ﺟﺴﻤﻲ ﺍﻧﺘﺤﻞ ﻟﻴﻴﻴﻴﻪ ﺍﻟﻨﺤﻞ

*ﺟﺎﺑﺖ ﻟﻴﻬﺎ ﻧﺤﻞ ﻛﻤﺎﻥ ﻳﺎ ﻣﺤﻤﺪ ﻋﺒﺪﺍﻟﻤﺎﺟﺪ !
*ﺩﻩ ﻛﻠﻮ ﻣﻦ ﺭﻭﺷﺎ
* ﻳﺤﺸﺪ ﻓﻲ ﻧﺎﺱ ﺍﻻﺑﻴﺾ ﻭﻧﺎﺱ ﻛﺎﺩﻭﻗﻠﻲ ﻣﺎﺧﻠﻲ ﺯﻭﻝ
* ﺍﻟﻨﺤﻞ ﻗﺎﻝ ﻣﻌﺰﻭﻣﻴﻦ
*ﺍﻟﺪﻋﻮﻩ ﻋﺎﻣﻪ
*ﻭﺟﺎﻛﻢ
*ﻟﻜﻦ ﺭﺑﻨﺎ ﻣﺮﻗﻜﻢ
* ﺍﻟﻨﺤﻞ ﺧﺎﺭﺟﻜﻢ
*ﻋﻠﻲ ﺍﻟﻴﻤﻴﻦ ﺍﻟﻨﺤﻞ ﺩﻩ ﻛﺎﻥ ﻳﻠﻢ ﻟﻴﻜﻢ ﻓﻲ ﺍﻟﻜﺴﻜﺘﻪ ﺩﻱ
*ﻛﺎﻥ ﺟﺎﺑﻜﻢ ﺯﻟﺒﻄﻪ ﺳﺎﺍﺍﺍﺍﻱ
*ﻛﺎﻥ ﻗﺮﺽ ﺍﻟﻜﺴﻜﺘﻪ ﻭﺍﻟﺒﺪﻟﻪ ﺍﻟﺒﺪﻭﻥ ﻛﺮﻓﺘﻪ
*ﻛﺎﻥ ﻗﻄﻌﻜﻢ ﺣﺘﻪ ﺣﺘﻪ
* ﻭﻛﺎﻧﻮﺍ ﺍﺩﻭﻛﻢ ﺳﺘﻪ
*ﺟﺎﺑﺖ ﻟﻴﻬﺎ ﻧﺤﻞ ﻛﻤﺎﻥ !!!!
* ﻧﺤﻞ ﺍﻟﺠﺒﺎﻝ ﻛﺎﻥ ﺟﺎﻱ ﻳﻘﺮﺽ ﺍﻟﻬﻼﻝ
*ﻟﻜﻦ ﺭﺑﻚ ﻣﺮﻕ ﻋﻴﺎﻝ ﺍﻟﻜﺎﺭﺩﻳﻨﺎﻝ
*ﻟﻜﻦ ﻧﺤﻞ ﺍﻻﺑﻴﺾ ﻣﺎﺑﺪﻱ ﺍﻟﺤﻜﻢ ﻓﺮﺻﻪ ﻳﺼﻔﺮ
* ﻧﺤﻞ ﻣﻘﺮﻡ
*ﺑﻌﺮﻑ ﻣﻦ ﺍﻳﻦ ﺗﺆﻛﻞ ﺍﻟﻜﺴﻜﺘﻪ
*ﻏﺎﻳﺘﻮ ﺍﻻﺑﻴﺾ ﺩﻱ ﺍﻻ ﻳﺨﺎﺭﺟﻜﻢ ﻣﻨﻬﺎ ﺍﻟﺒﺎﻋﻮﺽ
*ﻓﺮﻳﻖ ﻭﻻ ﻧﺎﺷﻮﻧﺎﻝ ﺟﻮﻗﺮﺍﻓﻴﻚ ﻳﺎ ﺭﻭﺷﺎ
* ﻧﺤﻞ ﻭﺑﺎﻋﻮﺽ ﻭﺟﻘﻮﺭ
*ﺣﻴﺮﺗﻮﻧﺎ ﻳﺎ ﻓﻄﻮﻣﻪ ﻳﺎ ﺍﺧﺘﻲ
*ﻟﻜﻦ ﺩﺣﻴﻦ ﺍﻟﻨﺤﻞ ﺩﻩ ﻣﺎ ﻣﻦ ﺿﻤﻦ ﺟﻨﻮﺩ ﺭﺑﻨﺎ ؟؟؟؟
*ﻛﺎﻥ ﻛﺪﻱ ﺍﻧﺴﺤﺒﻮﺍ ﺳﺎﺍﺍﺍﻱ
*ﺍﻟﺴﻨﻪ ﺩﻱ ﺟﺎﻳﻪ ﻣﻦ ﻓﻮﻕ
