جيل المدرجات 2015

* أيها الناس
* مكاسب هذا الموسم بحمدالله كبيرة وكتيرة
* لذا لابد بفضل الله من التتويج بالأميرة السمراء
* فى هذه العجاله أتناول دور الجماهير فى مسيرة المريخ الأفريقية
* أيها الناس
* إن ثقافة التشجيع عندنا تطورت
* ودخلت الينا مفاهيم جديدة وواعيه جداً ومفيدة
* ففى مرات كثيرة يكون المشجع خصماً على الفريق
* يصمت ويتفرج ولايخرج صوته إلا فى حالتين
* الأولى عند إحراز الهدف
* والثانية عند الإخفاق حيث يعلو صوته ولسانه يلهج بالشتيمه للجميع
* الأمر الذى يفقد اللاعب تركيزه
* ويوتره ويزيده إخفاقاً لتزداد لعنات الجماهير عليه
* الآن وبفضل الثورة التوعويه الجماهيرية تغير الحال
* أدرك المشجع أن دوره هو التشجيع المتواصل
* وأن النادى واللاعب يحتاج للمشجع عند المحن
* وأن الهدف يأتى ولو فى الزمن المحتسب بدل الضائع
* وأن اللاعب بشر يخطئ ويصيب
* ويحتاج للسند عند الشدة
* أيها الناس
* مايقوم به الأخوة فى أولتراس الجوارح من إبداع بعده ابداع أدهشنا كثيراً
* حتى إرتبط الجمهور بدخلات الأولتراس والتيفو والإبداع
* وأولتراس اولمبيوس مونس المبدع المتفانى
* هذا الأولتراس الذى علم أفراده المدرجات أن التواجد فى الإستاد ليس للفرجة
* ولكنه للتشجيع المتواصل والإبداع الجماهيرى
* لذا نجد أغلبهم يديرون ظهورهم للملعب حتى لا ينشغلوا عن التشجيع
* ولن انسى تورنيدو الشجعان
* زى موحد وإيقاعات منضبطة وتشجيع متواتر لايعرف الصمت أبداً
* أيها الناس
* لجنة التعبئة الجماهيرية او القيادة العامة
* وتجمع الروابط الأبى
* ولن ننسى ساس وأساس
* خاص صفحة الأحمر الوهاج
* ساس منبع الناس والإحساس
* كلها تنظيمات جماهيرية أدخلت الينا ثقافة تشجيعية جديدة ومفيدة
* التحية لهم جميعاً ولغيرهم ان كان قد سقط سهواً منى ذكرهم
* والتحية للشفوت فى عموم السودان
* فالتشجيع داخل الإستاد لم يقتصر على المذكورين
* ولكن كانت حناجر الشفوت منبع القوة تعمل تحت التنظيمات المذكورة
* تجمعات جماهيرية غيرت مفهوم التشجيع
* من عبارةٍ كنا نحبها
* مثل ما جابو لينا بصات
* الى واقع تحمل النفقات من جيوب أعضاء تلك التنظيمات الفتية
* تنظيمات تدفع وتجلب معينات التشجيع وتوزعها بالمجان على المشجعين
* ولن ننسى قروبات الواتساب والفيسبوك وأثرها على المدرجات ودعمها اللامحدود
* ولن ننسى روابط الشفوت بدول المهجر ووقفتها مادياً ومعنوياً مع شفوت الإستاد
* كيف لا ورابطة قطر إستضافت المعسكر الإعدادى ولم تقف دعوماتهم طيلة الموسم
* ورابطة الأمارات تتحفنا بأعلام وتيفو ودعم مادى لامحدود
* التحية لكل شفوت الدنيا
* ولن يفوتنى الإشادة بأولتراس الهلال
* فالأخوة فى اولتراس الهلال يساندون هلالهم بقوة وفتوة
* يدعمون كيانهم من جيوبهم فى فهم تشجيعى جديد
* خاص صفحة الأحمر الوهاج
* لايوالون إلا الكيان
* ولايقبضون دعماً لامن مجلس ولا من معارضة
