إن في الصمت كلاماً

> الملاحظ للجنة التسيير يجدها صامتة على غير عادة مجالسنا المتعاقبة > يمكن خلوا خفة الخشم > ويمكن ما عملوا شيء عشان كدة ما عندهم كلام يقولوهو > ولكن المتتبع للاحداث عن قرب > يجد ان في صمت لجنة التسيير كلاماً > الناس ديل شغالين صامت > وما احلي الصمت مع الانجاز > لكن شغالين دي لا تشمل كل القطاعات > هناك قطاعات لازالت بره الشبكة > ما مفعلة > زي القطاع الثقافي يا هاشم الزبير > فنحن في انتظار اسبوع المريخ الثقافي > الذي تتنافس فيه اندية المريخ في جميع السودان ثقافياً على مسرح المريخ > لنجمع شمل مريخاب السودان > ولنفعل العلاقات بين الاب وابنائه بالولايات > وهناك قطاعات موقفها صعب مثل قطاع الناشئين > موضوع اعادة تأهيل الاستاد ماشي كويس > وموضوع فريق الكرة ماشي كويس الا من بعض الهنات البسيطة > وموضوع اكمال صيانة النادي وقف ليه يا بصري ويا حجوج! > ايها الناس > الزعيم يحتاجنا جميعاً > ويحتاج لاستثمار واستنفار جهودنا > ولا يتم ذلك الا عبر القطاعات > فهل وضع رئيس اي قطاع خطة وهدفاً وجدولاً زمنياً؟ > المريخ كبير بابنائه > ويعتمد عليهم في حمايته وصيانته والدفاع عن كرامته > الاسبوع الفات المدعوم في الاوف يا ميزو > عشان كده لا شفنا اخطاء تحكيم ولا سمعنا نغمة فشل التحكيم > الاسبوع ده حا نشوف العجب > ويوم الجمعه حانسمع جنس مديح… جنس مديح > صلي الله عليك يا حبيب الله > مدح الرسول الكريم مابناباهو > لكن عملتوها واضحة > ايها الناس > صائد البطولات اليومين دي مشرك لي تذكرة العودة > يا ربي حايصيدها علي ياتو خطوط؟ > وهل سيحضر دعم مستشفي الفاشر ولا بفحط قبل ذلك الحدث الفريد؟ > بالمناسبة > مستشفي تندلتي يحتاج للدعم السريع يا كردنة > يحلموا بدعمك كرجل بر واحسان ولا الا يدخلوا الممتاز؟ > فالملاحظ ان شروط البر المتعلق بصيانة المستشفيات والاحسان اليها يتعلق بوجود فريق من منطقة المستشفى بالممتاز > غايتو ناس مستشفى الوالدين بختهم > يوم كورتنا مع الهلال جاياهم صيانة تتلتل > ايها الناس > فاز الزمالك على الاهلي بثلاثية > وتشكيلة الزمالك فيها معلم واحد هو شيكابالا > فتسبب في هدفين لفريقه > ولكن الزمالك استفاد من عنكبية مهاجمه الذي احرز الهدف الاول بالعضل والسرعة والاصرار > وتسبب في طرد مدافع الاهلي بشفتنة > وختاها للمدافع الآخر من الدقيقة سبعة > الزول يشبه عنكبه للحد البعيد > يبقي توظيف عنكبة التوظيف الصحيح للاستفادة من قوته وسرعته يفيد الفريق كثيراً > حقو جهازنا الفني يشغل شريط مباراة الزمالك والاهلي ويخت عنكبة يقولوا ليهو شوف الزول ده بعمل في شنو واعمل زيو > صدقوني سنشاهد عنكبة غير > لكن حقيقة نحتاج لشيكابالا حقيقي يصنع اللعب والفارق > وحقو من اسي نفتش على شيكابالتنا > فأي تشكيلة تحتاج لمعلم واحد او اتنين > وبقية التشكيلة طلب يناولوا الطوب > ووقتها ننتصر بسهولة على اي فريق > اتنين معلمين الطلب في يا مجلسنا > ايها الناس > ان تنصروا الله ينصركم > اها > نجي لي شمارات والي الخرتوم > كان شفت يا والينا > طارت لينا > لا عارفين نتعايش مع الباعوض يا والينا > ولا الضبان مخلينا > ولا قادرين نفارق البلد الاتكست بي طينها > طارت لينا والدرب في الموية راح لينا يا والينا سلك كهربا ننساك كيف والكلب قال اريتني لو مرقت مع اولاد عمي اسي ادوهم الجوازات وبطاقات العلاج المجانية في جمعية حقوق الكلاب الوطنية الاجنبية.. ونحنا هنا لسه ننبح لما صوتنا انقرش وإلى لقاء. سلك