سن سواريز وكوع الصيني
*مهما كانت الحماسه في الرياضه
*الا ان الاخلاق تحجم تلك الحماسه في حدود التنافس الشريف
*والالتزام بقوانين اللعبه
*بل حماية للمواهب سنت الاتحادات قوانين لحماية المواهب
*وتطور امر البينه في الامور الرياضيه
-*لدرجة ان شريط المباراه اصبح بينه
*فقد تفوت علي الحكم بعض التفلتات
*وقد يتعمد الحكم اخفائها لشئ في نفس يعقوب
*وقد يغفل المراقب عنها
*لذا ترجع اللجان الاداريه لشريط المباراه
*وتعتبره بينه
*علي اساسها تدين وتعاقب الجاني
*ايها الناس
*سواريز بعضي
*والعقوبه لم تجامله
*وقبل ذلك اعطي حكما لاعبا اظنه من الكاميرون انذارا بالكرت الاصفر
*كان كفيلا بايقافه
*وبالعوده لشريط المباره اتضح ان الحكم اخطأ في رقم اللاعب المنذر
*فالغت اللجنه الاداريه الانذار
*وبالتالي سقطت معاها عقوبة الايقاف
*اذن نخلص الي ان شريط المباراه بينه قاطعه ويمكن الاعتماد عليها
*المهم
*اثبت شريط مباراة امل عطبره والهلال
*اعتداء لاعب الهلال الصيني بالكوع بدون كره علي لاعب الامل عطبره
*في الدقيقه سبعه واربعين
*الكورة كانت مخالفه خارج الخط
*استعد كاريكا ليلعبها
*وبقية اللاعبون داخل الصندوق
*فاذا بالصيني وبكل وضوح وبجاحه
*وعلي عينك يا حكم
*يعتدي بالكوع علي لاعب الامل في وحهه
*ويرديه ارضا
*قول الحكم ماشافها
*قول المراقب كان مع كاريكا
*شريط المباراه ده ما بدين الصيني المعتدي ؟؟؟
*ولا الموضوع محتاج شكوي من امل عطبره ؟؟؟
*واذا الموضوع محتاج شكوي
*ليه امل عطبره ما طالب بحقوق حماية لاعبه المسكين ؟؟؟
*فايته الحكايه دي علي ادارة امل عطبره التي تملأ الارض ضجيجا وتصريحات
*ويحدثونا عن قتالهم من اجل حقوق فريقهم
*ويكلمونا عن تطبيق اللوائح والقوانين
*الرصه واضحه جدا
*والسكوت علي الموضوع ده ببقي خيار وفقوس
*وعلي الانديه ان تضغط علي اللجنه الاداريه في الحته دي
*الحقاره وصلت مدي بعيد جدا
*ثم اين اخلاق الهلال التي يزعجنا بها خالد عزالدين
*وادب الحركه الوطنيه
*ياربي الكوع ده برضو حركة وطنيه ؟؟؟
*ايها الناس
*قبل كده الحكم اتخنق داخل الملعب من بعض لاعبي الهلال في مباراتهم ضد الاهلي
*وفي التقرير ماظهرت الخنقه
*وقبل كده رفض لاعبو الهلال الصعود للمنصه للتويج بميداليات الوصيف
*وكانو ما حصل شئ
*وقبل كده اعتدي علولو ايام الرده
*ايام ارتد عن المريخ
*اعتدي علي مصعب عمر بالبونيه
*ولا الحكم كتبها
*ولا اللجنه الاداريه جابت سيرة ليها
*القصه في نفس المنوال لسه ؟؟؟
*فهمونا الرصه ؟؟؟
*يبقي ناس زكي الفايرين في عقاب بكري والطريفي السمعنا انو هدد بالاستقاله اذا لم يعاقب بكري
*يبقي ديل يورونا همتهم
*قبل ما نوريهم همتنا
*الصيني ليس باكبر من سواريز
*والصيني هو ابن لاعب العباسيه سابقا الاخ صلاح سلك
*وبرغم خشونة والده في اللعب
*الا انه طيلة حياته لم يعتدي علي لاعب بالطريقه بتاعت ولدو دي