*ﻟﻜﻦ ﺍﻟﻨﺤﻞ ﺑﺎﻟﻎ
*ﺍﺻﻠﻮ ﻛﺎﻥ ﻋﻨﺪﻛﻢ ﻧﻘﻄﻪ ﻓﻲ ﻛﺎﺩﻭﻗﻠﻲ
* ﻭﻋﻨﺪﻛﻢ ﻭﻻ ﻧﻘﻄﻪ ﻓﻲ ﺍﻻﺑﻴﺾ
* ﻳﻌﻨﻲ ﻛﻮﺭﺓ ﺍﻻﺑﻴﺾ ﺩﻱ ﺷﻮﻓﻮﺍ ﻟﻴﻜﻢ ﻟﻴﻬﺎ ﺟﺮﺍﺩ ﻭﻻ ﺣﺎﺟﻪ
*ﻛﺎﻥ ﺟﻴﺘﻮﺍ ﺍﻟﻤﻴﺪﺍﻥ
*ﺍﻟﻤﺪﺭﺏ ﺑﺮﺟﻊ ﻓﺮﻧﺴﺎ
* ﻭﻣﺴﺎﻋﺪ ﺍﻟﻤﺪﺭﺏ ﺑﺮﺟﻊ ﺍﻫﻠﻲ ﺷﻨﺪﻱ
*ﻭﺍﻟﻜﺴﻜﺘﻪ ﺑﺘﺮﺟﻊ ﻋﻤﻪ
*ﻭﻓﻄﻮﻣﻪ ﺑﺘﺮﺟﻊ ﺍﻟﻤﺮﻳﺦ
* ﺑﺎﻗﻲ ﻓﻄﻮﻣﻪ ﺍﺧﺘﻲ ﺯﻣﺎﻥ ﻛﺎﻧﺖ ﻣﻌﺎﻧﺎ ﻓﻲ ﺍﻟﻤﺮﻳﺦ
* ﻗﺮﻳﺖ ﻟﻴﻬﺎ ﺣﻮﺍﺭ ﻋﻠﻲ ﺻﻔﺤﺎﺕ ﺍﻟﺴﻮﺑﺮ ﻃﻴﺒﺔ ﺍﻟﺬﻛﺮ
* ﻣﺮﻳﺨﺎﺑﻴﻪ ﻟﻲ ﺑﻬﻨﺎﻙ
*ﻭﺭﻭﺷﺎ ﻳﺮﺟﻊ ﺍﻟﻬﻨﺪ
*ﻭﺭﻣﻀﺎﻥ ﻳﺮﺟﻊ ﻗﻮﻥ
*ﻭﺍﻟﺠﻮﻫﺮﻩ ﺗﺮﺟﻊ ﺯﺭﻳﺒﻪ
*ﻭﻣﺤﻤﺪ ﻋﺒﺪﺍﻟﻤﺎﺟﺪ ﻳﺮﺟﻊ ﻳﺤﺘﺠﺐ
*ﻭﻳﻜﺘﺐ ﻟﻴﻨﺎ ﺑﻌﺪ ﺩﺍﻙ ﻋﻦ ﺍﺑﻮ ﻋﺮﻙ ﺍﻟﺒﺨﻴﺖ
*ﺟﺴﻤﻲ ﺍﻧﺘﺤﻞ ﺍﻫﻢ ﺣﺎﺟﻪ ﻳﺎ ﻣﺤﻤﺪ ﻋﺒﺪﺍﻟﻤﺎﺟﺪ
* ﻟﻴﻴﻴﻴﻴﻴﻴﻴﻴﻴﻴﻴﻪ ﺍﻟﻨﺤﻞ
*ﻳﺎ ﺭﻣﻀﺎﻥ
* ﻟﻮ ﻣﺸﻴﺘﻮﺍ ﻣﺪﻧﻲ ﻓﻲ ﺍﻟﺨﺮﻳﻒ ﻳﺎﻛﻢ ﺍﻻﻧﺴﺤﺒﺘﻮﺍ
*ﻭﺍﻟﻠﻪ ﻣﺪﻧﻲ ﺩﻱ ﻓﻴﻬﺎ ﺍﺑﻮ ﺟﻨﺪﺏ ﻓﻲ ﺍﻟﺨﺮﻳﻒ ﻗﺪﺭ ﺍﻻﺭﻧﺐ
*ﺍﻻ ﻏﺎﻳﺘﻮ ﺍﻳﻼ ﺩﻩ ﻳﻘﺪﺭ ﻋﻠﻴﻬﻮ
* ﺍﻧﺘﻮﺍ ﺍﺷﺘﺮﻃﻮﺍ ﻋﻠﻲ ﺍﻻﺗﺤﺎﺩ ﻳﺒﻴﺪ ﺍﻟﺠﻨﺪﺏ ﺍﻭ ﺗﻨﺴﺤﺒﻮﺍ
