الدبارة كييييف!!!

> الوضع في فريق الكرة المريخي صعب شديد > ايقافات واصابات وعدم جاهزية > واياً كان السبب يجب معالجته بوعي واصرار واللحاق بالركب > شخصياً ضد اليأس والرمي بالراية وفقدان الأمل في الدوري > واذا كان الاهلة يتشدقون بفارق النقاط > فراعي الضأن في الخلا يعلم كيف اتى الفرق > في مباراتهم ضد اهلي شندي نقض الحكم براية شقيق مدير الكرة الهلالي هدفاً تعادلياً وصحيحاً وجميلاً لاهلي شندي > اخصم نقطتين > في مباراتنا ضدهم صهين الحكم كعادته عن ضربة جزاء صحيحة لصالحنا نتجت عن كعبلة وردم النعسان > اخصم نقطتين وزيدنا نقطة > فرق ايه البتكلموا عليه > اثق في المريخ لاني اجزم بأن الممتاز جميع فرقه في احسن حالاتها لا تستطيع منافسة المريخ في اسوأ حالاته > نقض هدف صحيح في مباراتنا في كادوقلي > زيدنا نقطتين > فقط نضمن تحكيماً نزيهاً > والحتة دي بحسمها المجلس > موش تحكيم نزيه في مبارياتنا بس > بل تحكيم نزيه في مباريات فريق الحكام ضد باقي الاندية > كفاية مهازل وتبريرات فطيرة وخميرة > برا يخطئ ولا يظلم برا كمونية > وامنياتي ان يصدر مجلسنا في هذا الشأن قراراً يهز به اركان الكاف ذاتو حال اي محاباة من الحكام لفريقهم او ظلم يقع على فريقنا > وشخصية الفريق يا مجلسنا الموقر يكتسبها من مثل هكذا قرارات قوية ومحقة > وعلي مجلسنا الهمام ان يعلم بان المسكنة ما حبابها > فلقب الصفوة اصبح لا يليق بالشفوت بعد ضاقوا طعم الشفتنة > وشعار الانصار > يا نتشفتن يا نتبشتن > الا تكفينا بشتنة التحكيم لينا يا ناس! > المهم > علي المجلس ان يعلم ان الشفوت على المدرجات لم يفقدوا الامل بعد > وعلي اللاعبين ان يعلموا ان الاداء بغيرة واصرار هو المطلوب > وعلي الجهاز الفني ان يعلم اننا نحترمه جل الاحترام ولكنه ليس بقامة المريخ ولا بقامة طموح اهل المريخ وان كيسهما فاضي > اي زول ممكن يدخل اليوتيوب ويكتب آخر التدريبات بتجيهو طوالي > لكن العقلية التدريبية بالطيارة ما بتجي > نشكرهما كثيرا ونتحسر بكل وضوح على مريخ غرزه وايام غرزة ونتقالد ونبكي > لا يهزم المريخ ويهده الا المريخ > ايها الناس > لا للاستسلام > اما تنافس شريف > او رياضة جماهيرية كلنا نجري وعلي الارض السلام. > المهم > المريخ يحتاجنا جميعاً > مجلس وشفوت > حقو ما نعاملوا معاملة النسابه ونعمل الواجب وبس > حقو نحس بيهو عشان نطرد النحس الفيهو > عشان نتحدث عن حاضر وعن مستقبل > ونستنا كلها بقت تتذكر لمن وتتذكر لمن وتتذكر لمن > ايتها اللجند > يا لجنة التسيير > جابسون مالو؟ > عاطف الغزالة مالو؟ > مدرب بقامة المريخ مالو؟ > لو عاد غرزة مالو؟؟ > ايها الناس > ان تنصروا الله ينصركم > اها > نجي لي شمارات والي الخرتوم > كان شفت يا والينا > سألنا روحنا ليه طوالي ماكلين نيم يا اخينا > واحد بتاع بحر قال لينا > موش الشعار نأكل ممانزرع قالوا لينا؟ > قال خلاص الناس ديل كلامهم صادق لدينا > زرعتوا شنو غير النيم قولوا لينا؟ > سكتنا يا والينا سلك كهربا ننساك كيف والكلب قال النيم كويس في الشجر بطير الباعوض وفي البطن بطير الملاريا وفي الشارع بطير ناس والى لقاء. سلك