هذا هو الفاتح عزالدين وهذا هو حرسه عاوزين مفتاح (اللسانسير)، ذلك نفسه الفاتح الذي قال أن (مركب الكيزان) الطاهرة لن تنتكس
عاوزين مفتاح الأسانسير
في إحدى عيادات الأسنان الراقية بمنطقة العمارات والتي تحدد رسوم التقويم وزراعة الأسنان بالدولار جاء حرس الفاتح عزالدين ليطلب من السكرتارية مفتاح المصعد الكهربائي .
الحرس وحسب طلبه قال للسكرتيرة :(عاوزين مفتاح اللسانسير (باللام ) عشان بعد السيد الوزير يدخل نقفل باب اللسانسير عشان مافي زول يدخل معاهو ) نظام تأمين وكده .
السكرتيرة أجابت الحرس أن السيد بكرى حسن صالح نائب رئيس الجمهورية نفسه يأتي للعلاج في العيادة ولا يطلب حرسه اغلاق الأسانسير ، وأن الأسانسير ملك عام لكل العمارة التي بها أكثر من ثمانية شقق ولا يمكن أن يغلق المصعد لأجل شخص أياً كان هذا الشخص .
هذا هو الفاتح عزالدين وهذا هو حرسه عاوزين مفتاح (اللسانسير) ، ذلك نفسه الفاتح الذي قال أن مركبهم ( مركب الكيزان ) الطاهرة لن تنتكس إلى قيام الساعة وستبلغ غاياتها ومرساها ، دي طبعاً نفس المركب التي تضم كل القطط السمان المطلوبة لدى جهاز الأمن في قضايا الفساد ، فلم نسمع بشيوعي أو بعثي أو مواطن بسيط طالته مجرد أصابع الإتهام .
وحسب حديث السيد رئيس الجمهورية لقناة المستقلة إن أكبر قط سمين هو صديقه الشخصي وأضاف الرئيس أنه ينتمي للمؤتمر الوطني ولا يمر أسبوع دون أن يلتقيه فيه أكثر من مرة ، وأنه أي الرئيس كان من الممكن أن يأمر باطلاق سراحه ولكنه لم يتدخل في التحريات لتأخذ العدالة مسارها ، خلوا بالكم القط ده راكب في المركب الطاهرة دي
وهي نفس المركب التي تضم الذين حولوا أموالهم إلى سويسرا وماليزيا و هم يخرقونها ويوسعون ثقوبها يوماً بعد يوم ، وحين يتساءل كبيرهم أخرقتم سفينتنا لتغرقونا لقد جئتم شيئاً امراً ، فتأتي ردودهم الواجفة أنها المؤامرات الخارجية التي تحاك ضد الوطن ولقد أردنا أن نعيب مركبتنا لأن ورائها ملك يأخذ كل سفينة غصباً.
الفاتح هذا و الذي قال لو طلع أهل الأرض جميعاً رايتنا لن تسقط وأدونا أسبوع خلي راجل تاني يرفع رأسه ، الفاتح لايعلم أن الرجال هم الذين يخرجون للمعارك وهم عُزل من كل سلاح ، يخرجون بحناجرهم وصدورهم مفتوحة دون سترات واقية من الرصاص أو خوذات حماية للرأس ، يخرجون للموت دون دروع أو خراطيش أو خيزران أو عصي ، يهتفون للحق دون علب بمبان أو رشاشات قناصة ، يسيرون في الطرقات العامة دون خجل أو حياء أو طلب مفتاح (الأسانسير) أو يطلبون (رجال) لحمايتهم هؤلاء هم الرجال الذين نعرف .
خارج السور:
صحي المافي بيت أبوك بخلعك.
سهير عبد الرحيم
الانتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
استاذة سهير الله يحفظك ويريحك دنيا واخرة والله قلتى كل شئ نريد ان نقوله
بعد كلامك نقول ربنا يحفظك من شرور هؤلاء القوم لم تتركي لهم شئ الا قلتى
عنهم وفى وشهم الله يستر عليك واسرتك
أولاً = الفاتح عزالدين لم يهدد الشعب السوداني فالرجل قال بالحرف الواحد (الكلام ده ما للشعب السوداني وإنما للمرجفين والذين يحملون السلاح وقتلوا الشرطي بالساطور والشايل سلاح حنقطع ليهو رقبتو).. ده كلام سليم وموزون ومسؤول جداً.
