ﻣﺎﺗﺨﻠﻮﻧﺎ ﻧﺪﻕ ﺍﻟﺼﻔﺎﺋﺢ

[JUSTIFY][SIZE=5] [CENTER]ﻣﺎﺗﺨﻠﻮﻧﺎ ﻧﺪﻕ ﺍﻟﺼﻔﺎﺋﺢ[/CENTER]

* ﻫﻴﻴﻴﻴﻲ ﻭﻫﻴﻴﻴﻴﻴﻴﻲ ﻭﺗﺎﻧﻰ
ﻫﻴﻴﻴﻴﻲ .
* ﻛﺎﻧﺖ ﺑﺪﺍﻳﺔ ﺳﻴﻨﺎﺭﻳﻮ ﻓﻰ ﺣﻠﻤﺔ
ﺣﻠﻤﺖ ﺑﻴﻬﺎ .
* ﻗﺮﻳﺖ ﻣﺎﻧﺸﻴﺖ ﻓﻰ ﺟﺮﻳﺪﺓ
ﺍﻟﺮﺷﻴﺪ .
* ﻗﺎﻝ ﺍﻟﻤﺎﻧﺸﻴﺖ ﻓﻀﺎﺋﺢ ﺍﻟﻤﺮﻳﺦ
ﻋﺒﺮ ﺍﻟﺘﺎﺭﻳﺦ .
* ﻗﺮﻳﺖ ﻭﺿﺤﻜﺖ ﻭﻧﻤﺖ .
* ﻟﻤﺎ ﻧﻤﺖ ﺣﻠﻤﺖ.
* ﺃﺗﻨﻴﻦ ﻣﺮﻳﺨﺎﺑﻴﺎﺕ ﺩﻳﺎﻣﻴﺎﺕ ﺑﻨﺎﺕ
ﻗﻠﺒﺎ .
* ﻭﺍﻗﻔﺎﺕ ﺟﻤﺐ ﺟﺮﻳﺪﺓ ﺍﻟﺮﺷﻴﺪ .
* ﺭﺍﺑﻄﺎﺕ ﺍﻟﺘﻴﺎﺏ ﻓﻰ ﻧﺼﻬﻦ .
* ﻭﻳﻘﻮﻟﻦ ﻣﻊ ﺑﻌﺾ .
* ﻫﻮﻭﻭﻭﻭﻯ ﻳﺎ ﺍﻟﺮﺷﻴﺪ .
* ﺃﻋﻤﻞ ﺷﺨﻴﺖ ﻭﺯﺡ ﺑﻌﻴﺪ .
* ﻭﺍﻟﻠﻪ ﻧﺤﻦ ﻧﺪﻕ ﺍﻟﺼﻔﺎﺋﺢ
ﻧﻤﺮﻕ ﺟﻨﺲ ﻓﻀﺎﺋﺢ .
* ﻣﺎﻟﻨﺎ.
* ﻭﺍﻟﻠﻪ ﻧﺴﻤﻌﻚ ﺻﻔﻘﺔ ﻟﻤﺎ
ﺗﻌﺮﻑ ﺣﺎﺟﺔ .
* ﻫﻴﻴﻴﻴﻴﻴﻴﻲ ﻭﻫﻴﻴﻴﻴﻴﻴﻴﻴﻴﻲ ﻭﺗﺎﻧﻰ
ﻫﻴﻴﻴﻴﻴﻲ.
* ﻫﻴﻴﻴﻴﻴﻴﻴﻴﻲ ﻳﻜﺎ .
* ﻫﻔﺴﺔ .
* ﺍﻟﺮﺷﻴﺪ ﻗﺎﻝ ﺩﺍﻳﺮ ﻳﺴﻤﻊ ﺍﻟﻤﺮﻳﺦ
ﺻﻔﻘﺔ .
* ﻣﺎﻟﻨﺎ ﻳﺎ ﻳﻤﺔ .
* ﺩﺍﻗﻴﻦ ﺣﻜﻢ ﻭﻻ ﺩﺍﻗﻴﻦ
ﺣﻜﻢ !!!!!!
