كشفت الفنانة السودانية شادن حسين عن الكثير من الأمور الخفايا التي لا يعلمها الجمهور عن حياتها ودراستها ودخولها لمجال الفن والغناء, وذلك من خلال كتاباتها التي قرأها محرر موقع النيلين من صفحتها على موقع التواصل الاجتماعي فيسبوك.
ابتدأت شادن حديثها قائلة: “أنا شادن محمد حسين ..أتولدت وتربيت في مدينة الأبيض درست الأساس في مدرسة الشيماء النموذجية والثانوي في السيد علي الميرغني النموذجية ..درست اقتصاد وعلوم إدارية تخصص بنوك وتأمين جامعة الأهلية …والدي جنرال متقاعد في الجيش السوداني قسم إشارة …طبيعة شغل الوالد علمتنا التجوال داخل وخارج البلاد …أمي العزيزة علمتنا حب الديار والانتماء للجزور والعُقُّب ..مرتبطين بأهلنا وفرقانا وحلالنا ..يعني ببساطه أنا اكتر واحدة في الأسرة اعشق الإجازة مع حبوباتي وخالاتي وعماتي في الفرقان ..احب البادية بطرقه ما معقولة.
المطربة الصاعدة تحدثت عن جزء مهم أصبح مرتبط بها وهو تلقيبها بالحكامة, عن هذا الأمر قالت: من الأكثر الأشياء المقلقة والمريعة طريقة تفكير الناس في حلول مشاكلهم وطبعا الحكامة واحدة من المحمسين للحروب رغم وجود أدوار إيجابيه إلا انو إدارتها للحروب من ابشع واجباتها …وبسبب هذه الحكامة القبائل تفقد عدد كبير من أبنائها ورجالها حتى اليافعين …فكان هدفي أن أغير هذا النهج المميت وأكون تلك الحكامة المتعلمة المسالمة الواعية الطيبة حتى يعيش من حولي بسلام …ورثت من أهلي الكتابة وتنميق المفردات إلا أني أضفت لنفسي علم وثقلته بالتجارب والتثقيف وحرصت علي تنمية لغة السلام ..مهمتي هي إعادة افضل العادات والتقاليد القديمة بثوب حديث حتى نتماشى بحديث التفكير ..حتى لا نختلف عن الآخرين ونبدأ حيث انتهوا.
ما أود قوله هو أن إنسان المنطقة البسيطة في كردفان ودار فور يحتاج للاستقرار والآمان فقط …هم يعشقوا باديتهم يعشقوا الزراعة والرعي والتجوال مع سعيتهم …لا يريدون سوي الإحساس بالأمان ..هل هذا اصبح من المستحيلات …اذا لم يكن هناك استقرار اذا يتضاعف الموت ويقل الأكل والشرب وتشح الأرض وينعدم التعليم والصحة …هذا بالضبط ما حصل لأهلي ..
هو الذي دفعني دفع للدفاع عن قيمة الحكامة …هي تأتي بالمحبة والسلام هي تفتخر بأصلها وجزورها ..هي تهجو من أخطاء بلسان عفيف ومفرده شفيفة …هي تزرع فينا حب الوطن التراب ..هي تشد من أبطالنا وفراسنا …هي الحكم العادل هي القيمة المقدرة …هي التي تحافظ علي اسم وعظمة الأجداد …ليست حماسة الحروب ولا سفك الدماء …هذا ليس دور إنساني أبدا …وغض النظر عن المشاكل التي تصنعها السياسة التي لا تحل إلا بالسلام والوعي والتركيز ..كونوا يد واحد تحاببوا تواددوا حتي تكونوا جسد واحد من ثم يد واحدة فتقوى شوكتكم وتعيشوا بسلام بعيدا عن الفتن والغُّبن …ونستمتع معاً بجمال مناطقنا وبساطة وطيبة أهلنا في البادية ونعمر ارضنا نتعلم ونُعلم نتعالج ونُعالج ونكتفي ذاتياً …
فقط هو الاستقرار والسلام والمحبة ( هدفي وواجبي تجاه أهلي).
محمد عثمان _ الخرطوم
النيلين
إنضم لقناة النيلين على واتساب
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
شادن لو انتي فعلا رزيقيه لا خشم بيت تنتمي? ? وانا ايضا رزيقي
قوم قد … شنو الجهوية الضيقة دي
يكفي انها سودانية
رَبّنَا يَحُفَظٌكِ
شادن ما رزيقيه شادن مسيريه
بس عندها حركات ما بتشبه بنات البقاره
اتمني لكي مستقبلا قناءيا مزدهر
روعه وانت تشدين وروعه اكثر وانت تبدين رايك واروع وانت تهتمين بقضية امه.
جعلك الله حمامة سلام فى غربنا الحبيب .
……..
