الفقهاء اختلفوا
> جماعه بتاعين بحر
> قبل رمضان بي يوم هفت ليهم
> قالوا دايرين يدخلوا الشبكه مع الناس في رمضان
> قرروا يتفقهوا
> الونسه كلها بقت الامام مالك رضي الله عنه
> وابو حنيفه والشافعي
> احمد بن حمبل مانسوهوا
> اي حلقة درس قعدوا فيها
> اتاثروا شديد بتلك الاجواء
> اها
> امس قال ليك اتنين منهم دار بينهما النقاش التالي
> حسن : بارك الله فيك يا حيدر تفتكر الهلال ومازيمبي درنوا ليه شرعا ؟؟؟
> حيدر : الفقهاء اختلفوا يا حسن
> فيهم من قال السبب هو ان مازيمبي صايم
> ومنهم من قال ان ابو الهل فاطر
> وبين هذا وذاك راي يقول ان الهلال كان بوسعه ان يفوز
> قياسا علي كم من فئة قليله غلبت فئه كثيره
> حسن : الفئه الدخلها هنا شنو يا حيدر ؟؟؟
> حيدر : الناظر لمعني الفئه في هذا الموقع يا اخي يفهم ان المقصود منها هو الجويات
> فمازيمبي صاحب فئه كبيرة من الجويات
> والهلال صاحب فئه لا نقول قليله ولكنها منعدمه
> حسن : بارك الله فيك شيخ حيدر ولكن لي سؤال آخر
> حيدر : تفضل يا شيخ حسن
> حسن : كم عدد الباصات التي لعبها المريخ امام العلمه
> حيدر صمت برهه ونظر الي السماء ثم قال بعد ان حمد الله واثني عليه
> حيدر : الفقهاء في الحته دي اختلفوا
> حسن : الفقهاء ديل بتفقوا متين يا شيخ حيدر ؟ طوالي اختلفوا اختلفوا
> حيدر : انها سنة الحياه …الفقهاء اختلفوا في حتة باصات المريخ دي
> منهم من قال خمس وثمانون بالتمام والكمال
> وبعضهم ذهب الي ان الثابت فيها سته وستون وهو الظاهر منها
> والبعض الثالث قال بل هي سبعون الا ما ظهر منها
> ولكن الراجح عند جمهور الفقهاء انها سبعون قبل ان تصل ديديه
> حسن : بارك الله فيك يا شيخنا
> حيدر : لكنك لم تسلني عن ضربة البربر في شمال افريقيا
> حسن : وهل بعد ضربتهم القديمه ديك ضربوهم تاني ؟؟؟
> حيدر : اجل اجل , فالبربر ظنوا انهم لن يهزموا حيث تعودوا علي ضرب الناس بالمنجنيق خمسات وستات من الراجمات
> فالبربر حديثا لا حديث لهم سوي الحديث عن بوعقرب الذي شتت دفاعاتهم شتات شديد
> حسن : محنة اهل شمال افريقيا ان الله رماهم في طريق هذا البوعقرب الخطير
> حيدر : بلي
> حسن بلي يخمهم كلهم , بوعقرب ده سمعنا قالوا حدوا المطار
> حسن : ولكن لم تقل لي يا شيخ حيدر , ماحكم الكورة التي قلشها مساوي اول امس ديك ؟؟؟
> حيدر : الرأي عندي انها تدخل في باب الحرابه
> اذا روعت الناس وادخلت في نفوسهم الرعب نهار رمضان
> حسن : روعتهم …اجل اجل اجل
> حيدر : اجل ساي ؟ اجل حديد
> حسن : ماقلت لي يا شيخ حيدر ريحة المطار دي شنو ؟؟؟؟
> حيدر : دي الوحيده الما اختلف فها الفقهاء ,, كلهم قالوا ريحة مطار ظاهره وثابته ومؤكده
> حسن : لو اختلفوا في دي يبقوا ما فقهاء اصلو
> سمعا النداء
> اتوضوا ومشوا علي الجامع
> علي امل اللقاء في جلسه فقيه رمضانيه جديده
> المهم
> وليد البشري الهلالابي بعد انتهت كورة مازيمبي قال لي
> ده زمن الهلال ده زمن المطار
> قلت ليهو بتعرفوا المطار بي وين ولا اوصفو ليكم ؟؟؟؟
> مـــــــــــــتين مشيتوا المطار يا ويلي ؟؟؟
> بتروحوا سااااااي
> والله يلقوكم في السلمه
> المطار خلوهوا لي ناسوا
> اسألونا
> قولوا المطار بي وين
> نقول ليكم المطار بي جاي
> شايف بي جاي دي بي وين؟؟؟؟
> ايها الناس