ثانياً = علي عثمان محمد طه أيضاً لم يقل أنهم عندهم كتائب ظل بقصد القتل أو التخويف أو الإرهاب وإنما قال بالحرف الواحد (عندنا كتائب ظل للخدمة المدنية).. بمعني أنو الخدمة المدنية وعمل الحكومة لن يقيف لا بمظاهرات ولا بإعتصامات.
ثالثاً = ربنا سبحانه وتعالي لم يقل لا تقربوا الصلاة وإنما قال (لا تقربوا الصلاة وأنتم سكاري).. علي هذا قس.
رابعاً = نصيحتي بلاش حساسية زائدة وبلاش إستقطاع وبتر للكلام وبلاش سخف وبلادة.. راجعوا فيديوهات الفاتح وشيخ علي وهي موجودة في كل مكان.
خامساً = بناءاً علي ما سبق منك من أكاذيب وإفتراءات وسطحية معهودة يا سهير، فيحق لي أن أسألك ما دليلك علي قصة عيادة الأسنان ومفتاح الأسانسير؟ واضح أنك تنتهجين خطاً يقوم علي التزوير والخداع وإفتعال الأزمات مثلك مثل صحفيين آخرين كثر فاقدين للموثوقية؟ وعموماً لا تهمني الإجابة أصلاً لأن موضوع الأسنان والأسانسير هو موضوع جانبي وهامشي برغم أن له غرض.
سادساً = إذا إشتعل السودان مثل ليبيا وسوريا واليمن وغيرها فالأقوياء سيعيشون أما الضعفاء فهم الذين ستسحقهم آلة الموت.. وبالمناسبة ده برضو ما تهديد (أيها الحساسون الرومانسيون الواهمون الحالمون) وإنما هو حقيقة كونية تحدث في كل العالم فعندما تشتعل الحروب يموت الضعفاء وينجو الأقوياء.. لو أنتي قوية يا سهير فخافي علي الضعفاء ذي ما أنا خائف عليهم مش خائف علي نفسي (أنا شخصياً قوي وأعرف كيف أنجو لأني متعلم وكنت مغترب ويمكن أن أعود للإعتراب وأترك أهلي وأصدقائي ومعارفي الضعفاء يموتون ولن أعرف أساساً من قتلهم لأن آلة الموت لا تميز ولا تضع بصمات).. بلاش أنانية وسخف وبلادة وهرجلة يا ناس.. وبلاش أسلوب القطيع Herd Behavior بتاعكم ده، الواحد بس جاري وراء القطيع ووراء الشعارات الفارغة من أي مضمون.
سابعاً = يقيني أن الحكومة قصرت كثيراً من الناحية الإقتصادية.. والازمة دي إقتصادية.. وفي طريقها للحل.. لكن الحكومة لم تقصر سياسياً أبداً.. بل وفرت حريات لا يحلم بها جيراننا ومحيطنا الاقليمي كله.. بالإحصائيات.. مصر فيها 20 ألف معتقل رأي.. السعودية عشرات آلاف المعتقلين.. أثيوبيا عندما إستلمها أبي أحمد قبل شهور كان بها آلاف المعتقلين السياسيين.. وفي كل الدول حولنا المعتقلين السياسيين بالالاف وعشرات الالاف ولا يخرجون من المعتقلات منذ سنوات وسنوات.. بينما في السودان لم يحدث أن وُجد في المعتقلات أكثر من كذا معتقل فقط يحسبون علي أصابع اليد الواحدة.. والأمن السوداني يعتقل ويطلق السراح في نفس اليوم.. يعني دلعوكم عديييل كده.. هسع قبل يومين إعتقلوا صحفيي صحيفة الجريدة وأخذوهم لمكاتب الأمن وكرموهم بالموية الباردة والشاي والدلع (وده كلام الصحفيين زاتهم).. في مصر والسعودية أمثالك من المعارضين يا سهير (بدون حساسية) يتم تقطيعهم إما في المعتقلات أو في السفارات مثلما حدث مع جمال خاشقجي.. ولا أزيد.. قولوا الحمدلله.. أختصر وأقول: نحن بخير والمظاهرات دي أكبر دليل علي أننا بخير.. والحكومة تعاملت بهدوء ووعي كبير مع المتظاهرين.. وقالت ليهم صوتكم وصل.. وسمعناكم.. ونترحم علي الضحايا الذين سقطوا.. لو في مصر أو السعودية كانوا حيحرقوا المتظاهرين حرق.. مش في مصر بس، حكومتنا دي زاتها لو دايرة ممكن في يوم واحد تحسم الشارع بالأمن والدعم السريع بالبطش الذي لا حدود له.. هسع قاعدين يرشوكم بشوية بمبان ورصاص في الهواء بس وزعلانين.