* ﻭﻻ ﺗﻤﺎﻧﻴﻦ ﺳﻨﺔ ﻣﺎ ﺟﺒﻨﺎ ﺍﻟﺘﺮﺍﺑﺔ
ﺍﻟﺘﻜﻴﻞ ﺧﺸﻤﻨﺎ .
* ﻣﺎﻟﻨﺎ ﻳﺎ ﻳﻤﺔ .
* ﺑﻨﺘﻘﺎﺷﺮ ﻭﻻ ﺑﻨﻐﻴﺮ ﺃﺗﻨﻴﻦ
ﺃﻃﻨﺎﺷﺮ .
* ﺃﺳﺘﺎﺩﻧﺎ ﻣﻠﻴﺎﻥ ﻓﺎﺭ ﻭﻻ ﺑﻴﺸﺒﻪ
ﺍﻟﻐﺎﺭ ﻭﻻ ﻋﺪﻣﺎﻧﻴﻦ ﺍﻟﺸﻌﺎﺭ .
* ﻫﻴﻴﻴﻴﻴﻴﻴﻴﻴﻴﻴﻴﻴﻲ ﻳﻲ
ﻭﻫﻴﻴﻴﻴﻴﻴﻴﻴﻴﻴﻴﻴﻲ ﻳﻴﻴﻲ ﻭﺗﺎﻧﻰ
ﻫﻴﻴﻴﻴﻴﻴﻴﻴﻴﻴﻴﻴﻴﻲ ﻱ .
* ﻣﺎﻟﻨﺎ ﻳﺎ ﻳﻤﺔ .
* ﺟﻴﻮﺑﻨﺎ ﻧﻀﻴﻔﺔ ﻭﻻ ﺷﺎﻛﻨﻨﺎ ﻓﻰ
ﺍﻟﻔﻴﻔﺎ .
* ﻭﻻ ﺟﺎﻳﺒﻴﻦ ﺍﻟﻤﻈﻨﺔ ﻭﺑﻠﻨﺘﻴﻨﺎ
ﺑﺘﺪﻕ ﻣﺤﻞ ﺍﻟﺤﻘﻨﺔ .
* ﻫﻴﻴﻴﻴﻴﻴﻴﻴﻴﻴﻴﻲ ﻳﻜﺎ .
* ﺩﺍﻗﺴﻴﻦ ﻭﻻ ﺯﺍﻳﻐﻴﻦ ﻣﻦ
ﺍﻟﺪﻣﺎﺯﻳﻦ .
* ﻳﺎﻫﻮ ﺍﻟﻔﻀﻞ.
* ﻣﺎﺳﻜﺎﻧﺎ ﺍﻟﻨﻜﺴﺔ ﻭﻻ ﻣﻦ
ﻣﺎﺯﻳﻤﺒﻰ ﺍﺧﺪﻧﺎ ﺍﻟﺨﻤﺴﺔ .
* ﻫﻴﻴﻴﻴﻴﻴﻴﻴﻴﻲ ﻭﻫﻴﻴﻴﻴﻴﻴﻴﻴﻴﻴﻴﻴﻲ ﻱ
ﻭﺗﺎﻧﻰ ﻫﻴﻴﻴﻴﻴﻴﻴﻴﻴﻴﻴﻴﻲ.
* ﺍﻟﺮﺷﻴﺪ ﺃﻗﻴﻒ ﺑﻌﻴﺪ ﻭﺃﻋﻤﻞ
ﺷﺨﻴﺖ .
* ﻭﺃﺗﻐﺎﻣﺘﻦ .
* ﻭﺃﺗﻔﺎﻛﻜﻦ .
* ﻭﺻﻔﻘﻦ .
* ﺻﻔﻘﺔ ﻣﻦ ﺍﻣﻬﺎ.
* ﺑﻨﺎﺕ ﻗﻠﺒﺎ .
* ﻭﻭﺍﺻﻠﻦ.
* ﻣﺎﻟﻨﺎ ﻳﺎ ﻳﻤﺔ .
* ﺟﺎﻳﺒﻴﻦ ﺍﻟﻨﺼﺎﻳﺐ ﻭﻻ ﻻﻋﺒﻴﻦ
ﻓﻰ ﺍﻟﺰﺭﺍﻳﺐ .
* ﻳﺎ ﺭﻭﺷﺎ ﻳﺎ ﺃﺧﻮﻯ .
