أطلع برة

[CENTER][B][SIZE=5] أطلع برة [/SIZE][/B][/CENTER] [SIZE=5] * بعد الشفناهو أمس ده.
* ياربى دلاكتها عملت شنو؟؟؟
* تشيل وتكضب.
* لما العروس طلعت للحضور.
* كان الهتاف أطلع برة.
* أمس القريبة دى كتبنا ليكم عن الجماعة.
* وأعلام الجماعة.
* وقلنا ليكم شكارتها دلاكتها.
* أها.
* الكلام ده كان فى عمود أمس.
* فى واقع العصر طوالى.
* فى نفس اليوم.
* أنكشفت الحقيقة.
* الناس شافت العروس.
* العروس البتشكر فيها دلاكتها.
* ككو بس.
* قادة عربى وأنجليزى كمان.
* والشعر فوق الأضان.
* الحال مازين.
* مع أول رقصة وقعن حاجات أبومرين.
* ما أصلى.
* تامنو موية.
* الحاجت القلنا عنها أمس تدور المربع وتربع المستطيل.
* وتسطل الدائرة.
* وحرج شديد أدخلت فيهو العروس دلاكتها.
* الناس يعاينوا للعروس.
* يحتاروا.
* يقبلوا على دلاكتها.
* دلاكتها تدنقر فى الواطى.
* خجلانى.
* تعضعض أضافرينا.
* ياربى دلاكتها الليلة كاتبة شنو؟!
* تكتب شنو بعد الجمهور قال كلمتو.
* وهتفت جماهير الهلال.
* أطلع برة.
* أى لاعب من ناسهم هتفوا ليهو أطلع برة.
* كوليبالى جاتو وداها كوبرى جامعة السودان.
* وهتفت الجماهير.
* كوليبالى يا الفى بالى أطلع من بالى أرجع مالى أرجع طوالى.
* أطلع برة.
* وارقو دخل.
* هتف الجمهور أطلع برة.
* أساساً هو كان طالع.
* بره الشبكة.
* أما التدريب فكان نصيبو أطلع بره بره بره بره.
* وأكتشف الجمهور أن أعلام شكارتها ليس ألا شكير دلاكتها.
* وأذا أراد الهلالاب الشرفاء الحقائق عن فريقهم.
* عليهم بأخذ الحقائق من اعلام المريخ.
* ماشين بى حافلة.
* هى أصلها قطر ولا المحيريبة؟!!
* وين المسيمير ووين الهلال يبهر العرب؟
* دلاكتها.
* بالغتى عديل.
* ولا أستبعد اليوم تبرر دلاكتها بمبررات واهية.
* الشبط أتقطع.
* العروس مرهقة عشان كدة طلعت شاحبة.
* أرضية السباتة كانت خشنة.
* الحنة زلقتها.
* قطيعة عسمت رقبتها.
* بالغتى يا دلاكتها.
* المهم.
* جناح الزعيم العالمى بمعرض الخرطوم قالوا رائع.
* ولكنى لم أسمع بتمثيل للمرأة المريخية فى المعرض.
* لماذا؟؟؟؟؟؟؟؟
* نحنا أيها الناس مايميزنا عن غيرنا أننا أسر وعوائل.
* وأسرة تظهر من غير المرأة ما ممكن.
* نتمنى تدارك الأمر بسرعة.
* فبنات سيدة فرح يشرفننا ويزيدن ألق العالمى تألقاً.
* أيها الناس.
* القيادة العامة أمس أجتمعت للتنظيم لمعركتى أهلى عطبرة وكمبالا.
* قبل الأجتماع كان الحضور مشرفاً.
* وعلمنا بانهم أعدوا نوباتهم(كرت).
* النوبات فى الشيخ حمدالنيل.
* ومدد يا شيخنا يا حمدالنيل.
* حمد فيها تلاتة حروف ونيل تلاتة حروف.
* تلاتت حمد ياخدها الأكسبريس.
* وتلاتت نيل ياخدها كمبالا.
* والنيل فيها خمسة.