ثامناً = يقيني ومعرفتي بالحكومة والمعارضة تؤكد لي أن هذه الحكومة لن تسقط إلأ يوم القيامة عندما ينفخ إسرافيل في الصور.. أنسوا بس.. طالما دي طرائقكم وده تفكيركم أنسوا بس.. الحكومة قوية وواعية وواثقة بينما المعارضين لا يستثمرون الفرص المتاحة لهم وإنما يهرجلون فقط (عيادة أسنان بالدولار وأسانسير ده مثال للكلام بتاع الهرجلة).. ولو بالطريقة دي فاهمين أنكم ح تسقطوا الحكومة فأحب أقول ليكم (حساباتكم غلط) وأنتو ما فاهمين ثورة الإنقاذ دي معمولة كيف.. دي معمولة من فولاذ.
ههههه السيد أسامة و الله العظيم ياخ ضحكتني – سمعت بالمثل البقول ” الفيك بادر بيها “؟ ياخ انت تعيب على الكاتبة بترها للكلام و تسترشد بالقرآن الكريم و أنت نفسك بترت كلام شيخك علي ؟ بعد أن قرأت أول خمس سطور و إكتشفت بأنك بترت كلام شيخك علي بطني طمت من قراءة باقي كلامك …..شيخك علي هدد و توعد و حديث التهديد و الوعيد يفقهه و يدركه الطفل الصغير فما بالك بينا نحن الكبار ، أنا ما بقول ليك شيخك علي قال شنو لأنه أنت شخصيا تدرك جيدا ما قاله ولكنك أردت أن تجعل كلامه يبدو كأنه كلام عادي – سبحان الله و الحمد لله و حسبنا الله ونعم الوكيل، و أخالني عرفتك يا رجل.
طز فيك يا المدعو أسامة لو دا فهمك، واليوم جايي قريب وساعتها ورينا كلامك شنو يا كوز وللأسف كوز صدئ وليس من فولاذ. أما الأستاذة سهير فلله درها من سودانية وتعرف كيف تخلي الكيزان يتباكوا. وبالمناسبة يا بتاع ال Herd Behavior حتغترب وين تاني ما خلاص كوووووووولها قفلت وأقعد هنا أكل نارك مع الضعفاء يا فولاذي انت
يا فرعون يا المغترب الحكومه دي ما بتمشي الا يوم القيامه انت انسان واهم وهذا هو الغرور بتاع فرعون ذاتوا,,,,
وما حدث للقذافي ببعيد…..ان شاء الله تعالي شيخ علي بتاعك ده يجيبوا من جوه البلاعه,,,,,,,,ويبدو انو ما عندك قراءه صحيحه في السودان وخارج السودان
يا اخي انت بتحاول تغيبنا ??? .. كلمة كتائب هذه لا معروف استعمالها عند العسكرية فقط.. ليس هنالك شيء اسمه كتائب خدمة مدنية كما يتوهمها البعض ويصدقها ..
الفاتح هذا قالها ولما لقاها ما بتنبلغ بدأ يصلح فيها (خلي راجل تاني يرفع رأسه) لتبريرها هذه تعني ماذا يا اخي الكريم ..
الناس ديل غرقانين ل اذنيهم من هذه الالفاظ السيئة ولك من الأمثلة كثيرة يا اخي الكريم (لحس الكوع – الزارعنا غير الله ايجي يقلعنا – العايزنا يلاقينا في الشارع (ده الرئيس) – الهوت دوق – الكتائب – أي راجل يرفع رأسه- ح نقطع رأسه – زوما واحد قال شحاتين – وصابون ما عندكم ) – بالله عليك في كل اقطار الدنيا دي لقيت شعب تم شتمه بهذه الطريقة؟؟؟ يا اخي ما تشكر الراكوبة في الخريف وقد تكون الراكوبة احسن حالاً
تحياتي
اخونا أسامة
كدى بس كلم لينا واحدا برضو يشوف لينا معاهو الكدايس بنات القطط السمان الضربو المال العام فى ملف فساد قضية بيع خط هيثرو .. وشركة الخطوط الجوية السودانية لشركة عارف الكويتة …
اها بنتظرك ا خوى
فتناك بى عافية ..