* ﺑﺪﻝ ﺗﺸﺘﻞ ﻟﻴﻚ ﻛﻼﻡ ﺳﺎﻛﺖ .
* ﺯﻳﺪ ﺍﻟﺼﻔﺤﺎﺕ ﺍﻟﻌﺎﻟﻤﻴﺔ .
* ﺟﻴﺐ ﺃﺧﺒﺎﺭ ﺍﻟﻤﺮﻳﺦ ﺍﻟﻌﺎﻟﻤﻰ
ﻭﺑﺎﻳﺮﻥ ﻣﻴﻮﻧﺦ ﺑﻄﻞ ﺍﻟﻌﺎﻟﻢ.
* ﻛﻮﺭﺓ ﺍﻟﻤﺮﻳﺦ ﻭﺍﻟﺒﺎﻳﺮﻥ ﺑﺮﺿﻮ
ﺃﺧﺒﺎﺭﻫﺎ ﻋﺎﻟﻤﻴﺔ .
* ﺃﺗﻜﻠﻢ ﻋﻦ ﻻﻋﺒﻴﻦ ﺍﻟﻤﺮﻳﺦ
ﻭﻻﻋﺒﻴﻦ ﺍﻟﺒﺎﻳﺮﻥ .
* ﺧﺎﺹ ﺻﻔﺤﺔ ﺍﻷﺣﻤﺮ
ﺍﻟﻮﻫﺎﺝ .
* ﺃﺗﻜﻠﻢ ﻋﻦ ﺍﻟﻘﻨﻮﺍﺕ ﺍﻟﺘﺮﻛﻴﺔ
ﺍﻟﺘﻰ ﺗﺘﻨﺎﻓﺲ ﻋﻠﻰ ﻧﻘﻞ ﺍﻟﻠﻘﺎﺀ .
* ﺗﺮﻛﻴﺔ ﺩﻯ ﻃﺒﻌﺎً ﻣﺎ ﺷﻔﺘﻮﻫﺎ ﺃﻻ
ﻓﻰ ﻣﻬﻨﺪ ﻭﻧﻮﺭ .
* ﺷﻮﻓﻮﻫﺎ ﺍﻟﻤﺮﺓ ﺩﻯ ﻓﻰ ﺳﻴﺪﺍ
ﻭﺭﻭﺑﻦ .
* ﺯﻯ ﻣﺎ ﺷﻔﺘﻮﻫﺎ ﻓﻰ ﺣﺮﻳﻢ
ﺍﻟﺴﻠﻄﺎﻥ .
* ﺷﻮﻓﻮﻫﺎ ﻓﻰ ﺍﻟﺒﺎﻳﺮﻧﺎﻥ .
* ﺍﻟﺒﺎﻳﺮﻧﺎﻥ ﺩﻯ ﺍﻟﻤﺮﻳﺦ ﻭﺍﻟﺒﺎﻳﺮﻥ
ﻳﺎ ﺭﻭﺷﺎ .
* ﺑﺎﻳﺮﻧﺎﻥ .
* ﻛﺘﺮ ﺍﻟﺼﻔﺤﺎﺕ ﺍﻟﻌﺎﻟﻤﻴﺔ ﻋﺸﺎﻥ
ﺗﻠﺤﻖ ﺍﻟﺴﻮﻕ.
* ﺃﺧﺒﺎﺭ ﺍﻟﻌﺎﻟﻢ ﺍﻟﻴﻮﻣﻴﻦ ﺩﻱ
ﺍﻟﻤﺮﻳﺦ ﻭﺍﻟﺒﺎﻳﺮﻥ ﺑﺲ .
* ﻛﺘﺮ ﺍﻟﺼﻔﺤﺎﺕ .
* ﺳﻴﺪﺍ ﻓﻰ ﺻﻔﺤﺔ .
* ﺭﻭﺑﻦ ﻓﻰ ﺻﻔﺤﺔ .
* ﺑﻠﺔ ﻓﻰ ﺻﻔﺤﺔ .
* ﺭﺍﺟﻰ ﻭﺃﻭﻟﻴﻔﻴﻪ ﻭﺭﻳﺒﻴﺮﻳﻪ
ﻋﺸﺎﻥ ﻗﺼﺎﺭ ﻓﻰ ﺻﻔﺤﺔ .