* ياخدوها ناس شكارتها أن شاء الله.
* المهم.
* الكورة فى ملعب الجماهير.
* ولجانهم تنظم وتعد العدة.
* يجب ان نكون عالميين قدر فريقنا.
* يجب ان نتحرك زحفاً لنيل جميع النقاط.
* ولا نقطة ما تنقص.
* النقيصة نخليها لى دلاكتها وشكارتها.
* معقولة.
* باروكة تقع فى نص الحفلة؟؟؟
* أتاريهو كلام دلاكتها عن الشعر السال منو الذهب.
* طلع ساكت كضب.
* دائماً ده حال الزيف.
* حقنة تفتيح اللون ما بتبقى ليك لون أصلى.
* ولا بتبقى ليك وطن.
* وزراعة الكلى ليها عمر خليها زراعة صوفتين سيدن مت بتين مافى زول عارف!
* هو سيدن مات العايشات ليها شنو الصويفات؟!
* شكارتها.
* أنطمى عليك الله وأطلعى برة.
* أها.
* نجى لى شمارات والى الخرتوم.
* الليلة يا والينا ماشايتين عليكم.
* شايتين علينا.
* نحنا شعب ما بعرف يسوق(قيادة).
* من أقصى الشمال نجيك كابسين يمين لمن تعرف حاجى.
* ولو سألتنا نتنفش.
* ونقول ليك:أنا بسوق من زمن جوز الحمام تلاتة فرد داير تعلمنى السواقة أنت؟!
* أنا بسوق من زمن الخواجات كانوا فى أنجلترا داير تعلمنى السواقة أنت؟!
* بسوق من زمن لاءات الخرطوم التلاتة كانن أطناشر دايرتعلمنى السواقة أنت؟!
* بسوق من زمن الزول بخش السوق وبطلع منو ماشى ووراهو تلاتة
شايلين الخضار داير تعلمنى السواقة أنت؟!
* بسوق من زمن المستشفى بدى الناس(العيان ومرافقه)اللبن أجبارى داير تعلمنى السواقة أنت؟!
* بسوق من زمن البلد دى فيها ستة عربات داير تعلمنى السواقة انت؟!
* داير تعلمنى السواقة انت فى زمن المسئول بجن قدامو سطاشر عربية؟
* والواقع يا والينا بقول أنو لما البلد دى كانت فيها عربيتين حقات السيدين أتداقشن.
* يعنى ما كان فى مهارة قيادة الوكت داك يا والينا.
* عشان كدة يا والينا.
* وحفاظاً علينا.
* شددوا علينا.
* حكاية النظرى بتاع الرخصة دى بتحافظ علينا.
* بس ما تقصروها على الرخص الجديدة.
* أى زول بيجى يجدد رخصتو يمتحن نظرى.
* الناس دى ماعارفة الخط المتصل والخط المتقطع والخطين المتصلين المتوازيين بيعنوا شنو!!
* ديل يا والينا بيتخطوا داخل الكوبرى وماشين بى نور طويل!!
* حاجة تانية يا والينا.
* حكاية الرخصة العامة ما كفاية لى زول بسوق بص سفرى.
* العقل ضرورى.
* عشان كدة أشترط أربعين سنة مثلاً للداير يسوق سفرى.
* مع كشف عند تجديد الرخصة للكحول والمخدرات والمؤثرات العقلية فى دم طالب تجديد الرخصة.
* السواقة الشايفنها دى ما سواقة زول براهو!!
* كملنا يا والينا فى الزلط الممدد فى الخلا دون رقيب ده!!

سلك كهربا

* ننساك كيف وفى اليوم بنفطس فى الزلط زى الجراد
والى لقاء**********سلك
لن ننساااااااااااااااااااااااااااااااااااااك
[/SIZE]

في السلك – بابكر سلك