*ﻋﻠﻲ ﺍﻻﻗﻞ ﻳﺒﻘﻲ ﻋﻨﺪﻛﻢ ﺳﺒﺐ ﻣﻨﻄﻘﻲ ﻟﻼﻧﺴﺤﺎﺏ
*ﺍﻳﻬﺎ ﺍﻟﻨﺎﺱ
* ﺧﻠﻮﻧﺎ ﻣﻦ ﺍﻟﻨﺤﻞ ﻭﺍﻟﺠﺮﺍﺩ ﻭﺍﺑﻮ ﺍﻟﺠﻨﺪﺏ ﻭﺍﻟﺠﻘﺮ
*ﺍﻟﻠﻴﻠﻪ ﺗﺘﻮﻳﺠﻨﺎ ﺑﺎﻟﺒﻄﻮﻟﺔ ﺍﻟﺘﻲ ﺣﻘﻘﻨﺎﻫﺎ ﻋﻨﻮﺓ ﻭﺍﻗﺘﺪﺍﺭ
*ﺍﻻﺣﺘﻔﺎﻝ ﺑﺎﻟﺪﺍﺭ
*ﺑﺎﻟﻘﻠﻌﻪ ﺍﻟﺤﻤﺮﺍﺀ ﻣﺎ ﺟﻮﻫﺮﺓ ﺍﻟﻜﺎﺭﺩﻳﻨﺎﻝ
*ﻧﺤﻨﺎ ﻣﺎ ﺑﻨﻐﻠﺐ ﺍﻻﻓﺮﺍﺩ ﻋﻠﻲ ﺍﻟﻜﻴﺎﻥ
*ﺍﻟﻠﻴﻠﻪ ﺍﻟﺘﺘﻮﻳﺞ ﻟﻠﻤﻮﺳﻢ ﺍﻟﻤﺎﺿﻲ
*ﻭﺍﻟﺘﻔﻮﻳﺞ ﻟﻠﻤﻮﺳﻢ ﺍﻟﺠﺪﻳﺪ
*ﺍﺗﻮﻗﻊ ﺍﻥ ﻧﺒﺪﺃ ﻣﻮﺳﻤﻨﺎ ﺑﻌﻠﻮ ﻛﻌﺐ
* ﻧﺘﻴﺠﻪ ﻭﺍﺩﺍﺀ
* ﻭﻣﻦ ﺍﻟﻠﻴﻠﻪ ﻧﺠﺮ ﺍﻟﻌﺮﺑﺎﺕ ﺧﻠﻔﻨﺎ
* ﺍﻟﻌﺮﺑﺎﺕ ﺍﻟﻤﺠﺮﻭﺭﺍﺕ ﻭﺍﻟﻤﻨﺴﺤﺒﺎﺕ ﺑﺎﻟﻘﺎﻃﺮﻩ ﺍﻟﺨﻄﻴﺮﻩ
*ﻧﺠﺮ ﺧﻠﻔﻨﺎ ﻛﻞ ﺍﻟﻌﺮﺑﺎﺕ
*ﻭﻋﺮﺑﺎﺕ ﺍﻟﻨﺤﻞ ﺍﻫﻢ ﻋﺮﺑﺎﺕ
*ﺍﻟﻨﺎﺱ ﺍﻟﻤﻨﺤﻠﻴﻦ ﺩﻳﻞ ﺑﻨﺤﻠﻮﺍ ﻟﻴﻪ ؟؟؟
* ﻧﺠﻲ ﻛﻠﻨﺎ ﻣﻦ ﻋﺼﺮﺍ ﺑﺪﺭﻱ
*ﺍﻧﺎ ﺑﻲ ﻛﺮﺍﻋﻲ ﺍﻟﻤﺠﺒﺼﻪ ﺩﻱ
* ﺟﺎﻱ ﻣﺪﺭﺟﺎﺕ ﺷﻌﺒﻴﻪ ﻳﺎ ﻓﺮﺩﻩ
*ﺣﻴﺚ ﺍﻟﻤﺘﻌﻪ ﻭﺍﻻﺛﺎﺭﻩ ﻭﺍﻟﺸﻄﺎﺭﻩ
* ﺍﻟﻤﺪﺭﺟﺎﺕ ﺍﻟﺸﻌﺒﻴﻪ ﻣﻌﻘﻞ ﺍﻟﺸﻔﻮﺕ
* ﻭﺍﺗﺸﻔﺘﻨﻲ ﻳﺎ ﻧﺤﻠﻪ
*ﺍﻳﻬﺎ ﺍﻟﻨﺎﺱ
*ﻧﺤﻦ ﻓﻲ ﺍﻟﻤﺮﻳﺦ ﺍﺧﻮﻩ
*ﻫﻜﺬﺍ ﺗﺮﺑﻴﻨﺎ ﻋﻠﻴﻬﺎ