*يمكن لانو ماكان بلعب في الهلال
*تيم التجاوزات والصهينه بتاعت اللجان وغياب الحقائق عن تقارير الحكام
*ولكن آن الاوان ليتساوي الجميع امام القانون
*فدائما العيب يكون فيمن يطبق القانون
*لافي القانون نفسه
*ايها الناس
*الرصه واضحه والقصه لسه
*ودايرين نشوف قرار اللجنه
*لو شريط الكورة ماعندكم بنمدكم بيهو
*المهم
*نلتقي اهلي الخرطوم
*مع احترامنا له ليس ندا
*وتعادله امامنا في الدورة الاولي لم يكن مستحقا
*وفي الكورة دي مفروض نوريهو اننا كباااااااار
*والمحرش ما بكاتل
*فالاهلي مع احتراماتنا له
*ليس اكبر من الترجي
*ولا اخطر من عزام
*ولا زي كابو اسكورب
*ونحنا شامين ريحة مطار
*يبقي لازم نجندل الاهلي الحبيب جندله من امها
*والصداره مابيه تفارقنا
*المهم
*حكاية الصيني دي واجعاني شديد
*لانو الكوع ده كان في وجه الخلق الرياضي
*لم يكن علي وجه لاعب عطبره فحسب
*فماذا انت فاعل يا عزيزي جمال حسن سعيد ؟؟؟
*الخوف في الحته دي تطلع شعيريه زي صديقي المبدع جمال حسن سعيد
*القصه دي ما بنسيبها الا نشوف زيت الموضوع بعد الرصه شنو
*ايها الناس
*اعتداء غاشم كان علي الزميل هيثم كابو
*بحجر قدر ده
*وبغدر مبالغ فيهو
*وربنا لطف
*ولكنه تصرف يدعونا لنقف شويه
*ماذا يحدث في هذا البلد
*وهل ستطالعنا الصحف بان الجاني معتوه
*لتعيد لنا ذكريات رحيل خوجلي عثمان
*ام يكون البوليس شاطر ويمرق الحقيقه من بين فتات الحجر المعتدي به علي كابو !!!!!
*الحته دي لاتقل عن اعتداء لاعب الهلال بالكوع علي لاعب الامل عطبره
*الاتنين اعتداء علي الخلق القويم
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الكهربا تمشي وتجينا
*ومرات تمشي وتفتح لينا
*تاني ما بتجينا
*خليها الكهربا يا والينا
*صحي خلينا قصة اسبير جنوب افريقيا
*ولما رجعنا اتلوموا فينا ؟؟؟؟
سلك كهربا
ننساك كيف وكوع الزول افظع من سنون سواريز
والي لقاء
سلك
وبونية بكري المدينة والاساءة الفاحشة الساقطة البذيئة التافهة للحكم والتي طالت والدته هي ايضا مسجلة وموثقة وممكن نمدكم بالشريط الشافو الشعب السوداني كلو. بعدين حجر كابو ده كان مفروض يكون في صلعتك الخاوية دي، علي الاقل كان بتريح الدكتور في الخياطة. انت عامل فيها من ناس الجو الرطب يعني بتاع نكات طيب قول لينا نكتة سواق الشاحنة ابو صلعة ، وكان الراجل فاكرو بروفسور. او Professor . طبعا احتراما لاحد المعلقين طلب مني ما اجيب سيرة الكلاب لكن انت جبت سيرة الشم.
اللهم اني صائم. هذا السلك ماعنده فرق من المشاطات.
اجمل ما كتبت في الآونة الاخيرة استاذ بابكر نتمنى الاستمرار بهذه الموضوعية والتمحيص وربنا يوفقك الي ما فيه خير المريخ دوماً .
.. قلم متفرد .. شكرا سلك ..
ها ها ها ههههاااااااااااااااااااااااااااااااااااااااااااااااااااااااااااااااااااااااااا