التوقيع /ودالزبير حلفا
كلامك جميل ربنا يوفقك ومزيد من التقدم والازدهار
شادن سودانية
حكامة لكن
شديد
يكفي انك سودانية وحافظة لتراث وطنك . ربنا يوفقك
جميل ان يبقى الشحص كما كان عليه
احيك يا شادن واتمنى لكي مستقبلا باهر
مبروووووك يا بت بلدي كلامك كلام زوله واعيه وربنا يوفقك يا حكامه
كلما تكررت المواضيع وتعددت تجد نجوميتها هم الفنانوون..سؤال؟؟
أين نحن من الاسوة الحسنه التي حبانا بها الله ؟؟
)كنتم خير امة اخرجت للناس تأمرون بالمعروف وتنهون عن المنكر)
اللهم اجمع اهلنا على كلمة الحق واتباع الحق
اناشعيب السودان
تسلمى ابنتنا شادن وربنا يوفقك ويسدد خطاك فى الدعوة الى ارساء فضيلة السلام والتعايش السلمى بين الاهل والقبايل فى غربنا بل والسودان عامة ونحن فى وقت اصبح لا يعرف الا لغة القتال والفرقة والشتات
لكي التحية شادن وربنا يوفقك في مسيرتك واحييك من غرض كوش
گلآمَگ سمح وربنايوفقك وكونك سودانيه وحافظه تراث بلدك يكفينافخراواعتزازومزيدمن التقدم والازدها في اعمالك يااستاذه شادن
كلامك حلو شديد ومقنع .. لكن اسلكتي مسار اخر غير الغناء لكان افضل حتى تعم الفائدة . فبالطرب يا شادن تصلحين شئ وتفسدين اشياءا كثيرة. بالغناء افسدتم اخلاق الشباب ومزقتم نسيج المجتمع اصبح شبابنا ليس لديهم اي شقلة غير الغناء والرقص
الاوجاع كثيرة ,,,,
نسال الله العلي القدير ان يعيد لنا رشدنا
اصلا الاعلام السوداني يعتمد اكتر شي على الغنا والاسوأ هناك حفلات لا تصلح للبث …لماذا يظهرونا كما لو اننا ليس لنا شغلة سوا الغنا والرقيص ي ناس خليكم جادين شوية وسيبو الهزل …ليست المقصودة شادن لكن على العموم كدة
بصرحة مبنونك يا شادن محمد حسين بتمنا ربنا يوفق الغناء موهب ليس فساد لي المجتمع بل ثقافة مو اي زول بقدر يغني كونك تشتهري با الغاني التراسية دة شيء حلو شديد با الاخص سكر حبيباء و الهجة البقاريه فا بقولكو يا اخواني واخواتي نحن المفورض نكون سعد با هزة الغناء يعني بليق مع لهجتنا و ثقافتنا و مجتمعنا بغد النظر عن نحن بقارا او حوازمه كا سوانين عمومااا بقول ليكي يا شادن محمد حسين ربنا يوفق على هزة الابداع الجميل الموهبه الجميل توااا اليوم انا سعد حاااااار
قريت الاساس في الازهري والثانوي في اسماعيل الولي لكن ماكنت بعرف شادن بالر غم من اننا كنا بنعرف كل الناس
الستره والحجاب وعدم التبرج وخفض الصوت أولى بك من أحلام المراهقه هذه .
ابوك جنرال يعني شنو جنرال قدم شي للانسانيه في اي مجال علمي انساني صفر
شاكر ليك كتير. الفنانة التراثية الجميلة على اهتمامك بالعادات والثقافات السودانية الجميلة انتي نقلتي الثقافة بصفتك الحكامة من غرب السودان الي اهلك الهاجرو من الغرب الي الولايات الاخرى اول ما الواحد يسمع صوتك بتغني بحس نفسو موجودمع اهلهو وبتزكر بلدو وديارو وبتؤنس مع اهلو بجد والله
كلام جميل
وفي قايت الاهميه يا ريت لو كل ناس بتعمل بيهو
السلام عليكم
شادن .ربنا يقويك ويحفظك يارب
ما في داعي للجهويه السودان للجميع
لانريد غير الامان حتي نزرع ترابنا ونأكل ما زرعامن زرة عيش ريف فول دخن ونرعي ابقارنا ونسعد بالمرحال من المخرف الي المصيف دون ان يمسنا ضرر فقط لانريد غير هذا
تحياتي للفنانة المتألقة دوما شادن
حفظها الله الفنانة شادن حسين أو أقول لها حكامة كردفان كما يحلو لها.
