سياسية
طائرات منظمات تخترق المجال الجوي السوداني والجيش يهدِّد بإسقاطها
قال الجيش السوداني، إن أجهزة المراقبة الجوية رصدت في يومي 17 و20 مايو الماضي، اختراقاً للمجال الجوي السوداني من قبل طائرات تتبع لمنظمات دولية وإقليمية دون الحصول على إذن مسبق، معلناً أنه سيسقط أي طائرة لا تتبع الإجراءات السليمة.
وأبان المتحدث الرسمي باسم الجيش السوداني، أحمد خليفة الشامي، في بيان له أن الاختراق تم من طائرات من طراز “يوشن 76” وهو يعد انتهاكاً صارخاً لسيادة الدولة، ومخالفة صريحة لكل الأعراف والمواثيق والقوانين الدولية التي تنظم حركة الملاحة الجوية .
وأكد أن القوات المسلحة السودانية، ستتعامل بكل حسم مع أي طائرة لا تتبع الإجراءات السليمة للحصول على التصريح والإذن المسبق، باعتبارها هدفاً جوياً مشروعاً.
شبكة الشروق
هههههه متين اتعاملتو بحسم .؟؟؟؟؟ والله لو دخلو القصر الجمهوري ما تجيبو ليهم خبر؟؟ هسه ده كلام تقولو؟؟؟ طيارة تدخل المجال الجوي يوم 17 مايو ويا دوبك عرفتو وبديتو تصرحو الله يرحم السودان!!!
كان اسمها السودان!!! ويا قلبي لا تحزن
قلنا مشيتوها المرة الاولى التانية اسقاط دا العرف العسكري
وانتو يا كافي البلاء تشيلو وتلصقو ساكت الطائرة طائرة نقل روسية تعرف بالانجليزية (Ilyushin 76) وتختصر (IL-76)
وتكتب بالعربية إليوشين 76 بالهمزة وعليها كسر الصحفي المسكين راح لصقها يوشين مفتكر الالف واللام اداة تعريف زائدة يعني بالواضح كدا
لو شبكة الشروق بعينو بالواسطات انتو يا ناس النيلين بيقيتو اسوأ منهم.
التطور لا حكر والعين الحمراء حقت الزول الحمش حراسنا قادرين علي ردع المتربصين بالوطن.
(( طائرات منظمات تخترق المجال الجوي السوداني والجيش يهدِّد بإسقاطها))……… كان من المفروض أن يتم التعامل مع هذه الطائرات مباشرة بإسقاطها بدون إعلان ذلك من القوات المسلحة ، حتى تعرف تلك المنظمات أن تحترم القوانين والأعراف الدولية،
وأن المسألة ليست فوضى .وقالوا ” السواي ما حدّاث” ، لذلك الضرب في المليان بدون تحذير إذا تعدت تلك الطائرات الأجواء السودانية مرة أخرى، ولا نامت أعين الجبناء.
(( طائرات منظمات تخترق المجال الجوي السوداني والجيش يهدِّد بإسقاطها))……… كان من المفروض أن يتم التعامل مع هذه الطائرات مباشرة بإسقاطها بدون إعلان ذلك من القوات المسلحة ، حتى تعرف تلك المنظمات أن تحترم القوانين والأعراف الدولية،
وأن المسألة ليست فوضى .وقالوا ” السواي ما حدّاث” ، لذلك الضرب في المليان بدون تحذير إذا تعدت تلك الطائرات الأجواء السودانية مرة أخرى، ولا نامت أعين الجبناء.
والله يا أخوانّّا السودان ما ناقص مشاكل تنعكس على حياة الشعب وفي شئ ما ليه يد فيه، إذا كانت طيارة تابعة للأمم المتحدة ترسلوا ليها طيارة مقاتلة لحدي ماتنزل، وتشوفوها شايلة شنو وبعدين إتصرفوا ىالتصرف الصحيح ولو شايلة أي شئ غير تابع للأمم المتحدة يتم مصادرته مباشرة ولكن بعد توثيق العملية صورة وصوت مع المسؤولين عن الطيارة. والحاجة التانية لو كانت طائرة تابعة لأي منظمة لا تتبع للأمم المتحدة دي جيبوا خبرها طوالي ، لأنها حتماً شايلة مصيبة للبلد جواها.
الخوف يجيبوها ضقلا يكركب وتقع ليها في بيت ناس مساكين ..عليكم الله خلوها تمش. .بدل تكتلوا ليكم أرواح بريئة.
تهديدكم قوي سيح ركب الطيارات وامكن تقع براها من عينكم الحمرها – زي ماهددتو مصر بالشكوي بخصوص حلايب – مصر كاتلها الخوف وامكن تجيب ليكم حلايب بزفة عشرة بلدي لحدي عندكم وتختها في جيبكم
الطائرة في الصورة المرفقة مع الخبر من النوع البدون طيار وبجي بالليل وقت صلاة العشاء وانوارها بتكون مطفية وما بتكون براها.. عليه اتوقع سفر بشة واللمبي وجميع الضبان الكبار لاداء عمرة رمضان والعلاج في الخارج وحدوث زحمة ضبانية في صالة مغادرة كبار الزوار ….. اما الطائرة المذكورة في الخبر فهي طائرة نقل روسية والسؤال هو ركت وين وحترجع متين وهل هناك احتمال تكون طائرة امريكية او صهيونية متنكرة واذا حلقت هذه الطائرة بسرعة منخفضة وعلو منخفض فوق الخرطوم فهل يمتلك بنو كوزقاع وعساكرهم الرجالة و الجرأة والشجاعة لاسقاطها ام ان فلاحتهم على الطلبة والمتظاهرين العزل وكش ستات الشاي المسكينات
بكل اسف الجماعة لم يكتشفو الاختراق الي بعد فوات الأوان بعدما مدتهم دولة صديقة بأن مجالهم الجوي مفتوح لكل من هب ودبة خصوصاً في جنوب كردفان والنيل الازرق والشمالية ياوزير الدفاع جاي تهدد بعد اكثر من اسبوع او شهر من الحدث احسن شيء كان لاتذكر الامر امشو شوفو ليكم قمري ولا حمام اسقطو من الجو