سائق متهور يدهس ثلاثة رجال مرور إحتجاجاً على تسوية

الزول دة لو ما كرهتو حياتو ؟؟ وركبتو مخالفة من اسبابكم التافهة دى كان عمل كدة

عفارم

اذا اعتبرنا السائق متهور هل نعتبر شرطي المرور متعنت لابد ان يكون حال ان يعتزر وحلف ميه يمن وباس الايادى والارجل وانزل …… طبعا مخالف واذا اطلعت على خلف القسيمة وقراءة المخالفات لابد ان يكون مخالف لا مفر لكن اين التقدير للظروف المحيطه به انا اقترح ما دام ناس المرور بكونوا اكثر من فرد فى التفتيش تكون لجنة دراسة حالة المخالف بعد ان يتاخر وقت من الزمن فى المجابدة تقرر اللجنةبالاغلبية اعفاءه ام لا بعدها اذا عمل حاجة يعاقب لكن حكم قرقوش وبعد كتابة الايصال ما بتراجعوا والمعاملة الجافة دى حتى الناس تفقد اعصابها وتتهور والله ده ما صاح طبعا الناس الشكوا لله كتار وربنا يجازى المتسبب ……….

رغم تحفظي الشديد لتصرف صاحب الأتوس
لماذا تصرف هذا التصرف؟؟؟
أكيد شعور بالظلم والقهر

رسالة لإدارة المرور

أرجو إعادة النظر في قيمة المخالفة وطريقة تحصيلها
إذ لا يعقل أن يدفع هذا المسكين إيراد اليوم كله أو أغلبه في مخالفة
نتمنى أن يهتم رجال المرور بإنسيابية الحركة وتسهيل أمور الناس بدلاً من استعدائهم

ده كلو هين
ناس الحركة ديل يغيرو اللوحات ويشيلو قروش زيادة
وبدون ايصالات
والقروش بالايصال لجهات ماعندها علاقة بالشارع ولا المرور
لو احتجيت او مادفعت ممكن ما يرخصو ليك وممكن يختوك في راسهم
قدر ما يلاقوك يعملو ليك مخالفات
يابتاع الاتوس هسي بكون دقوك وشلتوك التقول ضاربك قندران ما اتوس
الله يمرقك من الجماعة الحاميهم القانون:mad: 😡 😡 😡

تصرف غير لائق بس اتمنى من ناس المرور اتأدبو ويعملو حسابهم لانه مافى انسان بقبل الظلم. اعملو حسابكم يا ناس المرور.

والله شكلهم بتاعين المرور يستاهلو انا شخصيا بدفع ليهم رشاوي لمن اكون غلطان

اللهم لا شماته ….. لست من المشجعين لمثل هذه الأعمال العدوانية ولكن يا إخوان ما يقوم به رجال المرور من تصرفات هو سبب حدوث مثل هذه البلاوي خاصة في العاصمة القومية فكثير جداً تلاحظ أن رجل المرور في أوج الزحمة المرورية بدلاً من أن يسعى لفك الاختناق تجده يتصيد السيارات التي ليس عليها استيكر غير آبه بما يحدثه تصرفه من زحمة مرورية وتذمر للمواطنين، كذلك الغرامات أو الجبايات التي تفرض على كل من يحمل عفش أو بضاعة حتى ولو كانت تخصه وبسيارته الخاصة وقد حدثت معي شخصياً في حين ترى سيارات الحركات والمليشيات التي أتت بها اتفاقية السلام تجوب الخرطوم شرقاً وغرباً ولا أحد يتعرضها رغم أنها تحمل لوحات لم نرها إلى في الأفلام الأجنبية !!!!!!!!. ولذلك نناشد مدير المرور أن تكون هناك شفافية في التعامل مع المواطن البسيط المغلوب على أمره. فما يحدث عندنا في السودان من تعامل من قبل رجال المرور لم نشاهده في أي دولة في العالم، وإذا كان الغرض هو نسبة تحصيل المخالفات كما ذكر بعض الأخوال فيجب أن يحفز رجال المرور من غير هذه الوسيلة الغير حضارية ونحن قد صنفنا عالمياً ضمن أكثر الدول نمواً اقتصادياً خلال العشرة سنة الماضية والدولة قادرة على إيقاف مثل هذه الممارسات الخاطئة..

نسأل الله أن يجنب بلادنا شر الفتن وأن يديم علينا نعمة الأمن.

أبو عبد الله ،،،،

Nice Job

نسأل المولى أن يهدى المتسبب فى الحادث وفى من تسبب فى التهور لفعلته ،،،
أولاً ما فعله خارج عن الإرادة أكيد فقد أعصابه من التعامل القاسى من قبل أفراد المرور لأنهم يخالفون البشر من غير أى مبررات كافية ولا قانونية ”
أنا واحد من ضمن المظلومين… طبعاً مغترب والمغترب مستهدف فى كل ركن ،، جيت السودان بسيارة ترب تيكت قضيت إجازتى كلها مخالفات مرورية منها وآخر يوم فى الإجازة ماشى من الخرطوم للكلاكلة بالشرق سائق السيارة أخوى برخصة قيادة نظامية وقفنا بتاع المرور فى الشارع إثبات العربية حاضرين الرخص حاضرين إتفضل كل شى تمام ما لقا أى حجة فى الموضوع قال نديك مخالفة طيب ماهو السبب ؟
السبب إنت ماسايق سيارتك سايقا واحد ثانى . هل إنت مقتنع بالرخصة السودانية أم لا وهل كل البشر السايقين سايقين سياراتهم كمثال أوقف أى سيارة حتى تتأكد،، حاولت أن أشرح الوضع للحكمدار لقيت أنه العملية خربانه من كبارها .. كنت وصلت لمدير حتى أتأكد من مادة المخالفة ولكن للأسف كان باقى على السفر بضعة ساعات وفوضت أمرى لله وسافرت الى بلد الغربة والواحد يجى من الغربة عشان ينسى هموم الغربة يلقى غربة آخر فى بلده بمثل هذه المعاملة
والمفروض هؤلاء الناس يعكسوا صورة أفضل للسودان ولأهل السودان
وعسى مدير إدارة المرور يطلع على الإميلات الآتية من المشاركين

