نشطاء حركة 27 نوفمبر عن وقفة يوم الجمعة: فشلت
قال نشطاء حركة 27 نوفمبر عن حراكها يوم الجمعة 30 ديسمبر وبخصوص دعوتها لوقفة إحتجاجية لمدة 30 ﺩﻗﻴﻘﺔ بعد صلاة الجمعة خارج المساجد في السودان قد فشلت ولم تجد الاستجابة المطلوبة.
وقالت Ola Abdoon بحسب ما نقل محرر موقع النيلين (على قدر ما كنّا مبسوطين بيوم ٢٧ نوفمبر على قدر ما الليلة نحن محبطين بتمنى بس زول يجي يقول يوم الليلة فشل عشان كذا وكذا يدينا أسباب حقيقية مقنعة لكن إيهام الناس انه مبروك يا جماعة ونجحنا ونجح يومنا عن اي نجاح تتحدثون ؟؟
الناس الماوقفت قدام الجامع ليه ما وقفت المنعك شنو ؟؟ لا كنت حتخسر وظيفة ولا هو تجمع قدام القصر الجمهوري لا شايل سلاح ؟؟ مافي اي سبب يمنعك
وقفتك ما حتغير الحكومة ولا حتغير الوضع ولا حتضرك لكن حتساعد غيرك عايز يقيف لكن خايف حتساعد انه توحد الصفوف الاتشتت كنت حتساعد انه ترجع القروب لهدفه بدال ما كلو بقى اتهامات بين الناس ودفاعات وناس متفرجة لانه الاتهامات دي أصلا ما بتعنيها وما تجوا تقولوا للناس انت أبدا بنفسك واعمل العليك لانه لو كل واحد حيعمل العليهو وبس ممكن يعملوا في اي مكان تاني غير القروب ده في بيته في شغله في البلد العايش فيها لكن الهدف الأساسي انه الناس دي متجمعة هنا عشان تشتغل مع بعض وتنجز مع بعض وتساند بعض
وأخيرا كلمة لأي زول اتخاذل وما وقف الليلة اتذكر انه قبل كدة طلبنا من ناس عايشة برزق اليوم انه تقفل طبلياتها ولا دكاكينها وقفلوهم وطلبنا من ناس ما تمشي اشغالها و جامعاتها واتفصلوا من شغلهم
وجيتوا خذلتوهم الليلة).
وأضاف أنور سليمان بحسب ما نقل محرر موقع النيلين (المردود كان ضعيف لعدة اسباب منها انه التعبئة ما كانت قدر الحدث، و الحدث نفسه “وقفة المساجد” تبدو بلا جدوي وبلا افق، فما كان في ليها قبول بحماس.. اي خطوة ينبغي انه يكون في ليها حساب لما قبلها وما بعدها .. واسي خطوة في مرحلة الفكرة يجب مراعاة عامل الوقت فيها لاخذ رأي الناس).
وأضاف Hashim M. Ahmed بحسب ما نقل محرر موقع النيلين (انا واحد من الناس الما وقفو , , الموضوع بالنسبة لي كان عبارة عن هرجلة من غير تنسيق , , القروب ده فيهو 500,000 نصهم برة السودان و الباقين موزعين على السودان كلو , لو قسمتهم على عدد المساجد حيطلع لكل مسجد عشرة انفار , ده في حالة الناس التزمت عن بكرة ابيها , كان الاجدى الناس تنسق لكل مدينة مسجد و توجه الناس ليهو , , انشالله نقول الحركة الجاية تكون منسقة و مرتبة).
الخرطوم/معتصم السر/النيلين
طبعا كنا متأكدين وواثقين من فشل الخطة ” ب ”
أها خلونا في الجاي ….حضرتو الخطة ” ج ” ؟
الوقفة الجاية حتكون وقفة عيد الفطر ؟
على أساس إنه الوقفة دي وقفة عيد رأس السنة الجديدة
بالله انكشحوا من وجوهنا …تلقاكم هسه آخر هيصة في الترويسة
وما بعيد رسالة الواتس التي أتت إلينا أنتم من ألفها
” بالله يامن تقيمون الحفلات ليلة راس السنة…وتنشرون الفساد …..اعزموني معاكم
لأنها رسالة تشبهكم وتشبهوها
انتم منفصلون عن الواقع (انتو في والشعب في وادى)
سبب المردود الضعيف و الفشل لأنكم منافقين و الله سبحانه وتعالى فضحكم
انتو في البدايه قلتو حتكون دعوات علي الكيزان بعد صلاة العصر و اتضح انها لم تكن كذلك … لو نياتكم ما صافيه مع الله سيخيب مسعاكم
فشلت لانكم لا تعمرون المساجد اصلا
ههههههههههههههههههههههههههه
جبتها في التنك
حكاية ربطة الشعب بالهرجلة دي انسوها.تمام لانو اتضح انو الشعب ليس جزء من مخططاتكم الفاشلة .وليس عندكم نصير في الداخل .حقوا تعرفوا ذلك وتوقفوا عن الشغب المامنوا فايدة.لا تشغلوا الناس عند تحقيق التنمية والازدهار.
جربوا يوم السبت بعد صلاة الجمعة
انتو نصاح وفي كامل وعيكم وما عارفين أسباب الفشل وعايزين تعملو تحليل للمقارنة بي الماء الزلال وبولكم النتن -مهزلة – شيوعيون من داخل الانداية يدعون المصلين المؤمنين عشان ايقيفو معاهم بعد صلاة الجمعة ا- والله دي سطلة قوية – دا عرقي عيش ولا بلح
انا اقترح انو كل الناس تتفق علي يوم معين مثلاً يوم الاتنين تتفق علي زمن واحد تقوم تطفيء أنوار المنزل وتوقد شمعة واحدة في نص البيت ويعم النور
وكل البيوت بنفس الشكل بيكون التعبير جميل وأكثر الناس بتلقي نفسها مشاركة وبدون تعب يعني فكرة بسيطة ومامكلفة بس الناس تكون جادة
شيوعيين خنازير.