للإستهلاك الشخصي في الإمارات : شابة تعترف بحيازتها لـ11 قندول بنقو
إعترفت شابة ضبط بحوزتها في مطار الخرطوم 11 قندول حشيش أخفتها داخل (جزمة) اشترتها خصيصاً لدس الحشيش داخلها ،إعترفت بحيازتها لتلك الكمية من النبتة المخدرة . وقالت المتهمة أمام محكمة الاوسط الخرطوم انها كانت تنوي تهريب المخدرات للامارات العربية لتعاطيها وليس بيعها ، واوضحت ان والدتها تقيم هناك وتعمل في أحد المطاعم ، واكدت أنها تتعاطى المخدرات منذ ثلاث سنوات ، وانها اشترت الحشيش المضبوط من ولاية القضارف. من جهتها كشفت مندوبة الطيران المدني التي ألقت القبض على الفتاة أثناء التفتيش الشخصي بغرفة السلامة بأنها شعرت بجسم غريب بـ(نعال) الفتاة ، وعندما استفسرتها ردت عليها بأنها مخدرات وطلبت منها الستر ،بيد ان المندوبة طلبت منها خلع الحذاء فوجدت داخله (قناديل البنقو) فسلمتها لرئيسها. وفشلت مساعي محامي الدفاع عن المتهمة معاوية خضر التشكيك في قوى المتهمة العقلية لأن الطبيب الشرعي اكد سلامة قوى المتهمة العقلية ، بحسب صحيفة حكايات مادعا المحكمة بإصدار أمر بإلغاء ضمانتها وإبقائها في السجن .
الحمد لله يمهل و لا يهمل
11 قندول حشيش أخفتها داخل (جزمة) ؟ قدر ما فكرت عشان احرف حجم الجزمة دي ما قدرت اتخيل .بالله لو في واحد عنده فكره كيف تكون الجزمة دي بكون مرتاح . جزمة فيها 11 قندول وكمان ملبوسة ؟ شئ غريب والله
بدون تعليق بس العطبراوي اخوي ماقصر وموش ما بعيد اكيد هي وامها وبي النسبه لي المحامي مفروض سوطين عنج وسحب الرخصه العمل وقفل المكتب ان وجد/ياريتني لو كونته في المطار 😡
يافرحتنا وياهنيالنا على شاباتنا بنقو ماشاء الله دى المفروض يقطعو راسها ويجيبو امها من الامارات يعنى البنت كده الام كيف ، معناها سمعه سيئة بالامارات ومابعيد تكون بتدير شبكة دعارة وبلاوى المفروض السفارة السودانية بالامارات تعرف العنوان وتتابع الموضوع بجدية تامه وترحل الام الى السودان وكفاية فضايح وقبل فترة مقبوض على سودانى وزوجتة يدران مصنع خمور .
كان تخلوها تبرم ليها سيجارة بكرتين بعد داك تفحصوا عن قواها العقلية مش قبل تدخن تفحصوها 😎
يمكن تكون يا أبو اسراء دي جزمة بركات الحلبي (من بحري حلة خوجلي)
لا حول ولاقوة الا بالله ربنا احفظنا واحفظ بناتنا هذه بداية خطر يجب الانتباه ليه تقللي من احترام المراة وتدخلي البنات في تفتيش مع العلم بان السوداني يعرف المراة خط احمر لا يمكن المساس به حتى لو كان رئيس الدولة لا نقبل يفتش بنت
ندين بشدة مثل هذه الافعال التي تشين بسمعة السودانين بالخارج وعلي السفارات ان تتابع وتتقصي عن هؤلاء الذين يسؤن لسمعة السودان وتتخذ اجراءات حازمة ضدهم
بالنسبة لتعليق بمبان بخصوص المحامي فانه من صميم عمله ولاياخذ علي دفاعه عنها او عن اي متهم مهما كانت الجريمة والا فما قولك عن المدافعين عن احداث امدرمان مثلا
علاء التهامي
اكيــد الحذاء من صنع المليجى الله يرحمه و بمواصفات خاصه .
حسبى الله و نعم الوكيل . نحن النقول نحناولاد ادم الواحد اخاف لو شايل ليه بخرات موصله الى شخص بالله عليكم شوفوا الوقاحه و الاستهتار و عدم المسؤوليه و اين الاب لا يكون ببيع مويه صحه .
لاحووووووووووووووولا 11 قندول داخل جزمة دى جزمة ايه اصلو
😮 😮 😮 قبل فترة قرينا في هذا الموقع أنو مجموعة من النساء اللائي يعملن بالتجارة بين السودان والإمارات إجتمعن بنافع علي نافع عشان يحميهن 😮 😮 😮 يكون البنية دي ولا أمها الشغالة هناك، يكونن من تلك المجموعة !! 😮 😮
ياوزير الداخليه عوووووووووك
أحفطوا سمعة السودان حفظكم الله هذه ثاني حاله اقرأ لها تهريب مخدرات للإمارات بواسطة بنات سودانيات ومن تتناول المخدرات في دوله أجنبيه يمكنها فعل أي شي بإسم السودان يجب سحب جوازها وحرمانها مدي الحياه وإستدعاء زوجها من الإمارات لأنه أكيد شريك في هذه العمليه0
أحفظوا ما تبقي من سمعة السودان إن كان تبقي منها شي وقبل شهر من الآن تم ضبط سودانيه في السعوديه عندها مصنع داخل منزلها للخمور هي وزوجها وهم الآن في السجن00000
اللهم إننا نشكو لك حال السودانيين رغم أنني سمعت أن لنا مشروع حضاري00000
عرفنا كل شىء كما جاء بتاع البنات والله ياها الفضلت !!
