جارين خمسين غلط

> ضربة العقرب > أو عملية يتشقلبون > لي اسي مدورة الكسكته ومستشارنها الستة > ومستشارين الكسكتة الستة هم > روشا والرشيد وفاطمة الصادق وفطومة اختي والناطقة والمنسقة > كده ستة > عملية يتشقلبون شقلبت عقولهم > بقوا يسجلوا عشرة عشرة > ويشطبوا عشرين عشرين > يجيبوا المحترفين > قبل نهاية الدورة الاولى يطردوا المحترفين > في اربعة شهور جايبين اربعة مدربين > غايتو عملية يتشقلبون شقلبتهم شقلبة > الروماني الما حاضر يتشقلبون اتشقلب معاهم > رفض النيجيري وقال ده منو الجاب الزول ده؟ > تاني يوم اتشقلب وقبلو > لذا يحاول مجلس الهلال باي شكل خداع جماهير الهلال > داير يعمل من موضوع شيبوب بطولة > وهم عارفين انو الموضوع ما بنسيهم شقلبة العقرب > ناس خالد عز الدين الما بحبوا المريخ حبوا شيبوب > وقايلين روحهم جرونا خمسين > وين يا عمك ورقكم زايد > ونزولكم ناقص > الخمسين غلط > أرفع ورقك واكتب ليهو خمسه وخمسين > بالمادة خمسة وخمسين > جريتوا الخمسين غلط > رفعناكم ورقكم وقافلين نطقطق > اجدعوا البايظ > لو رميتوا كسكتة خمسين > جوكرين وكرت حايم ساااي > جوكرين كلو واحد فيهما اعقرب من التاني > اجدعوا البايظ ان شاء الله مهاجم شاب > عشان تعرفوا الخمسين بجروها كيف > لو جدعتوا طرف الفنيلة > تسمعوا شووووو > الف > وتحرقوا يا خالدونا > ايها الناس > الزول ما بسجل بالملوة > لأنو في التسجيل بالملوة اعتراف بانعدام المواهب وخلو الكشوفات > لعيبة زي العيش > تسجلوا بالملوة!!! > وأريت الملوة لو حبة وعبوة > لملمتوا ساااي يا روشا > ضروهو اول > الملوة نصها ورتاب ساااكت > لكن تعالوا شوفوا تسجيلاتنا > ونحنا في افلس حالاتنا > بنشيل وش الملاح > اول يوم اشوف زول يغرف اول يغرف من تحت > قلنا ليكم الما بتعرف ما تدوها تغرف > اها غرفت اول من تحت وخلت لينا وش الملاح > المهم > اخبار كاش نفرة القصر شنو؟ > لسه زي شوبش صاحبي بي وضع ولا حصل دفع؟! > المهم > مافي زول مضروب علي ايدو > الماداير يدفع ما يدفع > لكن على لجنة التسيير اعلان منو الدفع ومنو القشر ساي وشتت > واذا ما ورونا > بنفترض انهم قبضوا مبلغ النفرة كاملاً > ايها الناس > نحن في بلد بعيدة خلاص > نقاتل من دون الوطن وحدنا > ويقبع داخل الوطن غيرنا > ولأننا رجال > لا يخيفنا النضال > ولا نهاب النزال > لأننا رجال > نتمنى عند عودتنا ان تزغرد النساء ويصفق القاعدون عن النزال ويهتف الناس > رجال غابوا وجابوا > يمكن خالد عز الدين يعلنها ويحب المريخ > لكن حباهو ولا ما حباهو > يظل المريخ رقماً يصعب الوصول اليه > ويظل الهلال صفراً تبدأ به أرقام الهواتف النقالة > يجوا عايدين اولادنا متأهلين يا الله > وقتها بكون فضل للتكميلية يوم > صدقوني ناس الكسكتة حايشطبوا كل الصلع زعل ساي، ويسجلوا صلع جديده غيرها > يا روشا سادومبا !!! > معقولة!!! > طيب قاقارين والدحيش موش كانوا افيد؟؟ > ايها الناس > لا نريد محترفين على شاكلة كريم الحسن > الكلام ليك يا المنطط عينيك > ولا نريد محترفين من نوع تلاتة بي الف زي البجيبوهم لأبو كسكتة ديل > دايرين زي ايداهور يا زول > ايها الناس > تحت شعار لن ندعك تسير وحيداً > وصل شفوت التعبئة ورابطة سوق ليبيا وتجمع الروابط للمغرب قبل وصول الفريق زاتو > الشفوت الهنا عليهم الدعاء > عشان نجي بي نتيجة توري خالد المريخ بحبوهو كيفن > أيها الناس > إن تنصروا الله ينصركم > اها > نجي لي شمارات والي الخرتوم > كان شفت يا والينا > اتنين بتاعين بحر من أهلاً لينا > جو ماشين في الشارع عطشانين ومسخنين يا والينا > شافوا سبيل معمول للخير في المحطة علي يمينه > جروا عليهو يا والينا > لقوا فيهو هناي صلصه يا والينا > الاول ختفوا وملاهو لكن اتفاجأ بالجنزير قصير والماء عديل ما بنشرب لينا > قال ياخ الربط هناي الصلصه ده منو علينا > التاني قال ليهو اشرب ساي يا اخينا > والله هناي الصلصه ده لو ماربطوهو كان باع الزير علينا سلك كهربا ننساك كيف والكلب قال اتبرمجنا جنس برمجه والى لقاء. سلك