الليق واليابا صديق
* كلمناكم
* قلنا ليكم بياخذ مجراهو
* ماسمعتوا كلامنا
* قويتوا راسكم ولبستوا الكسكته فيهو
* أها جابت ليها كمان ليق ودرجه تالته
* كنا قايلين الموضوع فيهو درجه أولى
* طلع كمان فيهو ليق
* ومباريات الليق بتبدأ إتنين ونص الضهر
* يعنى كمان فيها سحائى
* وكان نزلتوا الليق تانى ما بتطلعوا يا روشا
* يطلع الضغط
* يطلع الجنيه ويجيب عشره دولار
* كلو جائز
* لكن ابوالهل يطلع؟!!!!!!!!!
* دى مستحيله
* أقول ليكم
* بيعوا أمل عطبره
* أصلكم بياعين
* بيعوهوا وأعملوا فيها شاهد ملك
* فتوهوا فتاهو شنو أقول يا ربى؟!!!!
* المهم أبقو شاهد ملك
* الأمل ينزل وتقعدوا إنتوا
* وتانى ما تكرروها
* القانون لازم كان ياخذ مجراهو
* بس بنعيب على الإتحاد شى
* الإتحاد زى الأبو الفاكى اللعب للشفع
* ماشغال بيهم الشغله
* مرقوا دخلوا مشوا وين؟؟!!
* ماشغال بيهم
* أصحابهم منو
* ماشغال بيهم
* بمشوا المدرسه ولا ما بيمشوا
* ماشغال بيهم
* ولما واحد فى الشفع يجيب ليهو قليله
* الأبو يتنفخ ويصدر من القرارات مايقيد به سكنات وحركات البيت كلو
* مابحمل نفسو اى جزء من الحصل
* برميها كلها فى الشفع
* ده حال الإتحاد
* مجاملاتو الكتيرة
* تبريراتو الواهيه زى بتاعت اللغه البرتغاليه والصلوى
* زى قصة سيدى بيه الإتسجل وطنى قبل إستخراج الجنسيه
* وزى حركات يخطئ ولا يظلم الكتيرة والمسيخه دى
* الحاجات دى كلها الطلعت للإتحاد الجماعه فى راسو
* ووصلوا لدرجه يتحدوا الإتحاد كمان
* أيها الناس
* الأمور تحل بالحكمه والقانون
* حركات الكاوبويات تعقد الموضوع أكتر
* وبتودى أكتر من الليق
* بتودى جبال الروكى يا عمك
* والهنود الحمر ما برحموا
* الهنومد أبان حصين مبرقعات أبيض وأسود ديك
* أبان حصين فريزيان
* ما بتفاهموا
* يولعوا بخورهم داك
* ويرقصوا ليك رقصة المطر
* الواحد تلقاهو لابس عقد من سنون الحيوانات ناسجو
* وبعد داك عينك ما تشوف إلا النور
* أيها الناس
* بطلوا حركات الكاوبويات زالعنتريات وإحتكموا للعقل قبل كل شئ
* إحتكما لللقانون
* لأنو بياخذ مجراهو بياخذ مجراهو وإن طال السفر يا محمد عبدالماجد
* المهم
* كلنا شاهدنا نهائى أفريقيا
* وزدنا حسرة
* الكاس حقنا لكن فرطنا فيه بعد لبنت
* والتباكى عليهو ما الحل
* الحل نسد الثغرات ونستفيد من التجربه عشان نشيل الكاس القادم إن شاء الله
* أيها الناس
* مجلس التسيير يحتاج لوقفه قويه ندعمه
* لاتعتبروهوا مجلس مؤقت سيذهب بعد تلاتة أشهر
* تعالوا نصنع منه مجلساً يضع الخطط والإستراتيجيات
* مجلس يفكر فى الإستثمار ويبدأ فى المشاريع الداعمه
* تعالوا نطالب بمد فترته ولا نجرى خلف الكراسى ونستجل الإنتخابات
* لنصنع منه مجلساً بعون الله وبعوننا وأفكاره وأفكارنا نضع دستوراً نسميه كيف يحكم المريخ؟
* وبعده لن يهمنا من يحكم المريخ
