بابكر سلك

التطوانى السودانى


* قبل كل شئ دعونا نشيد بمانشيت روشا أمس
* مانشيت وطنى عرييييييييييييييييييض
* ده السودان ياهو ده السودان
* ولأول مرة صحيفة روشا بسيرة جميلة للمريخ تزدان
* صورة ضفر كانت تلهب الوجدان
* والى جوارها سيف مساوى الإنسان
* هكذا يفترض ان تكون الخطوط العريضة فى صحافتنا
* برغم ان روشا مرات هظارو خشن حبة
* إلا إننى كنت اقول وأحس وأعتقد ومقتنع
* روشا أخوى وفطومه أختى
* لأننى أعلم بصفاء النفوس أو إفتراضها
* ويمكن التعبير يخون مرات ومرات ومرات
* ولكن المسألة ليست بهذه المرارات فى حقيقتها
* على كل
* شكراً ضفر وشكراً مساوى وشكراً روشا على الإحساس الطيب
* والكمونيه يا بت
* أيها الناس
* نداعب بعضنا البعض ببراءة
* وإن فرضت التفلتات نفسها فى أحايين كثيرة
* فإن حسن النوايا يجب ان يخفف وطأة التفلت علينا
* كمريخاب لانشعر بطعم للبطولات (بالذات الجوية) إذا لم يكن هناك أهلة
* والأهله لا يفرسهم إلا سيرة مانديلا والجويات
* كرهناهم المطار ذاتو
* ودى مناكفات المحبين
* التى يفترض فيها ان تكون بريئة وخفيفة الظل لتشعل المحبة
* وتساعد على إشراق شمس التنافس النزيه
* والذى يقودنا جميعاً لمنصات التتويج الدولية
* المهم
* نحن فى الوسط الرياضى لا بنخاصم لا بنعادى
* أها
* سبعه فرق صعدت معانا للمجمعات
* المريخ والهلال ومازيمبى ووفاق سطيف وسموحه المصرى والمغرب التطوانى ومولودية العلمة الجزائرى وإتحاد العاصمة الجزائرى
* المريخ السودانى ومازيمبى الكونغولى ووفاق سطيف الجزائرى هم اعضاء دائمين فى لوح الشرف الأفريقى
* حيث إستطاعوا ان يسجلوا أسمائهم بأحرف من نور على لوح الشرف الأفريقى بفوزهم ببطولة من بطولات الكاف
* وهو سجل دائم
* لايمسح إطلاقاً
* ويزيده التاريخ لمعاناً
* أما التطوانى السودانى وسموحه المصرى والمغربى التطوانى ومولوديه العلمة وإتحاد العاصمة الجزائرى
* فرصيدهم مجتمعين صفر كبير أفريقياً
* فيهم من حاول كثيراً كهلال روشا التطوانى
* وفيهم من جابو الدرب يا دوبك مثل المغرب التطوانى
* يبقى الواقع يرشح للبطولة المريخ او مازيمبى او وفاق سطيف
* ويرجح كفتهم رصيدهم فى الفوز ببطولات افريقية من قبل
* اما التطوانيين وناس سموحه
* انا ما داير اقول تمومة عدد
* لكن يجربوا حظهم
* ايها الناس
* امس روشا أبدع
* منتهى الصراحه
* قال فى آخر عموده إعتراف صريح
* قال الهلال داير تسجيلات فى التكميلية تبعد المواسير
* المواسير المليان بيها مخزن الهلال
* والكاردينال ما بتلدغ من جحر مرتين
* الفجيرة يا عمك
* روشاامس ما براهو
* يا ربى الحاصل شنو!!!!
* المهم
* يقع فى مجموعتنا تطوانى يابانى تايوانى ما بفرق كتير
* طالما العقرب فى
* يبقى السم القدر غداهم فى
* شقلبة وااااااااحدة بتودينا دور الأربعة
* باص بالهد يودينا الفاينال
* وفى النهائى جريه من النص على القون ومن القون وعلى المقصورة طوالى
* والكاس كاسنا ونحنا اهلو بنستاهلو
* أيها الناس
* شامى لى ريحة مطار
* ريحة المطار بنعرفها كويس
* بتعرف ريحة المطار يا محمد عبدالماجد؟!!!
* شميتها متين؟؟؟
* أيها الناس
* كتير من الناس حاولوا يبخسوا إنجازنا
* قالوا لينا مبروك لكن الترجى كعب
* قلنا ليهم الترجى ما كعب
* لكن باص بكرى لى ضفر بالكعب
* وباص ضفر لى بكرى الصعب
* ورأسية بكرى المن ذهب
* وجات لى ضفر فرتك الضهب
* الترجى ما كعب
* واحد شفت قندف كبير قال لى
* لو جابوا حداشر لاعب من كى ام كى
* وحداشر من الفشنكات الملاوية
* وحداشر من التطوانى السودانى
* ودخلوهم الميدان الأربعة واربعين لاعب ضد الترجى
* أسى بطيرهم
* أيها الناس
* الترجى ما كعب
* سمحين نحنا
* المهم
* ومن مظاهر الحقد
* واحد قال الترجى ما الترجى البنعرفوا
* وطبعاً معذور
* لأنو الترجى البعرفوهوا ابوسته وابوخمسه
* وزعلان عشان طيرنا الترجى
* ياخ ما تزعل
* ما طيرنا الترجى
* الترجى طار براهو
* المهم
* شفت حريف قال لى
* المريخ صعد والهلال صعد
* زى لما يكونوا فى إتنين طلاب ممتحنين
* ينجحوا الإتنين
* واحد علمى رياضيات والتانى ادبى
* أيها الناس
* العبرة ما تخنقكم وتكتلكم علينا ساى
* ما طيرنا الترجى
* الترجى طار براااااااهو
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* النسوان ديل بستكرتن فينا
* لى حق الغسيل يقولن عشرة دست
* وحاجة نضيفة ليست لدينا
* ووكت الكسوة يقولن عشرة دست
* عريانين عديل يا ابينا