> صدقوني بعد شفنا كورة مازيمبي والهلال
> والتطواني وسموحه
> وصلنا لي انو المجموعه التانيه دي مافيها فريق حايصعد
> الاربعه ما بصعدوا
> واستغرب
> يصفون العلمه بالضعيف
> والعلمه اقصي الاشانتي الجوي ) والصفاقسي (الجوي )
> البقولوا كده اقصوا منو ؟؟؟
> كي ام كي البهار و الفشنكات الملاويه ؟؟؟
> الله يسألكم في زول سمع بي سانغا ؟؟؟
> ياخ في الكنغو مافي زول سمع بيهو
> والدليل في كورتهم في بلدهم زول في الاستاد سانغاوي مافي
> الاستاد كلو بشجع ضدهم
> الضعيف بي وين ؟؟؟؟
> المهم
> الرقم العالمي لعدد الباصات الملعوبه اثناء المباراه
> كان رقم برشلونه
> اسي اتغير بقي سوداني
> اصبح رقما للمريخ
> خمسه وسبعين باص ؟؟؟؟
> ده حالتوا الفقهاء اختلفوا
> المهم
> قال ليك حاجه كبيره ركبت ركشه من اركويت ماشه الميناء البري
> قالتلي بتاع الركشه وديني محل البصات الكتااااار
> بتاع الركشه جابها استاد المريخ
> حقوا نسمي استاد المريخ بالميناء البري
> البصات الكتار فيهو مافي الميناء البري
> انا خايف في العيد
> ناس المرور يجوا يفوجوا لينا باصاتنا الكتيره دي
> لازم تفويج عشان مايحصل مكروه
> ويا ارض احفظي ما عليك
> ايها الناس
> المريخ بطل المجموعتين
> بعدو اتحاد الجزائر
> بعدو سموحه
> والباقيين كلهم طيش
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> عندنا فهما لينا
> جعلناكم شعوبا وقبائل لتعارفو ا لما ربنا قالها لينا
> ما كان القصد ان نكتبها في كروت الافراح يا والينا
> القصد منها المعرفه التي تقود للبحث العلمي وترقينا
> عشان كده الخواجات عارفين البينا والعلينا
> ببحثوا علميا فعرفوا الفينا
> وين اليورانيوم ووين البترول وعاداتنا والحوالينا
> ونحنا نايمين في العسل يا والينا
> لا بحث علمي لدينا
> ولا فهما لينا ولا عن الناس الحواينا
> حقوا قصة البحث العلمي دي يا والينا
> شويه كده تطوروها وتهتموا بينا
> عشان الفقهاء ما يختلفوا يا والينا
سلك كهربا
ننساك كيف والبحث العلمي ما بطلع من النت وتأخذ عليهو شهاده
والي لقاء
سلك
ومازال الكلب الاجرب يشم وفي رواية اخري الاجرب الاصلع وفي رواية ثالثة الاجرب الاصلع ابو راسا ذي السرويس
لا ومصدق انه صحفي ودمه خفيف كمان, اللهم اني صائم.
من اين اتى هولاء؟ ومن طلب منهم تقييم كتابات سلك انتو بتقرو لي كتاب المريخ قبل المريخاب لانكم معجبين بكتاباتهم وبتكابرو طيب وقت هو ما صحفي ماتكتبو انتو يا عباقره وخلونا نقرا
نحن بنقرأ عشان نضحك على الهبل
صخاف المريخ عمك تنقو اللهم انى صائم عمك سلك هؤلاء يريدون ان يكتبوا من اجل الكتابة وليس من اجل فكرة ولا هدف يصحى من الصباخ يشوف ناس الهلال شايتين على وين ويشوت عكسهم ان كات فيهم رجل رشيد ما كانوا ح يمجدوا فى بكرى وينسوا العشرة الباقين او بضم العين يا عمك تنقو فى العشرة زى ما تضموا عيونكم من انتصارات الهلال فريق كلوا ما فيهوا غير بكرى شوفوا العبط ده انوا كتاب للمريخ ام ضد المريخ !!!!!!!!!!!!ناس بنقو لا لا انا الصيام اثر فينى اقصد ناس تنقوا سااااى !!!!!
والله يا المدعو سلك ، ماعندك أي معرفة بالكتابة الصحفية ،،، بس بلدا ما فيها تمساح يقدل فيها الورل ،،،، بطل سخف بالله ورحمة بالمسلمين وعلي الأقل في شهر رمضان ،،، خلينا نصوم عن الأكل والشرب وعن لغو الكلام .