احلامكم جزء من ماضينا

* اجمل شئ امس كان تلك اللافته الرائعه التي رفعها الشفوت بعد ان خطوا عليها ابداعهم الخلاق
* احلامكم جزء من ماضينا
* لله درك ايها الشفت الذي نثر ابداعه علي قطعة قماش لخصت اسباب احساس اخوتنا بالدونيه امام سجلنا بلوح الشرف الافريقي
* ماهي احلام الزناطير??
* بالتأكيد احلامهم تتمحور في مفارقة الصفر الدولي الذي اعياه النضال
* بكل الاساليب فشلوا في مبارحة محطة الصفر
* تمنيه وتمنين سنه يصفروا
* قطر بس
* اذن احلامهم هي الظفر ببطولة من بطولات الكاف
* تلك الاحلام الزنطورية الصفرية ماهي الا جزء من ماضينا
* مع جية الانقاذ حققنا ما يحلمون به
* والأن الانقاذ وصلت مرحلة الحوار الوطني
* والاهله لسه في زنطرتهم
* فعلا احلامكم جزء من ماضينا
* المهم
* تم رفض طلب الفحص
* ودي ما المشكلة
* تم ارسال القرار للمكتب التنفيذي للمريخ امس الساعه سبعه الا ربع مساء
* يعني قبل الكورة بساعه الا ربع
* فهل يوجد في التشريعات ما يلزم الاتحاد بابلاغ الفريق بمثل هكذا قرارات قبل وقت محدد ??
*ايها الناس
* سمعنا انو الشركة الراعية اصرت علي التتويج امس
* لماذا لم تصر تلك الشركة المحترمه علي التتويج في الموسم الماضي ونحن نكتب علي لوحة استاد الخرطوم حضرنا ولم نجدكم ???
*والسؤال
* مضت سنة يا شركة يا راعيه فهل تم تتويج المريخ ولا رعايتك فيها خيار وصفور???
* المهم
* متابعة شكوانا في شيبوب ليس الغرض منها بطولة الممتاز ولكن الهدف نجيبها من فوق ونهدم هذا الاتحاد الذي يعمل بدون ما يعرف يقرأ برتغالي
* عشان تاني يعرف يقرأ برتغالي
* و عشان يبطل حكاية القراية البي القلم الازرق الكتيره والمسيخه دي
* عليكم الله اي شئ خلوهوا
* تفتكروا لجنة التحكيم حققت مع الحكم الذي الغي هدف كوكو التعادلي الصحيح !!
* ايها الناس
* الممتاز ليس غاية بالذات في ظل نظام كروي منحاز بشده
* ولكنه وسيله للمشاركة في منافسات الكاف
* والمضطر بركب الصعاب
* ايها الناس
* بدعة قصة الانسحابات التي ابتدعها الهلال وكترها
* ولو كان اتحادنا يطبق القوانين بحيادية
* كان الهلال من زمن كورة نيل شندي في زمن الارباب عاد لدار الرياضه امدرمان وريحنا
* ولكن الجوديات وكسر رقبة القانون هي ما واصلت الامر عندنا لدرجة فظيعه من الانحطاط وتحدي الاندية للاتحاد المنظم
* ضعف شخصية الاتحاد و الخيار والصفور وعدم الالمام باللغه البرتغاليه كلها اسباب جعلت من الاتحاد مسخ مشوه حيران لا يدري ماذا يفعل فيضطر لتعطيل الكثير من القوانين للخروج من الازمات التي ادخل فيها الاتحاد نفسه والاندية المشاركة بسبب التعطيل الاول للقانون محاباة وانحياز واضح
* ايها الناس
* ما وصلنا اليه سببه الاساسي ضعف الاتحاد المستمد من التدخل الغير رياضي في الشأن الرياضي
* فالرياضة لا تحتاج لحوار بقدرما هي محتاجه لاهلها ليديروها
* فهل وعينا الدرس !!!!
* المهم
* ولد اخوي صغيروني
* قال لي امو (عمو) ليه الشلته (الشركة ) اللاعيه ( الراعية) ما بتتوت (مابتتوج) المليخ (المريخ) لما يسيل (يشيل) الدولي (الدوري) وبتسل( تصر) علي تتويت (تتويج) الهنال (الهلال)??
* قلت ليهو يا ولدي اظنها اشتاقت لي شرائحها العندنا وما عارفه اننا في خمسة دقائق ممكن نجمع ليها شرائحها في مخلايات في النادي ما عليها الا تجيب دفارها وتجي تشيل شرائحها
* وانا شخصيا يا ولدي من الليله لابستعمل تلفون ماببدأ بي 09 ولا بستقبل مكالمة من تلفون ما ببدأ بي 09 ولا بتصل علي تلفون ما ببدأ بي 09
* ود اخوي ضحك وقال لي
* بالتليده ( بالطريقه) دي الشلته (الشركه ) اللاعيه (الراعية) الا تسوف ليها لاعي (راعي) يديهم مرتبات
* لاعي (راعي) الدان (الضان) في الخلا فاهم الحته دي تالت(…..) ده مافاهما !!!
* قلت ليهو الفهم قسم يا ولدي
* ايها الناس
* الود ده نبهني لمواضيع كتيرة تتعلق بالشركة الراعية وحياديتها المفترضه وواقع كيلها بعدد من المكاييل
* انا اتحادنا الهمام فهو يحتاج لكشف الكثير من ممارساته ومبرراته المضحكه جدا
* اما لجنة يخطئ فهي البطل الحقيقي لان نقاطها فاقت النقاط التي حصل عليها القحطاني بعرق جبينه
* ايها الناس
* سوداني وقحطاني !!!!!
* اصبروا
* ايها الناس
* ان تنصروا الله ينصركم
* انصروهوا عشان ربنا يخارجنا
* اها
* نجي لي شمارات والي الخرتوم
*كان شفت يا والينا
* اشتهينا الموية تجينا
* ولو بي طينها
سلك كهربا
ننساك كيف والكلب قال التتويج بقي زي حفلة ايهاب توفيق… ملح ملح
والي لقاء
سلك