* ﺍﻟﻨﻔﻮﺱ ﻛﺎﻥ ﺃﺗﻄﺎﻳﺒﺖ
ﺍﻟﺼﻔﺤﺔ ﺑﺘﺸﻴﻞ ﻣﻴﺔ .
* ﻭﺃﻋﻤﻞ ﻟﻴﻚ ﺻﻔﺤﺔ ﻳﻮﻣﻴﺔ ﻳﺎ
ﺭﻭﺷﺎ.
* ﺃﺗﻜﻠﻢ ﻓﻴﻬﺎ ﻋﻦ ﻣﻮﻻﻧﺎ
ﻋﺒﺪﺍﻟﺤﻤﻴﺪ ﺃﺑﻮ ﻗﺼﻴﺼﺔ ﻭﺍﻟﺪﻛﺘﻮﺭ
ﺣﺴﺎﻡ
ﻣﻜﻰ ﻭﺍﻟﺪﻛﺘﻮﺭ ﻋﻤﺎﺩ ﻋﻤﺮ
ﻭﺃﻣﺠﺪ ﺍﻟﻈﺮﻳﻒ ﻭﻛﻞ ﺃﻋﻀﺎﺀ
ﺭﺍﺑﻄﺔ ﺍﻟﻤﺮﻳﺦ
ﺑﻘﻄﺮ.
* ﺧﻠﻴﻜﻤﺘﺎﺑﻊ ﻭﻭﺭﻯ ﺍﻟﻨﺎﺱ
ﻋﻈﻤﺔ ﺭﺟﺎﻝ ﺍﻟﻤﺮﻳﺦ .
* ﺩﻳﻞ ﺑﺮﺿﻮ ﺭﺟﺎﻝ ﻋﺎﻟﻤﻴﻴﻦ.
* ﻭﺭﻳﻨﺎ ﺍﻟﺠﻤﺎﻋﺔ ﺩﻳﻞ ﻗﺎﻣﻮﺍ
ﺑﺎﻷﺳﺘﻘﺒﺎﻝ ﻭﺗﺠﻬﻴﺰ ﻭﺗﺮﺗﻴﺐ
ﺍﻷﻭﺿﺎﻉ
ﻭﺍﻟﺘﻤﺎﺭﻳﻦ ﻭﺍﻟﻨﻘﻞ ﻭﺍﻟﺘﻐﻄﻴﺔ
ﺍﻷﻋﻼﻣﻴﺔ.
* ﻓﻰ ﺻﻔﺤﺘﻚ ﺍﻟﻌﺎﻟﻤﻴﺔ ﻭﺭﻳﻨﺎ ﻳﺎ
ﺭﻭﺷﺎ.
* ﻛﻴﻒ ﺭﺍﺑﻄﺔ ﺍﻟﻤﺮﻳﺦ ﺑﻘﻄﺮ
ﺃﺳﺘﻨﻔﺮﺕ ﻭﻧﺴﻘﺖ ﻣﻊ ﺍﻟﺠﺎﻟﻴﺎﺕ
ﺍﻟﻌﺮﺑﻴﺔ
ﻭﺍﻷﻓﺮﻳﻘﻴﺔ ﻭﺍﻷﺳﻼﻣﻴﺔ .
* ﺍﻟﺠﺎﻟﻴﺎﺕ ﺍﻟﺠﺎﻳﺔ ﺗﺸﺠﻊ
ﺍﻟﻤﺮﻳﺦ .
* ﻭﺑﺎﻟﻤﻨﺎﺳﺒﺔ ﻗﺎﻟﻮﺍ ﻓﻰ ﺟﺎﻟﻴﺔ
ﻫﻨﺎﻙ ﻳﺎ ﺭﻭﺷﺎ .
* ﻣﺎ ﻋﻨﺪﻫﺎ ﺷﻌﺎﺭ ﻭﺑﺘﺘﻜﻮﻥ ﻣﻦ
ﺍﺭﺑﻌﺔ ﺃﻧﻔﺎﺭ .
* ﺗﻼﺗﺔ ﻓﻴﻬﻢ ﻣﺎ ﺩﺍﻓﻌﻴﻦ
ﺃﺷﺘﺮﺍﻛﺎﺗﻬﻢ .