والله يا جماعة فعلا ناس المرور زودوها كثير واغلب الناس في السودان وخاصة السواقين زعلانين وبيدعوا عليهم وانا شخصيا كنت عاوز اعمل نفس الحركة زمان ولكن ربنا ستر واستغفرت ربي لذلك نأمل من الذين يجلسون في المكاتب ويصدروا لهم التعليمات الخاصة بالجباية من هذا الشعب المسكين أن يتقوا الله ويخافوه ولكل ظالم يوم.

😀 :lool: 😎 😉 :lool:

الظلم ينتج عنه الكره والحقد والرغبة في الانتقام مهما كانت قوة الظالم لابد من يوم يعمل فيه المظلوم على الرد على مظلمته بظلم اكبر واقوى من ظلم الظالم وقد حرم ربنا سبحانه وتعالي الظلم بين الناس لذلك لابد من العدل والعدل والعدل واتمنى ان يعلم اهلنا في السودان بأن العدل شيء مهم بين العباد بامر رب العباد وكفى

السلام عليكم ورحمة الله وبركاته،،،

والله ياجماعة انا زمان بكرهه ناس الخدمة الالزامية وكرهت السودان وطلعته منه بسببهم

فمرة نزلت السودان ومعاي سيارة افراج مؤقت، والله ياجماعة انا كرهت السيارة بسبب ناس المرور وحاجة تانية اسمهم ناس مكافحة التهريب، ياخي قلة ادب ما بعدها قلة ادب سواء من ناس المرور او مكافة التهريب، وطبعا هم ناس بسيطين جدا وكل ما في عقليتهم هم اقوى ناس في الدنيا وممكن اسجنوك بدون اي سبب وخاصة اذا ما دفعته رشوة، مرة انا طالع من جوه الصناعية الجنب كبري الحرية وانا جاي من الداخل ومافي اي زلط، ماشي في الواطة بالعربية، في اربعة من ناس المرور صفرو لي فوقفت اول واحد قال لي الرخصة اعطيته الرخصة واوراق العربية، لما ما حصل حاجة قال لي ليه عاكس الطريق، سالته وينو الطريق العكستو اصلا ما في طريق حتى اعكسه او ما اعكسه، انا ماشي في الواطة بين بيوت، المهم في النهاية قال لي خليها نحلها ودي جيب حق الغداء واتخارج، والله العظيم ياجماعة اديته خمسة الف (طبعا بالقديم) قال لي دي ما بتغدينا زدته تاني خمسة الف، في النهاية قال لي اتفكفك بهذا اللهجة (نحن المغتربين ديل مسمنهم “الشبعانة”)
يعني امسكوك بدون اي سبب وفي النهاية تدخل معاهم في مساومة عشان افرجو عنك، اقسم بالله العظيم خوف عدييييل كدة،
ولاحظته ايضا كل الناس تكون ماشه في ناس المرور ومافي واحد بوقفوهو ومجرد مااحصلو لوحتك افراج مؤقت اثبتوك الحزام، الاوراق، الرخصة، واحيانات امكن اسالوك عن اشاء لا انزل الله بها من سلطان.
عموما اسال الله ان يهدي ناس المرور
واللذيذ مرة واحدة وقفني وسالني وقال لي الرخصة ولما اعطيته الرخصة سالني عن الرخصة السودانية، فقال لي الافراج لازم تسوقه بالرخصة السودانية، والله العظيم دا قوانيين المرور ما عارفه. لان لازم في قيادتك للافراج المؤقت اكون معاك الرخصة من البلد القادم منها.
عموما ربنا يشفى المصابين احتمال اكون من الناس الكويسيين، ونطلب من قيادات المرور بان يكون هناك شعبة لبلاغات المواطنيين ضد قلة ادب رجال المرور واستهارهم بالمواطنيين والتحقيق معهم في ذلك.

والله أكان أجازوا قانون المرور الجديد ناس شرطة المرور ديل يستعدوا للهرس فى الشوارع . ماممكن عقوبة تخطى الإشارة الحمراء تكون السجن والغرامة ! أصلوا الواحد تخطى معبر رفح ؟:mad: ;(

يااخوابا انا مع بتاع الاتوس ربنا يفك ضيقتو
لكن الموضوع لو بقى على ناس المرور بس تبقى هينة ان شاء الله نقضيها مشي
لكن الما بينهب ولا يقلع منو من الى كلو بيقلع
الله يستلر على هوى ربنا ما يعملوهوا بقروش ويجوك اخر الشهر ويقولوا ليك انت اتنفست الشهر دا كتير شديد القروش تكون مضاعفة:mad: 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡 😡

اريتو كان سايق قندراني