جرائم وحوادث
طَالب بركشة وزوجة : شاب يصعد برج إستاد ود مدني ويهدد بالإنتحار
تسلق أحد الشباب البرج الجنوبي الشرقي لإستاد ود مدني مهدداً والي الجزيرة بالإنتحار لو لم ينفذ له رغبته التي أجملها في مطالب أبرزها التصديق له بـ(ركشة) وتمكينه من الظفر بزوجة !. وقال الشاب (م.أ) للمواطنين ، الذين تجمهروا حول برج الكشافة معطلين حركة السير من ارتفاع 65 متراً ، ان عدم السماح له بمقابلة د. الزبير بشير طه ، والي الجزيرة ، سيفضي به السقوط منتحراً . فيما قالت المصادر ان دوافع الشباب في الانتحار تتلخص في فقدانه لمبلغ 35 جنيهاً كانت في حوزته قبل ان يقدم على صعود البرج . وبحسب صحيفة حكايات خفت قوات الدفاع المدني لإثناء الشاب عن فكرة الانتحار ليتمكن المذيع الداخلي للإستاد ( مدثر القطر) من إقناعه بالعدول عن الانتحار ليهبط سالماً وتقوده الشرطة للقسم الاوسط لتكملة إجراءاتها .
اليتلب بس يعمل حسابو كراعو ماتتكسر:eek:
بالله الحالة وصلت للدرجة دى لا حولة ولا قوة إلا بالله!!!!! حرام بالجد حرام يعنى على قدر ما الواحد مبسوط من الزول ده لانو اسهل ما يكون يسرق او يمشى فى طريق غلط لكن رغم كده شوفو عمل شنو؟ دى ابسط حقوقو فى الحياة لكن والله عفيت منو راجل ود رجال لانو الزمن دا كان قعد يطالب بى حقوقو والله لحد ما يموت ما بلقى شى وصراحة أثار شفقتى لانو شوفو طلباتو بسيطة كيف بتمنى انو ربنا يصلح الحال وينقذ شبابنا من الوضع الحاصل ده لانو كتار زيو حيحصل المرحلة دى والباقى حيضعف ويضيع مع التيار خيارات احلاهما مر!!!! ان شالله يا اخ الحركة العملتها دى تصحى الضمائر شوية ويتغير شى:confused:
والله يا نانا انا شايف انه ده نوع من الاستهبال شنو يعني يطالب الوالي بي ركشة وزوجة ما يمشي يشتغل ويوفر لي نفسو الشي الدايرو ، يعني كل واحد عاوز حاجة يطلع في برج ويهدد الوالي ولا يهدد الحكومة ، لو كان مظلوم من الولاية او الحكومة ومالقي طريقة يرجع بيها حقو ممكن نقول معاه حق لكن اي واحد عاطل او اتكالي يجي يهدد بالانتحار عشان يجبر الولاية او الحكومة تديهو حاجة يكون ده نوع من الاستهبال ولانه عارف في ناس بتتعاطف معاه زي نانا ويمكن واحد يوفر ليهو الشي الطلبو عشان كده عمل الحركة دي . :lool: :lool: :lool:
حليلك بتسرق
سفنجه وملايه
وغيرك بيسرق
خروف السمايه
تصدق…. في واحد
بيسرق ولاية
التحيه لمحجوب شريف
don’t try to do that to your selfe again , because government never give you anything and they will kill you if you try it again bleieve me my brother.;(
يعني شنو ينادو ليك الوالي عشان ركشة وزوجة طيب قول همر وعرسو لي ندي القلعة شوية معقولة لكن ركشة خلي طموحاتك كبيرة هسة ركشة بطلع من البيت خلي ابراج الكهربة والله ياناس مدني جنكم مشاتر تب:crazy:
والله أنت الروح عندك رخيصة خلاص , طيب كنت تطالب بي أمجاد أو هايس أو حافلة
(ركشة!!!!) يعني روحك تساوي 6000ألف جنيه مرة والعالم الله إمكن تفكها عكس الهوى بعد شهر
لكن برضو أحسن من غيرك غسلوب مبتكر جديد أحييك عليهو
عالعموم هو أكيد الآن أخد علقة ساخنة او راح في ظروف غامضة
والله المستعان
وكت الحكايه سهله كده ,, أنا برضو بطلع البرج .. ومطالبى ,, سفنجه وملايه
دة واحد مستهبل وانتكالى ؟؟؟ ولو خلو ماكان حينتحر ؟؟ اولاد مدنى مستهبلين وانت عارفين اولاد مدنى مافى داعى اشرح الجميع فاهم شنو اولاد مدنى نبرة ونستبرة من اولاد مدنى
زي دا مفروظ 100 جلده من سوط عنج قلت ادب تلقه من الزباله الراجعه لينا من مصر 😡 😡 😡
يا عباس اولاد مدني عملوا فيك شنو زعلان منهم كده عسي ما شر
أولاد مدني مالك عليهم يا عباس ركسي يالراكب التكسي ..