* ﻗﺎﻟﻮﺍ ﺣﺎ ﻳﺸﺠﻌﻮﺍ ﺍﻟﺒﺎﻳﺮﻥ .
* ﻭﻷﻧﻨﺎ ﺩﻳﻤﻘﺮﺍﻃﻴﻮﻥ ﻳﺎ ﺭﻭﺷﺎ .
* ﻗﺒﻠﻨﺎ ﻭﺟﻬﺔ ﻧﻈﺮﻫﻢ .
* ﻭﻭﻋﺪﻫﻢ ﺍﻟﺪﻛﺘﻮﺭ ﺣﺴﺎﻡ ﻣﻜﻰ
ﻳﺸﻮﻑ ﻟﻴﻬﻢ ﺷﻐﻞ ﻛﻮﻳﺲ ﻓﻰ
ﺍﻟﺪﻭﺣﺔ ﺑﻌﺪ ﺍﻟﻜﻮﺭﺓ.
* ﻛﺘﺮ ﺻﻔﺤﺎﺗﻚ ﺍﻟﻌﺎﻟﻤﻴﺔ ﻳﺎ
ﺭﻭﺷﺎ.
* ﻭﻭﺳﻊ ﺻﺪﺭﻙ .
* ﺃﻧﻪ ﺍﻟﻤﺮﻳﺦ ﺍﻟﻌﺎﻟﻤﻰ .
* ﻭﺍﻟﻤﺤﻠﻰ ﺩﺍﺧﻞ ﻋﻄﺒﺮﺓ .
* ﻫﻴﻴﻴﻴﻴﻴﻴﻴﻴﻴﻴﻴﻴﻲ ﻳﻴﻴﻴﻴﻴﻴﻲ
ﻭﻫﻴﻴﻴﻴﻴﻴﻴﻴﻴﻴﻴﻴﻲ ﻳﻴﻲ ﻭﺗﺎﻧﻰ
ﻫﻴﻴﻴﻴﻴﻴﻴﻴﻴﻴﻴﻴﻴﻲ ﻱ .
* ﺍﻟﺨﻨﺎﻓﺲ ﺑﻘﺖ ﺗﻨﺎﻓﺲ .
* ﺃﻧﺎ ﺍﻟﻤﺮﻳﺦ ﺃﻧﺎ ﺍﻟﺘﺎﺭﻳﺦ ﻛﺎﻥ
ﻗﻌﺪﺕ ﺑﺘﺸﺎﻑ ﻭﻛﺎﻥ ﻭﻗﻔﺖ
ﺑﺘﺨﺎﻑ .
* ﻧﺤﻨﺎ ﻋﺎﻟﻤﻴﻴﻦ ﻣﻦ ﺯﻣﻦ ﻋﺸﺔ
ﺍﻟﻔﻼﺗﻴﺔ ﻭﻋﺒﻴﺪ ﺧﺘﻢ ﺭﺩﻣﻴﺔ.
* ﻣﻦ ﺯﻣﻦ ﺍﻟﻨﺎﺱ ﺑﺘﺠﺮﻯ ﻣﻦ
ﺍﻟﻌﺮﺑﻴﺔ ﺟﺒﻨﺎ ﺑﻄﻮﻻﺕ ﺟﻮﻳﺔ.
* ﻫﻴﻴﻴﻴﻴﻴﻴﻴﻴﻲ ﻭﺗﺎﻧﻰ
ﻫﻴﻴﻴﻴﻴﻴﻴﻴﻴﻴﻴﻴﻲ .
* ﻳﺎ ﻣﻨﺴﻰ ﻣﻦ ﺯﻣﻦ ﺍﻟﺠﺎﻫﻠﻴﺔ ﻳﺎ
ﺻﻔﺮ ﺯﻯ ﻋﺼﺎﺑﺔ ﻣﺮﻣﻴﺔ .
* ﻫﻴﻴﻴﻴﻴﻴﻴﻴﻴﻴﻲ ﻣﺎ ﺗﻜﺘﺮ ﺍﻟﻤﺤﻠﺒﻴﺔ
ﻭﺍﻟﺪﻭﻡ ﻣﺎ ﺑﺘﻜﻠﻢ ﻣﻊ ﺍﻟﻤﻬﻠﺒﻴﺔ .