في البدء أقول لها يا ليت كل فنان أو فنانة وهبها الله بلسان أو أنامل تمسك به ريشة أن تتغني أو ترسم لوحة صادقة للسلام والتعايش السلمي لأن الإنسان خلق للعبادة ولإعمار الأرض ليس ليقتل أو يعوث في الأرض الفساد.لذا أقول لو علم كل منا الغاية من وجوده لقدم من خلال منبره وتخصصه ما يفيد البشر وليس ما يضرهم.
ووفقها الله شادن وحقق تطلعاتكم
كلام جميل
بالجد يعنى الناس محتاجة لي فهم زي داااا واتمني انو الشباب يكون واعي عشان يقدر يقدم للوطن تحيا السودااااان
عمل جميل جدآ يا الحكامه
بّحُبّكِ يَ اٌختْيَ يَ شِادِنَ
الُحُمٌدِلُلُُه كِثُيَرَ ْعلُيَ دِوَرَ حُوَاء الُسِوَدِانَيَةِ فَيَ كِلُ مٌجْالُاتْ الُحُيَاةِ
وَنَْعمٌةِ الُلُُه ْعلُيَنَا بّاضُافَةِ الُفَنَانَةِ شِادِنَ الُتْيَ اتْتْ الُيَنَا بّالُفَكِرَ الُجْدِيَدِ حُامٌلُةِ اضُافَةِ جْدِيَدِةِ لُدِوَرَ الُبّنَتْ الُسِوَدِانَيَةِ الُْعصّرَيَةِ
ٌخرَجْتْ مٌنَ اٌخدِارَ الُبّنَاتْ فَيَ الُمٌدِنَ وَنَزُلُتْ الُوَدِيَانَ مٌشِارَكِةِ ٌخالُاتُْها وَبّنَاتْ الُفَرَيَقً فَيَ نَشِرَ الُثُقًافَةِ الُسِوَدِانَيَةِ
هذا رائع والله
منشورك فيه عزة لنا لكن كلمة جنرال فيها نوع من ال…..
انت انسانه مثقفه ورائعه ربنا بحفظك م مهم رزيقيه او مسيريه المهم عندها هدف و طموح
يكفي انها سوداني بنتمنى ليا التوفيق
شكرآ ياشادن اجمل كلمات والله ربنا يديكي الصحة هو المقصود
مشتاقين ليك شديد
good luck
جميل جدا
ماشاءالله
مبروك ليك لقب حكامه والحكامه دائما متمرده على واقعها عشان كده بتعبر وفقا لبيئتها عليك السير قدما فى طريق الاسنقرار والامن
التحية لأختنا شادن التي تساعد في نشر الثقافة واللهجة البقارية التي أقرب ما تكون إلي الفصحى ، نحن سعداء جدا بفنك الجميل وأدائك الرائع ، سنشد من عضدك و نكونوا في عونك طالما لسانك نجح في
تعريف العالمين ببعض تراثاتنا الأصيلة. لك التحية مجددا و نحن بفنك من أكثر الناس إعجابا .
البقاريات عرفن بالحياء والخجل وبالنقاب يعتزن!!!اهتشمى يا بنت الاهليه$$
جمال الفتاة فى أربع : 1-دينها 2- خلقها 3-حيائها 4-عفتها . . فليس جمال المرأة فى جسد أو وجه فالوجه يذبل و الجسد يبلى و يبقى حسن الخلق و الحياء و العفه و الدين . ان كانت المرأة الجميلة تجذب الرجل لساعات فان المرأة العفيفه الحييه تاسره مدى الحياه . اللهم اهد نساء المسلمين و اصلح احوالهن يا رب العالمين.
انا حيكي علي
عملك هذة وتمن ليك التوفيق
شادن ليست سودانية الأصيل لاتستحق أي حكامة
عزة بلدنا الفنانة شادن
ماؤمن به انك علي حق وما اتمناه هو وصول رسالتك لكل لاقصي مايمكن
اطلعو لي المظاهرات الليلة وقت مناسب
nice
اهلا وسهلا ومرحبا بمبادرة نقابة المترجمين المعتمدين او المحلفين في هذا العيد المبارك اعاده الله على الجميع بالخير واليمن والبركات والتوفيق. مع ان مهنة الترجمة عريقة عراقة اللغة الانجليزية في السودان وان هناك فطاحلة من السودانيين في هذا المجال يمكن ان نذكر منهم على سبيل المثال الاستاذ احمد خير البدوي الذي كان المترجم المعتمد لدى بلاط جلالة ملكة بريطانيا وغيره الكثير من افذاذ السودانيين الذين ابدعوا في مجال الترجمة وانه كان ينبغي ان تكون الخرطوم اهم مراكز الترجمة في الوطن العربي وهي مؤهلة تماما لذلك، الا اننا لا نجد لهذه المهنة ذكر في الخرطوم حتى ان مصطلح المترجم المحلف Sworn Translator
، المعروف عالميا لا يكاد يعرفه احد في اوساط طبقة المثقفين في الخرطوم وكم اضطررت لشرحه لاشخاص كان ظني غير ذلك. لم يهتم احد بان يؤسس لهذه المهنة مكانتها والان نحن بصدد هذه المهمة التي نرجو ان تكون سهلة وان نجد من الجهات التي سنطرق بابها اذان صاغية وعقول متفهمة وانتم يا معاشر المترجمين هلموا وسارعوا الى تسجيل اسماءكم وحضور اي اجتماع تدعون اليه.
