السودان .. مقتل شاب على يد دورية شرطة بالخرطوم والسلطات تلوذ بالصمت

لا احد ينكر الدور العظيم الذي تقوم به الشرطة ولكن يا من تدافعون عن قتل الابرياء العذل بكل بساطة ورعونة وغباء فلو كان المقتول اخوك او ابنك لشعرت ان هذا ظلم كبير .. لك ان تعطل العربية ولك ان تعطل من يسوق العربية ومن هو بداخل العربية ولكن ان تقتل الابرياء هكذا فقط لانهم لم يتوقفوا فهذا ظلم وجريمة تكررت كثيرا ..

عسكري واقف في نقطة ارتكاز قال لك اقيف انتا ما وقفتا الاحتمالات كتيره ..اخليهو و اعمل نايم دي عقوبة اعمل نايم و السايق العربيه قاتل زول ولا سارق زول قبل شويه و اخليهو يمشي دي فضيحه في الجرايد ..اها العسكري يعمل شنو؟؟ العسكري اتوكل و طارد الزول ..طيب اساسا الزول لو ما عامل حاجه هارب لية احتمال كان يقيف العسكري يشيل منو سجارة و لا سفه بي نكتة و الموضوع انتها..طيب اكيد العسكري ما طلع سلاحو و فكا نار طوالي اكيد قعد يكورك اثلت يا زول اقيف يا زول لكن مافي زول وقف كدا الشبه زادت.. احتمال العسكري ما اتوفق قرار اطلاق النار لكن لغايه المرحله دي اجرائاتو كويسه..و بعدين العسكري لمن يضرب نار في عربية متحركه الطلقه ما بتمشي طوالي لي الحته الناوي عليها احتمال داير يضرب في الاطار العربية لفت و حصل الحصل… علي العمومو في النهايه بالتسبه للمرحوم قرار الهروب كان خطا كبير . بالنسبه للعسكري في لجنه حساب بتشوف اطلاق النار كان مطلوب ولا لا ….

اساسا انا كلامي عن الموقف ما عن الاشخاص انو دا سايق ولا داك سايق..و اساسا الحساب حاصل حاصل ..الغلط حصل حصل لكن ما من طرف واحد…

نسأل الله الرحمة والمغفرة للفقيد ولآله وذويه الصبر وحسن العزاء

ماكان للشرطة أن تطلق النار على العربة .. فهناك المرضى النفسين وذوي الحاجات وهناك القائدين تحت تأثير الخمور وهناك صغار السن المراهقين وغيرهم .. وعلى أفراد الشرطة وضع تقدير للحالات المطاردة

على إدارة الشرطة تدريب افرادها على إستعمالات إطلاق النار والحالات التي يلزم التعامل معها بهذا الشكل.. مش اي حالة على طول أطلق النار … وحتى إطلاق النار عند الضرورة يلزم الا يكون في مقتل على أن تكون فرص الحياة فيه أكثر

نتمنى التحقيق في الموضوع وإدانة المتسبب وإعطاء درس لأفراد الشرطة

هل الشخص مطلوب في جريمة ؟ لا

وحتى اذا كان مطلوب في جريمة ن القانون يقول اذا لم تكن الجريمة عقوبتها القتل فلا يحق للشرطى اطلاق الرصاص

الشاهد ان هذين الشابين كانا يسيران بصورة عادية في شوارع الخرطوم ، لا يوجد مبرر واحد من الشرطة بأن تطلب منهما الوقوف واذا سمح بذلك لأصبحت الشرطة توقف كل السيارات التي تمشى في الشارع ، ولا يقدح في ذلك ان السيارة كانت تمشى بالليل ، فالثابت ان من يمشى بالليل لأغراض هم كثر ، المستشفيات للعلاج ، الذين يعملون في ورديات ليلية ، القادمون او المغادرون للسفر ، الزائرون لأهلهم في منازلهم ثم سهروا ليلا ، المودعون …الخ
لماذا تطلب الشرطة من مواطن عادى سائق سيارته التوقف ؟
واذا رفض ، هل يحق لها اطلاق الرصاص عليه ؟
من الذى يعطى الامر باطلاق الرصاص ؟
هل يحق لشرطى عادى ان يطلق الرصاص ؟ هل يحق للملازم وفى اى رتبة ؟
وما هي الاحتياطات التي يجب عليه ان يؤديها قبل اطلاق الرصاص ، مثل التنبيه أولا ، ثم اطلاق الرصاص في الهواء ، ثم في عجل السيارة ان استدعى الامر مع الاخذ في الاعتبار ما قلناه سابقا
اما ترك امر اطلاق الرصاص وازهاق الأرواح هكذا سداح مداح لأى شرطي عادى فهذا امر لا يقره قانون ولا عرف
يجب محاسبة الشرطة حسابا عسيرا وعدم تركها تكرر هذه الفعلة الشنيعة فأرواح البشر ليست بلعبة