لازم نكون
> عدم حب خالد عزالدين للمريخ الليلة لازم يتضاعف > نتأهل كيتاً على أي زول ما بحنا > نجبر الذين لا يحبون المريخ على إعلان كرههم للمريخ > محبة يا خالد ما فيها الحبة > فحبكم الكبير لازال صفراً يحبو > ايها الناس > نتأهل ونمشي لي قدام > باقي عندنا راي > ونضمن البعد في الموسم الجديد عن التمهيدي > لكن ما احترمتوا ساسا يا فطومة > راجل كبير في العمر ده تبشتنوهوا في التمهيدي!! > المهم > بالفي بالمافي لازم نلحق الكوكب خور اولاد القذافي > ايها الناس > اي زول عندو رقم وطني مفروض الليلة علي اقل تقدير يحبنا > لانو المابحبنا الليلة تبقى حركتو جبانة وما حركة وطنية > وما بنسمح ليهو تاني يتكلم عن الحركة الوطنية > حبنا هو الحركة الوطنية ياناس > بتحبنا ولا ما بتحبنا يا خالدونا؟ > خلاص رجع الرقم الوطني وكمل حياتك في اديس شجع سانت جورج او عيش في اسمرا وشجع التحرير الاريتري الجاكم منو يوهانس > لكن في البلد دي بدون حب المريخ ما ليك مكان > الاخوة الاهلة الشرفاء > من هنا ولي قدام > الداير يشوفنا يجيب ليهو ديكودر بتاع البي ان سبورت > غير كده لا نلاقيهو لا يلاقينا لانتلاقي لا نتلم > والماداير يشوفنا وفر لينا > المشتهي الزنيطير يطير > ايها الناس > الدعاء من اسي ولي بعدين > اكيد مستجاب > نغلب وااااحد بس يجيبو بكوري > عشان كردنة تاني يسجل خمسة وتلتين > ده كشف ولا مصلحة احصاء > المهم > بتسجيل نمر وعاطف وقبلهم تسجيلات اول يوم وتقنين وضع الوك > تكون لجنة التسيير قد ادارت ملف الانتقالات بنجاح كبير وبدون اعلام > والغريبة لو لسه نفرة القصر ما استلموها > نفرة القصر لو بقت بنشر > تبقى فعلاً رفع المعاناة عن كاهل الجماهير > سبعة وعشرين سنة بنسمع بيها > وانحنى كاهل الجماهير من فرط المعاناة > المهم > خيراً فعل المجلس بإعادة شمس الفلاح > ويكون احسن لو استفدنا من خانتو > الولد مستواهو ما قدر عكننتو دي > قطر عجيب > فالذي يخرج من القلوب يجب ان يخرج من الكشف > ولا اري في قلوب الشفوت صورة لهذا المعكنناتي > لاعب يرفض ان يكون في كشف الرديف مع استمرار وضعه بالفريق الكبير > الولد ده ما عارف انو جمال سالم وبخيت خميس في الرديف؟ > المهم > اليوم نكون بإذن الله وبفضله > نكون ليكون السودان حضوراً في المجموعات > نكون لنرتقي بتميزنا > نكون لنثبت مقولة > إن تقلها تموت > وان لم تقلها تموت > قلها وموت > المريخ لن يمت > آها > نجي لي شمارات والي الخرتوم > كان شفت يا والينا > والنور قاطع علينا > والموية ما بية تجينا > والدنيا ضلمت علينا > انتوا القمر وين يا والينا؟ > المهم قلنا نلعب يا والينا > لياقة ما في ما بنقدر على حرينا > الرمة والحراس ما بتتلعب لينا > كترن الرمم علينا > قمنا قطعنا لعبة من راسنا يا والينا > تجاوب سؤال تمشي لي قدام مدينة > البداية الخرطوم والنهاية بورتسودان يا والينا > واحد بسأل فينا > وواحد جاوب وصل بتري يا والينا > وواصل المسيد الكاملين الحصاحيصا وصل بينا > السؤال البودي مدني كان يا والينا > دي سخانة نصاح يا اخينا؟؟ > جاوب ابدا ما سخانة نصاح > اجابة صحيحة لو عايز تنزل مدني وتشيل مية جنيه او تواصل معانا وتجاوب لينا > قال بواصل ..المية شيء ما بتعمل لينا > خلي بالك من السؤال وما تقول لي عيدو لينا > قدر ما ياكلوا ونقول شبعوا اصلوا مابشبعوا تاني بياكلوا.. من هم هؤلاء القوم جاوب لينا > سمعنا ورانا صوت سارينا > عابرة ساي ماعندها شغلة بينا > صاحبنا دنقر وصنقع وقال > نزلني مدني سلك كهربا ننساك كيف والكلب ضحك لمن قرقر لما سمع نزلني مدني والي لقاء سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
yalla ya masoooooora bala marriekh bala lamma maaak