والله من وراء القصد
وهو الهادي الى سواء السبيل.
اخوكم عبد العزيز الطيب رئيس وحدة الترجمة – جامعة المغتربين
منقوووول عنه☝?☝?☝?
..
يا شباب لقد قمنا بإنشاء مجموعة بهدف تكوين نقابة للمترجمين في السودان يتم تصديقها من وزارة العدل لكنهم إشترطوا علينا بان تبلغ النصاب القانوني لتسجيلها .. من لهم مؤهل دكتوراة أو ماجستير أو (بكالريوس..آداب أو ترجمة أو لغات.. بشرط الممارسة للترجمة لدارسي البكالريوس) و ذلك لخلق كيان قائم بذاته للمترجمين ليتم إعتمادهم من قبل وزارة العدل بعد بلوغ النصاب ثم التصديق و يلي ذلك إمتحان مثل المعادلة لدى المحامين و من ثم تحليفهم ليصبحوا مترجمين محلفين و معتمدين لدى جمهورية السودان (طبعا الناس الزاروا الإمارات بيكونوا فاهمين الكلام ده جيدا)
و ياريت تساعدونا بنشر هذه الرسالة
و نسأل الله أن يوفقنا
..
https://chat.whatsapp.com/EeJfh7uXabwDqRmxfV897O
بالتوفيق ياشادن
دي شنو الجهوية دي الزولايه دي يكفي انها سودانيه مافي داي للجهويه الافضل اننا نعتز بسودنتنا لاقبليه ولا جهويه
نشدت شادن اوقفت كل الحديد والمعادن
اتمني لكي النجاح
يا اخوتنا الكرام اليوم نحنو في نعانو في عصر السلاح ارجو من الدوله ان تفرط هيبتها علا جميع تراب الوطن
السلام عليكم
قلت لي مستقبلا (قناءيا)!!!!! هق هق هق
الانثي وطن والوطن لايخون
حتي الفن له علاقه بالسياسه
شكران علي هذا لادا الرايع اللزي لم يكون من قبل
بحبك ى فاتن
الي متي سنظل في هذا البلد الكئيب ولكن لا بد من ان هناك شعب جبان يحب الاستعمار ويخشي المنيه
ممتاز ورائع
fun.gift
cookielogger.php
شادن ربنا يوفقك رفعتي راسنا
دا كلام ساي
تسلمي يا الفنانة شادن محمد حسين علي هذا الكلام الجميل ونتمنا لك التوفيق لكي تمثل لنا بادية غرب كردفان وتراث اهلنا بقاره
هﻻ بي النلين انا عضو جديد
تسلمى
مزيزيدا من التقدم
القبالك كان اشطر
I wish you all the best
ربنا يوفقك وكلامك في محلو والله يا بت بلدي
جميل الاخبار نتمن المزيد
اختي شادن الله يحفظك ويمد عمرك
good. safgvfjn
بالتوفيق يا استاذة
ربنا يوفقك شادن حسين الحقيقه صوتك جميل في الأغاني التراثيه الكردفانيه
نعم
افتخري انك سودانية بس
التحية للفنانةشادن وطريقتها في دور الحكامة المسالمة
احيك استاذه فنانه الوطينة شادن ربنايقدرك ويقويك في مشوار الفني الجميل ونحن فخورون عندنا زيك في بلادنا
ربنا يوفقك ويسدد خطأكي
اغانيكي روووعه
وربنا يوفقك ويحقق مرادك
احي الفنانه السودانية الكردفانية الدافورية علي نهجها الجديد في صناعة حكامة جديدة تؤمن بالسلام وتقدس الحياة التي وهبها الله لها وتتأمل بطبيعة بلادها الخلابة التي جعلها الله لطيبة مقامها واغتنام موهبها لتجعل من ذاك الطبيعة نسجا اجتماعيا بين الزراعة والرعي لتطوير اقتصاد بلادها
جعل الله حياتك سلما ينعم بها اطفال بلادك من ويلات الحروب وجحيم النيران التي حصدت الاارواح وخرقت الزرع وجفت الضرع
انعم الله دارفور وكردفان بالسلام والامن ويروح الجراح حتى تكون قبلة للسياح وسرحة للمراح وكل شيء متاح
مدريد يموت
والبارس يعود
الأخبار جميلة ومتجددة.