محمد من القولد

> زمان كان في إبداع في كتاب المطالعه وفي المناهج عموماً
> الرحلة التي بدأت من القولد كانت اروع اشكال الابداع المدرسي والمعرفي في ذلك الوقت
> لما تنتهي من المقرر بتكون كأنك زرت كل بقاع السودان
> وبتكون عرفت عادات وتقاليد ناس اي منطقه
> وده هو الساعد علي خلق التمازج الثقافي بين ثقافات البلد دي التي تميزنا
> افتتاح استاد دنقلا بيرجع لينا التاريخ
> تاريخ صديقنا من القولد
> وذكري مسجد دنقلا
> اول مسجد على ارض السودان على ما اعتقد
> ولن ننسى كنيسة دنقلا
> التاريخ يقول ان دنقلا رقم يصعب تجاوزه
> دنقلا إرث ثقافي وسياسي وعمق ديني يستحيل ان ينساه التاريخ
> ايها الناس
> كل كاسات المناسبات التي لا تنسي في البلد دي ظفر بها المريخ
> وفي الخاطر جوبا
> اول جويه مريخيه
> لذا اتوقع بحول الله ان يسجل المريخ موعداً جديداً على سجلات التاريخ في افتتاح استاد دنقلا
> واهل دنقلا على موعد مع ابداعات الزعيم
> واهلي شندي ايضا ما ساهل
> على اقل تقدير ما بزوغ
> ولن اتعجب ان هتفت جماهير دنقلا الواعيه
> ما دايرين آي آي ما دايرين
> حتي يكون الزايغين حاضرين في ذلك اليوم القومي والحدث الكبير
> آي آي ما دايرين اشهر نغمه في اليومين دي
> زوغ من نجمه وشيل النغمه
> آي آي ما دايرين
> لي ناس الاندرويد تنزلها من النت
> لي ناس قريعتي راحت تنزلها من الركشه
> المهم تظل النغمه حاضره ما بقيت الحياه
> آي آي ما دايرين
> وفي نغمه جديده لكن غاليه
> بتقول آي آي ما دايرين
> ده للزول الضارب ليك
> للزول الضارب بتقول خرخارين خرخارين
> دي الا جلكسي من نوت ثري ولي فوق
> ناس ربيكا يا كردنه ما بتنزل معاهم
> ايها الناس
> دنقلا تستحق ممثلاً بالممتاز
> السنه دي نازلين من الممتاز سبعه
> حقو بقرار جمهوري يصعد فريق دنقلاوي مع الخمسه الصعدوا والسابع تجيبو القرعه
> المهم لن ننسي في خضم الفرحه ان الشعار
> قانونيه قانونيه لا وساطه ولا جوديه
> المهم اذا عمل اهل دنقلا على الظهور بالممتاز لفعلوا
> الامكانات موجوده والمواهب متوفره
> ايها الناس
> تفعيل العضويه واجب
> العضويه الواعيه المدركه المشاركه في ادارة ناديها والداعمه له
> الفهم والانتماء وطول اليد هو ما نطالب به في عضويتنا
> ايها الناس
> اكتب قبل لقاء دنقلا
> اتوقعها رائعه روعة المريخ والاهلي الشجاع
> اتوقعها سهرة نحسد عليها اهل دنقلا وان كنا نتمنى ان نكون حضوراً بينهم
> اتوقعها مشبعه لتلك الجماهير الوفيه
> فدنقلا وما حولها مناطق حمراء حد الثماله
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> استاد دنقلا امس فتحوهو لينا
> ربنا يكمل امانينا
> ومن دنقلا تيم يصعد لينا
سلك كهربا
ننساك كيف والكلب محتار كيف كل الشمال مافيهو فريق بالممتاز… الكلب التاني قال ليهو ناس الشمال اغتربوا.. اولادهم في السعوديه
وإلى لقاء.
سلك