كورة المان ما مشكلة
*قالوا المريخ جايب الريال في أم درمان
*في دي أساسي
*جمب البيت
*أغدي الحاجة وأمشي الكورة
*بين الشوطين أجي أعشي الحاجة وأرجع الكورة
* أكون أخدت رضا الوالدين وحضرت الشوطين
* وإذا فاتتني كورة الريال
*ناس روشا كورتهم في الفاشر ضد الهلال ما بتفوتهم
*بالطوف بالأنتنوف بصلوا بصلوا
*بس هلال السلاطين ما تابع
*بغلبهم بغلبهم
*أها
*نجي لي شمارات والي الخرتوم
*كان شفت يا والينا
*زمان كنا طلائع مايو
* أبوكم مين يقولوا لينا
* نميييييييري نقول ليهم يا والينا
*قائدكم مين يقولوا لينا
*نمييييييري نقول ليهم يا والينا
*كان ما قالوا لينا
*نميييييري نقول ليهم يا والينا
*كنا بنحب نميري يا والينا
*كنا صغار ما عارفين شي
*بس الشيء الوحيد الكنا بنعرفوا يا والينا
*إنو نميري كان بحب يعمل أبو القاسم
*وعندو إتنين أبو القاسم
*أبو القاسم محمد إبراهيم وأبو القاسم هاشم وقسم الله عبدالله رصاص
*حكومتكم دي يا والينا ما فيها أبو القاسم
*ومليانة عبدالواحد
*أبو القاسم مهم يا والينا
*والطريقة دي ما صاح يا والينا
*شوفوا طريقة لي أبو القاسم
*إذا لقيتوا طريقة لي أبو القاسم
*كلنا حا نغني أوعك تقطع صفقة شجرة
سلك كهربا
*ننساك كيف وفاقدين أبو القاسم
وإلى لقاء
سلك
في السلك- بابكر سلك[/SIZE][/JUSTIFY]
قلنا ارتق بالمفردة الله لا علمك. صلعة فااااااااضية