ﺳﻠﻚ ﻛﻬﺮﺑﺎ

** ﻧﻨﺴﺎﻙ ﻛﻴﻒ ﻭالترجى طار برااااااااااااااهو؟!!
ﻭﺍﻟﻲ ﻟﻘﺎﺀ
سللللللللللللك


‫3 تعليقات

  1. زي ما بتقول اتنين نجحو واحد رياضيات واحد ادبي طيب كيف بدرسو مع بعض في كلية الهندسة نحن عارفين نفسنا كعبين ومستوانا كعب لكن بقليل من الخبرة مع ملاوي وااغولا والكنغو تاهلنا وانتم من التمهيدي مفترض تطيرو لولا الحظ ونحن الحظ اوقعنا مع فرق ضعيفة وخبرتنا اكبر بس ان شاء الله في المجموعات ترون هلال غير شدو حيلكم مع ناس الجزائر

  2. والله يا سلك انت بالذات بلسانك الطويل دا الجزايريين حيربطوه ليك بسلك شائك بالله ما بتخل تقارن دورى الابطال باضعف بطوله فى الغالم اسمها سيكافا والله ناس الجزائر ديل بقلعو الضفر عدددديل وعلى عينك يا تاجر زززوان شاء الله نرتاح من لسانك الطووويل دا بدررى بدرى مازيمبى البطل ما انغلب فى الكنقو الا من صديق المجموعات هلال الجوهره زز والمابتلحقو جدعو ززز

  3. كل كتاباتك تقليد للمبدع الموهوب محمد عبدالماجد__عشان ماقادر تصل لابداعه تجيب اسمه في اغلب كتاباتك
    مقالك فارغ اكثر من صلعتك