* ﺍﻟﻤﻬﻠﺒﻴﺔ ﺍﻟﻌﺎﻟﻤﻴﺔ ﻳﺎ ﻣﺤﻠﻴﺔ .
* ﺣﺒﺎﺑﻚ ﻳﺎ ﻧﻮﺵ ﺃﻧﺖ ﺑﺎﻟﺼﻔﺮ
ﻭﻧﺤﻨﺎ ﺑﺎﻟﺠﻮﺯ.
* ﻫﻴﻴﻴﻴﻴﻴﻴﻲ ﻳﺎ ﺍﻟﻨﻔﺸﺖ ﻗﻨﺒﻮﺭﻙ
ﻭﻣﺎ ﻟﻘﻴﺖ ﺍﻟﺒﺪﻭﺭﻙ .
* ﺿﺮﺑﺖ ﻟﻠﺒﺎﻳﺮﻥ ﻗﺎﻝ ﻣﺎ ﺑﺪﻭﺭﻙ
ﻓﻘﺪﺕ ﺷﻌﺎﺭﻙ ﻭﺷﻌﻮﺭﻙ .
* ﻫﻴﻴﻴﻴﻴﻴﻴﻴﻴﻴﻲ ﻳﻜﺎ .
*
ﻫﻔﺴﺴﺴﺴﺴﺴﺴﺴﺴﺴﺴﺴﺲ
ﺳﺔ .
* ﻛﺎﻥ ﻋﻨﺪﻫﻢ ﺭﻭﺑﻦ ﻋﻨﺪﻧﺎ ﺿﻔﺮ
ﻭﻛﺎﻥ ﻋﻨﺪﻫﻢ ﺭﻳﺒﻴﺮﻳﻪ ﻋﻨﺪﻧﺎ
ﺟﺎﺑﻴﺮﻳﻪ .
* ﻭﻋﻨﺪﻧﺎ ﺳﻴﺪﺍ ﻻ ﻓﻰ ﺃﻟﻤﺎﻧﻴﺎ
ﺍﻟﻘﺪﻳﻤﺔ ﻭﻛﺖ ﻛﺎﻧﺖ ﺍﺗﻨﻴﻦ ﻭﻻ
ﻓﻰ
ﺃﻟﻤﺎﻧﻴﺎ ﺍﻟﺠﺪﻳﺪﺓ .
* ﻫﻴﻴﻴﻴﻴﻴﻴﻴﻴﻴﻴﻴﻴﻲ ﻳﻴﻴﻴﻴﻴﻴﻲ
ﻭﻫﻴﻴﻴﻴﻴﻴﻴﻴﻴﻴﻴﻴﻲ ﻳﻴﻴﻴﻴﻴﻴﻴﻴﻲ .
* ﻓﻰ ﺍﻟﺴﻤﺎ ﻣﺮﻕ ﻭﻓﻰ ﺍﻟﻮﺍﻃﺔ
ﻋﺮﻕ .
* ﻭﻣﺎ ﺑﻨﻌﺮﻑ ﻫﻈﺎﺭ ﻭﺑﻴﺖ ﻣﻠﻚ
ﻭﺷﻌﺎﺭ .
* ﻗﻠﺖ ﻟﻰ ﻻﻋﺒﻴﻦ ﻣﻊ ﺍﻟﺴﻬﻢ
ﺍﻟﺤﻠﺔ ﺍﻟﺠﺪﻳﺪﺓ !!!!!!!!
* ﺗﺎﻧﻰ ﺑﻨﻘﺮﺃ ﺍﻟﺼﻔﺤﺎﺕ ﺍﻟﻌﺎﻟﻤﻴﺔ
ﻭﺑﺲ ﻳﺎ ﺭﻭﺷﺎ .
* ﻣﺤﻠﻰ ﻣﺎﻓﻰ ﺯﻭﻝ ﺑﻴﻘﺮﺍﻫﻮ .
* ﻻ ﻫﻼﻝ ﺃﻡ ﺻﻔﻘﺎً ﻋﺮﺍﺽ .
