رسالة حاج ماجد سوار بعد إعفائه من منصبه كأميناً عاما لجهاز المغتربين

يا جماعة الخير دعونا نتخذ من الوسائط الإلكترونية هذه منصة نعبر فيها عن آرائنا بطريقة كما لو كنا نخاطب الآخر وجها لوجه… وأنا أكاد أجزم حينها سنكون من الأدب واللباقة بحيث نحتفظ بيها علي مكانتنا أمام الجميع

أخونا ابومحمد تصحيح للآية الكريمة ” وما يلفظ من قول إلا لديه رقيب عتيد ”
أما ثنائك على مدير هذا الجهاز لا أرى له أي مبرر وواقع حال المغتربين يدل على ذلك جهاز ليس له هم سوى الجباية ولي أذرع المغترب ولايخدمه في اي شيء
كل رؤوسائه لايبتكرون ولايجددون فقط يجيدون الحديث الانشائي الذي لايسمن ولا يغني من جوع لأن لهم رسالة واحدة وهدف واحد الجباية وحلب المغترب بمختلف الأفكار والبدع، ندعوا الله مخلصين أن يولي من يصلح في كل مرافق الدولة.

واحد فلبيني زعلان من الحكومة الفلبينية بقول انو بشيلو منهم -4 – اربعة دولار في السنة وهو شايف انو ما ليهم حق مع انو الفلبيني لو اكلوا منه ريال في محل الشغل السفير ذاتو اجي واطلعهم من عين الكفيل – والمفارقة لما شفت حماس الفلبيني من ظلم الحكومة الاربعة دولار دي حرقتني حرقة نستني الضريبة والزكاة ودعم المجهود الحربي وطريق الشمال

يا الجعلى الحر بالغت عدييييييل بتسكل وما عارف الميت منو الراجل دا جابوه لانتمائه لارض يحلب منها البترول واخوانه يحرسونكم شمالا ويحاولون الدخول الى كاودا خلسه لكى يغتسل فيها اباطرة الدولار فى الخرطوم للاغتسال وتجنب القازورات ….بكرة هو جايكم حاكما عاما للخرطوم بسند قوى من أهله الجنجويد وسينظفها لكم من كل الهامشين لازوار ليل ولا نقرز الازهرى والسلمة ولا محطات اخر مكالمة فى بحرى وامدرمان ولا تحرشات البنان بالبنات باكشاك الكريمات بتاعة قدر ظروفك

قال سيبتعد عن رهق الوظيفة العامة في الفترة القادمة .. طيب عتعيش كيف وحتصرف على نفسك من وين وهل ناوي ترجع في الفترة البعد القادمة ام البعد البعد القادمة.
طبعا عاوز فترة غسيل اموال لمداراة ما قام بسرقته بمشاريع وهمية او ربما قام من اوكلهم بتشغيلها بسرقته وطبعا يذهب الحرام من حيث اتى.
يا هشام مبروك البيت الجديد وحاج ماجد قريبك وظاهر الشبه بيناتكم و …. اصبروا

تنظيم العمل بشكل حضاري في مباني جهاز المغتربين في الخرطوم دليل واضح في اهتمام الاستاذ سوار بعمله واتقانه نسأل الله له التوفيق في مستقبل حياته

نفسي أعرف الكيزان ديل لما يقولوا ليك المشروع الحضاري وما المشروع الحضاري .. بكونوا جادين؟؟ ولا دي سبكة للدور؟
اللهم أفرجها على السودان يا رب يا كريم .. اللهم إن عبادك المدعوين بالكيزان قد أرهقونا وأتعبونا وشردونا وشتتونا اللهم اقتص لنا منهم في الدنيا قبل الآخرة بارب

حاج ماجد، ده اسمو القام بجماعتو وقعد بجماعتو ، كل ما يعينوه فى محل عندو جيش من الحرامية والنصابين والفاقد التربوى بياخدهم معاهو ، وقبل مايفنشوا يكون عين نصهم فى الوظائف الخالية فى الجهة التى يعمل بها، اذا كانت وزارة اوسفارة اوغيرو ،يجيد فقط الكلام المنمق والدش، نرجسى موهوم ، صحى” اقزام حكمت السودان ” ذى ما علق واحد من اخوانى على البوست .بس نفسى أغرف الرسالة موجهه لى منو لى اخوانا المغتربين العرفوا البيك والعليك ولا لجماهير الشعب السودانى الحزينة لاعفائك من منصبك!

المهم فى الامر هو خدمة المغتربين والوطن ولاسف الشديد لا بوادر حقيقية ولا تخطيط سليم فى دفع حقوق المغترب والاهتمام بمشاكله والتى لم تكن مستحيله اذا قارناها بكل دول العالم نحن فى ادنى الخدمات للمغترب واعطيك مثالا وقس على ذلك يا اخى
هل المغترب يتمتع بتامين طبى له ولاسرته عند الرجوع الى الوطن؟وهل المغترب لديه سيارة ولو فى العمر مرة واحده معفاة من الضرائب لانه ساهم فى حكومة الانقاذ من الفشل والانهيار وقت الزنقه والحروب؟ وهل المغترب لديه فرصة ليمتلك مسكن لاودلاه بعد طول تلك الفترة من الاغتراب ورغم مساهماته فى التحويل الرسمى والموازى وفى النهاية اموال تصل الوطن ويستفيد منها القطاع الخاص وبعد المضاربين من النظام؟ وهل روعيه فى قبول ابناء المغتربين بعداله وشفافية وهل عولجت اجراءات الجمارك العقيمة وما زالت عمليات تفتيش وفى امتعه شخصية وهل هناك قائمه تشفع للمغترب بان يدخل اثاث وادوات كهربائية معينه معفية فى الرجوع النهائى لحضن الوطن وهل الوطن مستعد لذلك بعد ضياع العمر وكفانا الله شر القتال لان حكومتنا الرشيدة لم تفلح فى انصافنا ولكن لا ياس سوف ياتى اليوم وتنزع فيه الحقوق وتظهر الحقائق والله المستعان يا اخوى البشير وزمرة الحكم اخوانا الظلم الظلم حرام وعيب فى حق المواطن السودانى قد اهلكتوه وانكوى بنار الظلم والله المستعان فى ضياع حقوقنا ؟ وهى حقوق مشروعه ما دام المغترب يقدم خدمه للوطن بطرق مختلفه ولا داعى لنشرها من العيب نقول عملنا وسوينا والاخ البشير يدرك كل شىء وزمرت الحكم الحالية؟