* ﻭﻫﻜﺬﺍ ﻋﺸﻨﺎﻫﺎ ﻭﺗﻌﺎﻳﺸﻨﺎ ﺑﻬﺎ ﻭﻣﻌﻬﺎ
* ﺑﺎﻻﻣﺲ ﺣﻈﻴﺖ ﺑﺰﻳﺎﺭﺓ ﻛﺮﻳﻤﻪ ﻣﻦ ﻣﻤﺜﻠﻲ ﺍﻋﻀﺎﺀ ﺷﺒﻜﺔ ﻗﺮﻭﺑﺎﺕ
ﻧﻬﻮﺍﻙ ﻳﺎ ﻣﺮﻳﺦ
* ﺷﻔﻮﺕ ﺯﻱ ﺍﻟﺸﻔﻮﺕ
* ﺯﺍﺭﻭﻧﻲ ﻟﻴﻄﻤﺌﻨﻮﺍ ﻋﻠﻲ
* ﺍﺳﺘﻤﺘﻌﺖ ﺑﻬﻢ ﻭﻣﻌﻬﻢ
*ﻓﻮﺍﻟﻠﻪ ﻭﺟﺪﺗﻬﻢ ﺭﺟﺎﻝ ﻳﺘﺸﺮﻑ ﺍﻟﻤﺮﻳﺦ ﺑﻬﻢ
* ﺷﺮﻓﻮﻧﻲ ﻛﺜﻴﺮﺍ
* ﻭﺟﺪﺩﻭﺍ ﺣﺒﻲ ﻭﺍﻧﺘﻤﺎﺋﻲ ﻟﻠﻜﻴﺎﻥ
*ﻭﻛﺎﻥ ﻣﺎ ﻛﻨﺖ ﻣﻦ ﺯﻱ ﺩﻳﻞ ﻳﺎ ﺍﺳﻤﺎﻋﻴﻞ ﺣﺴﻦ
*ﻛﺎﻥ ﻭﺍ ﺃﺳﻔﺎﻱ ﻭﺍ ﻣﺄﺳﺎﺗﻲ ﻭﺍ ﺫﻟﻲ
*ﻭﻛﺎﻥ ﺍﻧﺘﺤﺮﺕ ﻛﻤﺎﻥ
* ﺷﻜﺮﺍ ﻟﻜﻢ ﺍﺣﺒﺘﻲ ﻭﻧﺠﻴﻜﻢ ﻓﻲ ﺍﻟﺴﻤﺤﻪ ﺩﻭﻣﺎ
*ﻭﺍﺣﺐ ﺍﻟﺮﻛﺸﻪ ﺍﻟﻀﺮﺑﺘﻨﻲ
* ﻻﻧﻬﺎ ﻟﺴﻪ ﺑﺘﺠﻤﻊ ﻟﻲ ﻓﻲ ﺍﻻﺣﺒﻪ ﻳﻮﻣﺎﺗﻲ
* ﻟﻤﺎ ﺗﺒﺮﺍ ﺭﺟﻠﻲ ﺩﻱ
*ﺑﺪﻳﻚ ﻛﺮﺍﻋﻲ ﺍﻟﺘﺎﻧﻴﻪ ﻳﺎ ﺍﻟﺮﻛﺸﻪ
*ﻭﺑﻤﻨﺎﺳﺒﺔ ﺍﻟﺮﻛﺸﻪ
* ﻃﺒﻌﺎ ﺩﻗﺸﺘﻨﻲ ﻓﻲ ﺷﺎﺭﻉ ﺍﻟﺰﻟﻂ ﻣﻘﺎﺑﻞ ﺑﻴﺘﻨﺎ
*ﻭﺑﻴﺘﻨﺎ ﻓﺎﺗﺢ ﻋﻠﻲ ﺍﻟﺸﺎﺭﻉ
* ﻭﺍﻟﺸﺎﺭﻉ ﻣﺎﺷﻪ ﻓﻴﻬﻮ ﺍﻟﺮﻛﺸﻪ
*ﻭﺑﻴﺘﻨﺎ ﻓﻴﻬﻮ ﺩﻛﺎﻛﻴﻦ
* ﺍﻭﻝ ﻣﻦ ﻭﻗﻌﺖ ﻓﻲ ﺍﻟﺰﻟﻂ
* ﺍﻭﻝ ﺣﺎﺟﻪ ﺟﺎﺗﻨﻲ ﻓﻲ ﺑﺎﻟﻲ
* ﺍﺳﻲ ﺍﻟﻨﺎﺱ ﺩﻳﻞ ﻣﻊ ﺍﻟﺪﻛﺎﻛﻴﻦ ﻭﺍﻟﺰﻟﻂ ﺩﻩ ﻳﺴﻮﻭﺍ ﺍﻟﺼﻴﻮﺍﻥ ﺩﻩ
ﻭﻳﻦ !!!!
