محمد معانا ما تغشانا

* قروبات العشاق على صفحات الفيس والواتساب
* أملنا فيكم كبير
* وتحدثنا عنها وعن إمكانية دعمها للكيان
* دعماً معنوياً ومادياً وفكرياً
* وهى بمثابة معاهد لتدريب وتأهيل الكوادر الإداريه
* التى تستطيع ان تقود المريخ حالياً ومستقبلاً
* وتستطيع ان تنشئ تجمعات خلاقه تبدع فى مسيرة الزعيم العالمى
* وحينما تنادى جماهير المريخ معشوقها بالعالمى
* يبقى هى تعنى ما تقول
* يا عالمى
* ما قادنى لتلك المقدمه الصغيرة
* هو تكريم قروب ملتقى الصفوة العالمى للمجلس والجهاز الفنى واللاعبين والإعلام
* كانت إحتفاليه راقية ومهذبة ورائعه
* كانت عنواناً كبيراً وبارزاً لتلك المجموعه الخلاقة
* أبدع محمد عيسى
* خاص صفحة الأحمر الوهاج
* وإستحق الوالى التكريم
* وكان تكريم غارزيتو وفاء لعطاء باين للعيون
* وإستحق إسماعيل حسن الرائع التكريم
* وإستحق مزمل ابوالقاسم المكمل كمل التكريم
* ومثل بله الشفوت فى التكريم
* التكريم فى عمومياته كان دعماً معنوياً كبيراً
* وزاد لمرحلة المجموعات
* شكراً لكل شفوت القروبات والروابط والمجموعات
* وياها المحريه فيكم
* ومستنين منكم الكثير المثير
* المهم
* مثقفون ومثقفاتيه
* كانوا بتكلموا عن الوالى
* المثقفاتيه بعد زعمطة صوفتين بطرف الأصابع
*وبعد أفتمر وأعتقد والحته دى وزى فى نقطه محوريه ضايعه من الحوار وشكل الطرح
* قالوا
* فى عهد الوالى كان بالإمكان أفضل مما كان
* والمثقفون كانوا بيشوفوا إنو ما كان أجمل مافى الإمكان
* ودللوا على ذلك بقولهم
* إنو الإستاد الذى نفاخر به كان فى عهد الوالى
* وإنو إستجلاب الأسماء الكبيرة فى التدريب ووسط اللاعبين كان فى عهد الوالى
* خاص صفحة الأحمر الوهاج
* وإنو منصرفات الكيان عمرها ما نضبت فى عهد الوالى
* وإنو الداعم الوحيد هو الوالى فى زمن الوالى
* نطه واحد بتاع بحر أصلى
* قال الإتصرف على المريخ فى زمن الوالى قدر الدخلوا المريخ؟
* قالوا ليهو المثقفاتيه نعتقد إن بلورت الفكرة فى خضم التناول الموضوعى
* طبعاً الإجابة ما أقنعتوا
* قبل على المثقفين
* قالو ليهو أبداً الإتصرق على المريخ فى زمن الوالى ماقدر الدخلوا المريخ فى زمن الوالى
* قال ليهم أكتر الإتصرف على المريخ فى زمن الوالى ولا الدخلوا المريخ فى زمن الوالى؟؟
* قالوا ليهو أكتر الإتصرف على المريخ فى زمن الوالى
* قال ليهم الفرق بين الإتصرف على المريخ فى زمن الوالى والدخلوا المريخ فى زمن الوالى الدفعوا منو؟؟؟
* قالوا ليهو الوالى
* قال ليهم فى زمن أولادنا ماقادرين نوفر ليهم حق الفطور فى المدارس
* فى زمن بنتعالج فيهو بالحلبه والقرض والعطرون هروباً من العلاج الخيالى
* فى زمن أعراسنا فيهو بقت الخطوبة عقد وقرض على كده طوالى
* ويدفع ده كلو براهو؟؟؟
* بتتناقشوا فى شنو أنتو يا نااااااس!!!!
* ومشى على البحر
* باقى الدنيا سخانه شديدة اليومين دى وما بتتقعد بدون بحر
* أيها الناس
* أمس قرينا فى قون مانشيت
* خاص صفحة الأحمر الوهاج
* بلاغات الهلال تقفز بالزانه شيك جديد ضد الهلال من السلام روتانا
* محمد معانا ما تغشانا
* لكن فى حته محيرانى
* قالوا كردنه دفع قروش سودانير لصحفى كبير
* من سنة ألفين وتسعه
* والصحفى ما وداها
* طيب
* صدقنا
* سودانير تفتح بلاغ جنائى فى مديونية عاديه بدون شيك كيف؟؟؟
* سودانير بتفتح البلاغ لما يكون فى يدها الشيك
* ولو إفترضنا كردنه كتب الشيك الوكت داك مثلاً
* وجا سدد المبلغ للصحفى حسب كلامهم
* ليه ما طالب الصحفى بإسترداد الشيك من سودانير؟؟؟
* شيكات الهلال حيرتنا
*بتطير أكتر من سودانير
* والله سودانى لو بتطير قدر شيكات الهلال دى
* كان بقت أعظم ناقل وطنى فى العالم
* كان السما دى لقيناهو كلو سودانير طايرات
* وطيرى يا طيارة وطييييييييييييييرى
* محمد معانا ما تغشانا
* المهم
* خاص صفحة الأحمر الوهاج
* منتدى جماهير المريخ
* عودتنا وتعود دائماً أن يقيم إفطار رمضان الشهر كلو بمسجد المريخ
* إفطار زى الإفطار قشه ما ناقصه
* والباب مفتوح على مصراعيه للجميع
* ومن اجمل ما لفت نظرنا فى ذلك الأفطار
* أن أخوه اهله شرفاء يتناولون إفطارهم معنا
* نداعبهم ويداعبوننا
* نحقق مقصد الشهر الكريم جميعنا
* ونثبت للعالم أن وسطنا الرياضى بخير وعافيه ومحبه
* والدعوة مقدمه للأهلة الشرفاء الما جونا
* رمضان ان بقى شهرين ونص
* فطورنا بإذن الله مدور بى شياتو ونياتو والحلومر حلاتو
* لكن أيها الأخوة
* وأخص رأس الرمح عماد عقيد
* والأخوة عبادة تاج السر ومهودة
* رمضان قرب
* والموضوع ماشى بطئ
* الهمه الهمه
* حقة الله حرم ما بنقصر فيها ولا بتقصروا فيها
* أتكفل بتكلفة الإفطار يوماً
* يلا همتكم نمرق حقت الله فى رحاب الزعيم
* خاص صفحة الأحمر الوهاج
* صدقونى
* شامى لى ريحة مطار
* وفى ناس ريحتهم طير طير
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* الكوبرى الطائر بتاع ودالبشير فى وش أمبده العملتوهوا لينا
* إنتهى يا والينا
* وقافلنوا علينا
* وماشفتوا الزحمه فينا
* يا تفتحوهوا لينا يا والينا
* يا نجيب خالتك قسمه تفتتحوا لينا
* وما تستبعدوا لو شقتونا معنقلين فوق يا والينا
* خاص صفحة الأحمر الوهاج
سلك كهربا
** ننساك كيف ولو ما قتحوا لينا وقسمه ما إشتغلت بينا يبقى رمضان فى الزحمة دى والسخانه معليش يا حكومه أعذرينا؟!!
والي لقاء
سلللللللك