* لأن الدستور سيكون رقيباً يقيم العمل بالنسبة لأى مجلس يجينا
* أيها الناس
* لاتبخلوا على المجلس بالسند المادى والمعنوى والفكرى
* شخصياً إلتمست فيهم مصداقيه وتفانى ورغبه قوية فى تقديم الجهد والفكر للمريخ
* مجلس لا مع ولا ضد ولا يجب أن يقصى مريخياً
* بل يهدف الى تفعيل كل طاقات الشفوت لتتبلور وتتمحور وتغير واقعنا الى واقع أفضل
* المريخ يا ناس يحتاج فقط لتنظيم وتكاليف محدده وتقييم لكل فرد بعمله
* جمعتنى جلسة بالصدفه بالكابتن هوارى
* فإزددت قناعةً بهذا المجلس
* وفرحت جداً للروح والفكر الذى تعمل به لجنة التسيير
* نسأل الله ان يساعد ونسى ورفاقه على تسطير أسمائهم بأحرف من نور فى سماوات إنجازات المريخ
* المهم
* تنحى جمال
* وبرغم ذلك ساهم فى إعادة أميركمال بمليار
* لله درك يا اخ العرب
* ولكن قل لى
* من أى كوكب أتيت أنت؟؟!!!!!!!!!
* على اليمين جيمى ده لو حضر زمن ناس ابولهب واللاتى والعزه
* كان عملوا ليهو تمثال أكبر من هبل ذاتو
* وكان لو قابلو عربى مبرطع بى حصانو فى الخلا داك
* وسألوهوا من اى القبائل أنت؟؟؟
* لو قالو ليهو واليابى مضاربنا فى فداسى
* على اليمين كان ضبحوا ليهو نياق الجزيره العربيه كلها
* كانت الجزيرة العربيه قعدت عدمانه الناقه
* وكانوا قالو ليهو أحضر ربعك كلهم وأجعل لهم مضارب جوار مضارب بنى هاشم جمب ابى سفيان لزم
* أعطاك الله أخى جمال بقدر الجمال الذى حملته بين ضلوعك
* أيها الناس
* غرزه بى شروط أخير من يخلينا يفوت
* نخت شروطنا
* ونحدد ليهو الميس وين واللين وين والجكو ما ينطوا
* صدقونى ده الحل الأمثل
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* مابعتذر إلا الزول الشجاع فينا
* الليله دايرين نعتذر لى وزارة تربية ولايتنا يا والينا
* قبل كده كتبنا عن شهادة الأساس ووأد الفرحه فينا
* لكن بصراحه إتضح لينا
* إنو مافى قرار صدر من الوزارة يحرم حضور إحتفال شهادة الأساس على معلمينا وعلى أهالينا
* وإنو سفر الوزير لتركيا لا علاقة له بتأخير إعلان النتيجه لينا
* وإنو كل الحاصل كان إجراءات يا والينا
* نعتذر يا والينا
* لآنو للشجاعة معنى فينا
سلك كهربا
** ننساك كيف والكلب قال كمان جابت ليها ليث؟!!!!!!!!!
ﻭﺍﻟﻲ ﻟﻘﺎﺀ
ﺳﻠللللللك
انا ليهم بقول كلام حرقوها ودخانا حام سم كردنة البصقع جدرى القيح البفقع انا ليهم بقول كلام…
يا سلك
اين كان القانون عندما رفض مجلس ادارة نادي مريخ الحكومة مجردة فكرة استلام قرار اللجنة المزعومة عندما قررت اعادة مباراة الامل و المريخ من الدورة الاولي؟
اين القانون الذي يلزم اللاعب الذي يرد اسمة في تقرير المراقب ايقافه 7 ايام؟
المفروض اللاعب يقيف 7 يوم حتي بعد داك لو دايرين يعاقبوا يعاقبو و لو ما دايرين يتركوه لكن ال 7 يوم دي لا مجدي لا اسامة لا الحكومة ما يقدر ينقصوه !!!