*ﺍﻳﻬﺎ ﺍﻟﻨﺎﺱ
*ﺍﻟﻠﻴﻠﻪ ﻧﺠﻲ ﻛﻠﻨﺎ
*ﻋﻠﻲ ﺍﻻﻗﻞ ﻧﻘﺪﻡ ﺑﺎﻟﺪﺧﻞ ﺩﻋﻤﺎ ﻟﻤﺠﻠﺴﻨﺎ
*ﺍﻟﺪﻋﻢ ﻻﺯﻡ ﻳﻜﻮﻥ ﻛﺒﻴﺮ
*ﻭﻧﺴﺎﻧﺪ ﺍﻭﻻﺩﻧﺎ
*ﺍﻟﺴﻨﺪ ﺩﺍﻳﻤﺎ ﻫﻮ ﺍﻟﺠﻤﺎﻫﻴﺮ
*ﻧﺴﺘﻤﺘﻊ ﺑﻲ ﻛﻮﺭﺗﻨﺎ
*ﻻ ﻳﻠﻐﻴﻬﺎ ﻓﺎﺭ ﺟﻘﺮ ﻛﺒﻴﺮ
* ﻭﻻ ﻧﺤﻞ ﺑﻄﻴﺮ
*ﻛﻠﻨﺎ ﻳﺎ ﺷﻔﻮﺕ
*ﻭﺑﺴﻢ ﺍﻟﻠﻪ ﺍﺑﺘﺪﻳﻨﺎ
*ﺍﻳﻬﺎ ﺍﻟﻨﺎﺱ
*ﺍﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
* ﺍﻫﺎ
* ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
* ﻭﺍﻟﻴﻨﺎ
*ﺩﻩ ﺷﻨﻮ ﺳﻌﺮ ﺍﻟﻐﺎﺯ ﺍﻟﺠﺪﻳﺪ ﺍﻟﻌﻤﻠﺘﻮﻫﻮﺍ ﻟﻴﻨﺎ
*ﺿﺮﺑﺘﻮﺍ ﻓﻲ ﺗﻼﺗﻪ ﻃﻮﺍﻟﻲ ﻳﺎ ﻭﺍﻟﻴﻨﺎ !!!!
*ﻧﺤﻨﺎ ﻋﺎﺭﻓﻴﻦ ﺍﻟﻠﻪ ﻓﻲ ﻭﺍﻟﻠﻪ ﻭﺍﺣﺪ ﻳﺎ ﻭﺍﻟﻴﻨﺎ
* ﺷﻨﻮ ﺍﻟﺪﺍﻳﺮﻳﻦ ﺗﺜﺒﺘﻮﻫﻮﺍ ﻟﻴﻨﺎ ؟؟؟
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﻟﻤﺎ ﺟﺎﺭﻧﺎ ﻗﺎﻝ ﻟﻲ ﻣﺮﺗﻮ ﻣﺪﺭﺩﻣﻪ ﺯﻱ ﺍﻧﺒﻮﺑﺔ ﺍﻟﻐﺎﺯ
ﺍﻟﻜﻠﺐ ﻗﺎﻝ ﻟﻴﻬﺎ ﺑﺨﺘﻚ ﻗﺼﺪﻭ ﻳﻘﻮﻝ ﻟﻴﻚ ﻳﺎ ﻏﺎﻟﻴﻪ
ﻭﺍﻟﻲ ﻟﻘﺎﺀ
ﺳﻠﻚ