دى حاجة بسيطة من البحصل داخل وخارج الوطن السودانيين والسودانيات اصبحوا من اسوا الجنسيات والمامقتنع يرجع لملفات الشرطة السعودية وسجن الحائر بالرياض وشوف عدد الشباب او اقل من سن الشباب داخل هذا السجن وبعده سترون هذا الموضوع اكثر من عادى
تخريمة اخونا اسامة ساتى انت من حلة خوجلى ولى شنو ؟
اعدام طوالى:lool: :lool: :lool: :lool:
😎 يا بت الحلال دا كلام كويس منك ماشة تسطلي في الامارات وتشوهي سمعة السودان با خايسة الله يخرب بيتك:cool: 😎 😎 😎 😎 😎 😎 😎 😎 😎 😎
بسم الله الرحمن الرحيم
اخوانى القراء والمعلقين
مالكم كل واحد بيتكلم وشايله سوط عنج والبع يا جماعة فى حاجة اسمها حرية شخصية
مالكم قلبتوها مسألة قومية ووحصة تربية وطنية !!!
نفترض جميع السادة المعلقين ما بيدخنوا وفيهم واحد بيدخن هل هو مدمن ؟وهل السودان كله مدخنين ؟مع العلم البنقو والسيجارة (نيكوتين ) كلاهما يحتوى على المادة المخدره !!!!!!!!!
كنت اتمنى ان تطرح اساس المشكلة الى وصلتنا نحن السودانيين الى هذا المستوى من الانحطاط الى ما موجود فى لبنان ولا اى بلد متحضر وموجوده به مساحة من حرية المراءة ولا عمره اللبنانى وباع خمره حتى فى اساليبه متحضر ومع الناس الى فوق فمتى نحن نصبح فوق (مستوى الحضارات ) ودمتم وحد فهمنى لا ااااعتقد ههههههههههههههههه
اخى معاوية هل وصل بك الحال ان تدافع عن هذة المجرمة و ببينة واضحة و اللة خلاص اللمهنة بقى ما عندها اخلاق مهنية
على السلطات الاتى اذا كانوا يخافون اللة فى هذا الوطن :-
استدعاء الوالدة و الزوج ان وجد
محاكمتهم جميعا بدون شفقة ولا رحمة
و الموضوع وراة ناس كبار وهم من املوا عليها ماقالتة ويمكن بلفحص ان تعرف هل هى متعاطية ام ماذا
هذة تجارة ويجب اعدامها………..
وهنلك اساليب عدة فد تقود لفك هذة المعضلة التصالات الموبايل الرفقة اظن ان شرطة السودان كفيلة بذلك الا اذا تدخل ظعيط و معيط و عندها ضاع هذا الاسم الكبير اللذى من شدة خوفنا علية اصبحنا لا نثق فى كل شىء و اللة من وراء القصد.
لا حولة ولا قوة الا بالله
بى صراحة النسوان فى الخارج فضحونا عديل وخاصة الامارات والسعودية
ياماتحت السواهى دواهى (مثل سودانى)
ربنا يحفظ الجميع ويرد غربتكم يالمغتربين مع اسركم
انا نفسي اعرف نوع الجزمة ونوع الصناعة والبلد المصنع والشركة وكدا عشان مامعرووفة الظروف ممكن وااحد يحتاج ليها بالله شوف الفرق ناس بالجزمة تضرب بوش وناس بالجزمة تهرب حشيش بالله دي امة يضربو عشانها بوووش وقديما قيل العرب اذا جاعو واذا شبعو حريم خمرة ميسر وبيع حكامهم لذمم بعض بس حريم العرب يحششو دي جديدة:lool:
بسم الله الرحمن الرحيم
البغيظ فى الموضوع و البحزن جدجد زى كلام الأخ عوض الفكى دة…..!!!
يعنى زول يجى يتكلم من اجل الكلام بس ….و يتمشدق بى حاجات هو ذاتو ما فاهما !! الحرية الشخصية شى و السلوك السيئ شى تانى .. بعدين كل زول بقول رايو و بى اسلوبو … بس عدم فهم الآخرين لى رايك الممسوخ دة لانك انت ذاتك ما عارف بتقول فى شنو….!!
المخدرات دى كل شعوب العالم المتحضرة بتعاقب عليها عقةبات رادعة جدا….. ليه؟ لانهم متنورين و عارفين اثرا على المجتمع و الفرد والبلد كلها….
و بما ان البت مهمة جدا فى المجتمع فالتاثير السيئ بكون اكبر اكيد …. بغض النظر عن البت و الحياء الاجتماعى و كدة ….
الزيك كدة هم البرجعونا لى ورا …. كرهتنا ذاتو
يااخوانا اكيد ما قناديل بكون 11 سيجاره ملفوفه طالما داخل جزمه لان القندول الواحد بحجم الجزمه.