جرائم وحوادث

إنتحار طالب جامعي غرقاً بكوبري المنشية


لقي طالب جامعي حتفه غرقاً بكوبري المنشية عندما هوى من الكوبري على النيل ، بينما كثفت شرطة الدفاع المدني طوال نهار امس بحثها عن القتيل وقال بعض ذوي القتيل ان المجني عليه يدعى ذو الفقار الصادق وهو طالب بجامعة كمبيوترمان المستوى الرابع حيث كان يعاني من أمراض نفسية وقالوا ان الضحية كان قد ذهب الي احد الشيوخ بالجريف بغرض العلاج وبحسب صحيفة الرائد أثناء العودة راجعاً الي منزله ببري الخرطوم ، وقف على حافة الكوبري وألقى بنفسه الي داخل مياه النيل الأزرق .


تعليق واحد

  1. الهم ارحمة واغفر لة يارب ولا سرتة الكريمة خالص العزاء وماعليكم ال بالدعاء الصالح

  2. حرام والله ياذو الفقار حرام شبابك يضيع كدا ؟… عليييييكم الله ياجماعة ادعو ربنا يغفر ليهو ود جيراننا وماشفنا منو حاجة كعبة خالص … كان رجل بمعني الكلمة اسال الله له المغفرة ياااااااارب

  3. هل تعرفون السبب هو استاذ عراقى متسلط فى كمبيوتر مان همه ان يسقط الطلاب بحرمانهم من الامتحانات ويعود السنة ويدفع 6 مليون وهو معروف بقسوته على الطلاب واذا استمر بهذه الطريقة سوف ينتحر الكثيرين من الطلبة بسبب هذا العراقى الحاقد ويمكن للقراء التاكد من ذلك بالسؤال عن هذا الطاغية وما يفعله بالطلاب
    اللهم ارحمه واجعل الجنة مثواة والله يجازى الكان السبب فى المرض النفسى وربنا يورينا فيك يوم يالعراقى ارجو عدم السكوت على هذا الموضوع

  4. هو الاستاذ العراقي دي ما يمشي يحرر بلدوا من الامريكان

  5. للاسف …..انا واحد من ضحايا العراقيين الماليين لينا الكلية. دكتور ابوبكر احتوى كل الضباط العراقيين الهاربين من العراق في الكلية (الماسورة) بتاعته دي شغاليين مع الطلبة بي حقد غريب جدا .اديكم مثال كان عندنا رئيس قسم هندسة الكمبيوتر حاليا غادر السودان لكن جابو واحد ( ماسورة)اكبر منه المهم دا كان معروف باغوائه للبنات وتهديدهم بالرسوب انا بعرف واحده التحقت بالكلية سنة 1996 حتى الان ما اتخرجت !!! بسببه لانها رفضت الرضوخ له وهي بالامانه انسانه شاطره جدا كل سيميستر بيرسبها في كميه كبيرة من المواد لحدي ماجاتها حالة نفسيه المشكلة ان ادارة الكلية على علم ولكن كالعاده الكلية دائما ضد الطالب هددوا البنت بالفصل اذا نشرت الموضوع للحفاظ على سمعه الكلية ووعدوها بتسوية الموضوع ولكن ذهبت وعودهم ادراج الرياح طبعا ده مثال بسيط جدا للفساد المغلف بي طابع اكاديمي يعني لو عندك مشكلة مع اي حد من (السناير) ناس الدفعه القدامك يعني اول ما يتخرج بيقدم مساعد تدريس وبيعينوه طوالي وممكن يرسبك بيك لامن تفهم حاجة طبعا ماحاتقدر تقول اي حاجة لانه مافي حد بيصدقك انا واحد من الناس الي اتضرروا من الحته دي ((التعيين في الكلية للخريجين اسهل من التعيين في الجيش للفاشلين)) ليه لان انت لامن تكون خريج فريش داير تفرح اهلك انك شغال وطبعا انت اصلك شهادتك ماحا تكون استلمتها بسبب الخدمة الوطنية ومن ناحية اقتصادية بالنسبة لي سيد الكلية الي هو (كل شيء) المدير والمسؤول المالي والاداري ووووو…الخ لانه بيديك مرتب تافه مع انك بتدرس مواد لي ناس على اعتاب(التخرج) مع انك فرقك منهم سنة واحدة الدفعه بيكون فيها حوالي 60 الواحد بيدفع حوالي 6مليون غير الحاجات التانية ………..يتبع

  6. الله ارحم صديقي وابن حتتي \\\\ الفقار ويسكنه فسيح جناته مع الصديقين والشهداء.