* ﻭﻻ ﻋﺮﺍﺽ ﺃﻡ ﺻﻔﻘﺎً ﻫﻼﻝ .
* ﻋﺎﻟﻤﻰ ﻭﺑﺲ.
* ﺃﺗﻜﻠﻢ ﻋﻦ ﺍﻟﺘﺎﺭﻳﺦ ﻭﺍﻟﺤﺎﺿﺮ ﻳﺎ
ﺭﻭﺷﺎ .
* ﺯﻳﺪ ﺻﻔﺤﺎﺗﻚ ﺍﻟﻌﺎﻟﻤﻴﺔ ﻭﻭﺭﻳﻨﺎ .
* ﺭﺋﻴﺲ ﺍﻟﻤﺮﻳﺦ ﺍﻟﻌﺎﻟﻤﻰ ﻳﺘﻠﻘﻰ
ﺩﻋﻮﺓ ﺭﺳﻤﻴﺔ ﻣﻦ ﺍﻟﻜﺎﻑ
ﻟﺤﻀﻮﺭ
ﻣﺆﺗﻤﺮ ﺭﻳﺎﺿﻰ ﺑﺠﻨﻮﺏ ﺃﻓﺮﻳﻘﻴﺎ .
* ﻳﺎ ﻣﻨﺎﻥ.
* ﻛﻠﻤﻨﺎ ﻳﺎ ﺭﻭﺷﺎ .
* ﺭﻭﺷﺎ.
* ﺍﻟﺠﻤﺎﻋﺔ ﺍﻟﻔﻰ ﺍﻟﺼﻮﺭﺓ
ﺍﻟﻤﺮﻓﻘﺔ ﺗﺤﺖ ﺩﻳﻞ.
* ﺍﻟﻮﺍﻗﻔﻴﻦ ﺑﺪﻭﻥ ﺷﻌﺎﺭ ﺩﻳﻞ .
* ﺍﻟﻤﺼﻄﻔﻴﻦ ﺗﺤﺖ ﺍﻟﺤﻴﻄﺔ
ﺩﻳﻞ .
* ﺃﻭﻝ ﻭﺍﺣﺪ ﻓﻴﻬﻢ ﻛﺪﺍﺭﺗﻮ
ﺣﻤﺮﺍﺀ .
* ﺩﻩ ﻭﺭﺩﺓ ﻳﺎ ﺭﺑﻰ !!!!!!
* ﺑﺪﻭﺍ ﺍﻷﻋﺪﺍﺩ ﻭﻻ ﻟﺴﻪ
ﻳﺎﺭﺑﻰ؟؟؟
* ﺃﻫﺎ .
* ﻧﺠﻰ ﻟﻰ ﺷﻤﺎﺭﺍﺕ ﻭﺍﻟﻰ
ﺍﻟﺨﺮﺗﻮﻡ.
* ﺃﻛﺎﻥ ﺷﻔﺖ ﻳﺎ ﻭﺍﻟﻴﻨﺎ .
* ﻣﻮﺿﻮﻉ ﺍﻣﺲ ﺑﺘﺎﻉ ﺭﺳﻮﻡ
ﺍﻟﺘﺮﻓﻴﻪ ﻗﺎﻡ ﺑﻴﻨﺎ .
* ﻭﻷﻧﻨﺎ ﺭﻋﻴﺔ ﺗﺘﺒﻊ ﺍﻟﺮﺍﻋﻰ ﻳﺎ
ﺭﺍﻋﻴﻨﺎ .
* ﻗﻠﻨﺎ ﻧﺴﺄﻝ ﺭﻏﻢ ﺍﻧﻚ ﻣﺎ ﺳﺎﺋﻞ
ﻓﻴﻨﺎ.
* ﺍﻟﻨﻔﺲ ﺍﻟﻄﺎﻟﻊ ﻭﻧﺎﺯﻝ ﺩﻩ ﻧﺪﻓﻊ
ﺭﺳﻮﻣﻮﻭﻳﻦ ﻳﺎ ﻭﺍﻟﻴﻨﺎ؟؟
* ﻋﺸﺎﻥ ﻣﺎ ﺗﺘﺮﺍﻛﻢ ﺍﻟﺮﺳﻮﻡ
ﻋﻠﻴﻨﺎ .