* بل يعملون من اجل هلالهم
* وكم كانت دخلتهم جميلة ومبدعة يوم أن حملت بقية الجماهير الكراسى على رؤوسها
* فهم إستقبلوا الأمطار بمزيد من التشجيع والصبر وهلالهم خاسر
* وبعد المباراة كان موقفهم جميلاً وبطولياً
* وعند سفر الهلال
* زاروا المعسكر وطالبوا لاعبيهم بالتضحية من اجل الشعار وقهر المستحيل
* بل وأنشدوا نشيدهم الرائع بمشاركة لاعبيهم
* أنه مفهوم التشجيع الجديد
* الشباب ديل أدخلوا فهم وثقافة على التشجيع أدت لأن يؤتى التشجيع أُكله
* لنستفيد من الأرض والجمهور فعلاً
* تحية خاصة للإخوة فى اولتراس الهلال
* وزى ديل ما بفقدوهم يا كردنه يا اخوى
* أيها الناس
* إبداعات الجوارح واولمبيوس مونس وتورنيدو كتيرة
* وقيادة لجنة التعبئه وتضحيات تجمع الروابط لن تحصى
* ودور الجماهير 2015 دور عظيم ويحتاج للإشادة
* سنعود لتلك الإبداعات والتضحيات والمفاهيم الجديدة
* خاص صفحة الأحمر الوهاج
* سنعود لها بالتفصيل لأنها إبداعات جيل لايقل عظمةً عن جيل مانديلا
* جيل المدرجات 2015
* المهم
* قالوا سيخ الجوهرة مرق بالبطاح لى بره
* بيت ابوك يا روشا إن خرب الحق ليك منو شوال اسمنت
* الشوال طار وراح
* الشوال لحق الهلال
* بس الخوف مطرة يوم داك تكون بوظت الإسمنت وحجَر
* كان حجر الحق ليك سيخه يا روشا
* لو القندران شال السيخ كلو
* الحق ليك صينى من ناس الشركه الصينية قبال فطومه تتاويهم فى شمبات يا روشا
* لو الصينين كملوا الحق ليك كرسى من الكراسى القلعوها جماهيركم يوم المطرة
* بمناسبة الكراسى
* كراسيكم دى قاعده ساى ولا شنو؟
* اول مره اشوف لى كرسى بنقلع أسرع من البنطلون
* أيها الناس
* قالوا ابوالهل كسب الشكوى
* قالوا البلايلى الموقوف شارك فى المباراة ضد الهلال
* وقدم الهلال مستنداً للكاف عبارة عن شريط فيديو
* خاص صفحة الأحمر الوهاج
* حيث ثبتت مشاركة البلايلى
* الراجل للأمانه شارك
* لأنو ظهر فى الفيديو بصفق مع القون التانى
* والصفقه دى فى حد ذاتها مشاركة
* أيها الناس
* ريحة المطار فاحت شديد
* وعودتنا إن شاء الله من الكونغو متأهلين مسألة وكت ليس إلا
* دعواتكم من على البعد تصل بإذن الله للأولاد فى الكونغو
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* دايرين حكومه من اول تربينا
* تفهمنا وتورينا
* انو كب الكرشة فى الشارع عيب علينا
* وبوسخ بلدنا ويجيب الضبابين لينا
* وإنو جديع الفارغ من العربات فى الشارع العام تصرف محسوب علينا
* وإنو بصق التمباك فى سلم البنايات مامقبول لدينا
* وانو سلوكياتنا الكتير منها أبداً ما مبرر لينا
* أسى فى وسخنا فرقنا شنو من المحليات يا والينا؟
ﺳﻠﻚ ﻛﻬﺮﺑﺎ
** ﻧﻨﺴﺎﻙ ﻛﻴﻒ ﻭﺍﻟﻜﻠﺐ بدق يداً بيد لما يشوف تصرفنا فى الشارع العام..قرب يطلع جواز ممغنط ويفحط..قال ديل ناس شنو ديل ياخ..ضلافين الخروف لى اسى بجدعوها فى الشارع؟!!
ﻭﺍﻟﻲ ﻟﻘﺎﺀ
ﺳللللللك