* ﻭﺗﺮﺑﻄﻮﻫﺎ ﻣﻊ ﺭﺳﻮﻡ ﺍﻟﻨﻮﻡ ﻳﺎ
ﻭﺍﻟﻴﻨﺎ.
* ﺯﻯ ﻣﺎ ﻣﻘﻠﺒﺘﻮﻧﺎ ﻭﻋﻤﻠﺘﻮ ﺍﻟﻤﻮﻳﺔ
ﻣﻊ ﺍﻟﻜﻬﺮﺑﺎ ﺟﺒﺮﺍً ﻋﻠﻴﻨﺎ.
* ﺗﻼﺕ ﻣﻮﻳﺎﺕ ﻓﻰ ﺑﻴﺖ ﻭﺍﺣﺪ ﻳﺎ
ﻭﺍﻟﻴﻨﺎ؟؟
* ﺩﻩ ﺑﻴﺖ ﻭﻻ ﺭﻣﻀﺎﻥ؟؟
* ﺗﻼﺕ ﻣﻮﻳﺎﺕ !!!!!!!!!!
* ﺑﻨﺴﺄﻝ ﻋﻦ ﺭﺳﻮﻡ ﺍﻟﻨﻔﺲ
ﺍﻟﻄﺎﻟﻊ ﻭﻧﺎﺯﻝ ﻳﺎ ﻭﺍﻟﻴﻨﺎ .
* ﺻﺤﻰ ﺍﻟﻤﻴﺔ ﺷﻤﺔ ﺍﻷﻭﻟﻰ
ﻣﺪﻋﻮﻣﺔ ﻳﺎ ﻭﺍﻟﻴﻨﺎ؟؟
* ﻭﻧﺎﺱ ﺍﻷﺯﻣﺔ ﻭﺿﻴﻖ ﺍﻟﻨﻔﺲ
ﻣﻌﻔﻴﻴﻦ ﻭﻻ ﻳﺪﻓﻌﻮﺍ ﺯﻳﻨﺎ؟؟؟
* ﻭﺍﻟﺸﻔﻊ ﻋﻨﺪﻫﻢ ﺗﺨﻔﻴﺾ ﺯﻻ
ﺭﻓﻌﺘﻮﺍ ﺍﻟﺪﻋﻢ ﻋﻦ ﺍﻟﻤﺴﺘﺸﻔﻴﺎﺕ
ﺑﺮﺿﻮﺍ ﻳﺎ ﻭﺍﻟﻴﻨﺎ؟
* ﻭﺍﻟﻤﺰﻓﻮﺭﺍﺕ ﻋﻠﻴﻜﻢ ﻭﻻ ﺑﺮﺿﻮ
ﻣﺤﺮﻭﻗﺎﺕ ﻋﻠﻴﻨﺎ !!!
* ﻭﻧﺎﺱ ﺧﻤﺔ ﺍﻟﻨﻔﺲ ﺩﻳﻞ ﻳﺎ
ﻭﺍﻟﻴﻨﺎ .
* ﻳﺎﻛﻠﻮﺍ ﻧﺎﺭﻫﻢ ﻭﻻ ﺑﺘﺎﻛﻠﻮﻫﺎ
ﻣﻌﺎﻫﻢ ﺃﻓﺘﻴﻨﺎ .
ﺳﻠﻚ ﻛﻬﺮﺑﺎ
* ﻧﻨﺴﺎﻙ ﻛﻴﻒ ﻭﺍﻟﻌﻨﺪﻭ ﺧﻤﺔ
ﻧﻔﺲ ﺃﻻ ﻳﻜﺘﺐ ﺷﻴﻚ ﻟﻠﻤﺤﻠﻴﺔ.
ﻭﺍﻟﻠﻠﻠﻠﻠﻠﻠﻠﻠﻠﻠﻞ ﻟﻠﻠﻠﻠﻰ ﻟﻘﺎﺀ
ﺳﻠﻠﻠﻠﻠﻠﻠﻠﻠﻠﻠﻠﻠﻞ ﻟﻠﻠﻠﻠﻠﻠﻠﻚ

ﻓﻰ ﺍﻟﺴﻠﻚ – ﺑﺎﺑﻜﺮﺳﻠﻚ[/SIZE][/JUSTIFY]