أخونا جكسا
سؤال واحد بس لو سمحت.. من أطلق إسم أو لقب (القطط السمان)؟
إنه الرئيس.
ومن يومها كل الناس تكورك القطط السمان القطط السمان.
والقطط قبضوها وقطعوا ليها جلدها خلاص.
تاني داير شنو؟!!
قبل يومين سمعت مذيع الجزيرة قال القطط السمان في السودان،،، فقلت والله رئيسنا بشة ده أطلق التسمية والعالم كلو مسك فيها ههههههههه.
ياخوي العالم كلو فيهو فساد وقطط سمان.. أنت قط سمين يا جكسا ههههههههه؟ تحياتي!
باين عليك صغير في العمر أول من أطلق كلمة القطط السمان هو الرئيس المصري الراحل بطل حرب اكتوبر أنور السادات في سبعينيات القرن الماضي هذا للمعلومية
أتفق مع د.الفاتح عزالدين فى قطع راس كل من يحمل السلاح فى وجهة الشعب السوداني باسم التظاهر. …
…اما المتظاهرين السمان ديل نقول ليهم …جلد بس.
وكمان تكون ما قصرتو لو غشيتو كمان
ملف الفساااااد فة قضية بيع بيوت السودان فى لندن والخارج …
دى طبعا لمعولميتك يا حنون هبرة كانت معتبرة هههههههههههه
لهطتا بى الاسترلينى وعلى كيف كيفك كمان هههههههههههه
أبرد أبرد أبرد
يا اسامة ابرد …. الرد … الرد السد.. السد …
اتكى وافرجك وافسحك فسحة بالفساد هههههه
مشكلة غالبية الشعب إنو الإعلام بتاع ناس سهير خاتي الشيوعي والبعثي بديل للكوز وده قرف لا يقبل به الشعب السوداني لأنه البعث مجرب في العراق وسوريا وطلعت عليهو ثورات شعبية وعنده إنقلابين في السودان، أما الشيوعي فسقط في مسقط رأسه موسكو وله تاريخ دموي في السودان وقتل ألف مواطن في أمدرمان وحدها بالمدفعية والراجمات مش بالكلاشات وآلاف في بقية السودان سنة 1970 أيام نظامه المايوي وقتل ضباط الجيش في بيت الضيافة 30 ضابط والبيجرب المجرب عقلو مخرب.. يعني الكوز كعب ما معناها الشيوعي والبعثي كويس يا أستاذة يا ممتازة.
اتفق مع كل مسئول نظيف شريف وعفيف طاهر اليد
ولا اتفق مع ابن وسخة آكل للمال العام والحرام…
ولا اتفق مع كل مسئول خنزير ساكت عن الحق ويرى من حولة أكلة للسحت والمال العام ..
هههههههه
دولار…فوق…بس
درهم تصعد….بس
مـا كان في ماضي الزمان محرماً …
للناس في هذا الزمان مبـاح …
صــاغوا نعوت فضائل لعيوبهم
فتعــذر التمييزوالإصـلاح …
فالفتك فن والخداع سياســة وغنى اللصوص براعة ونجـاح…
والعري ظرف والفســاد تمدن والكذب لطف والرياء صـلاح
هههههههههههههه
اتهم مدير القمسيون الطبي ياسين عباس جهات حكومية بتسفير منسوبيها للخارج دون الرجوع للقمسيون الطبي. وفيما قال إن هذا الأمر يهدر المال العام، وجزم أن القمسيون هو الجهة الوحيدة التي يحق لها تحديد السفر الى الخارج للعلاج، في وقت كشف فيه تقرير لوزارة الصحة الاتحادية، أن 5 أمراض تعتبر الأعلى في معدلات السفر للعلاج بالخارج وفقاً للتقرير السنوي للعام 2018…..
ههههههههههههههههه
انا استبدل كلمة هدر المال العام
بى كلمة هبر المال العام ههههه
كلمة حلوة كدا وخفيفة ظريفة تخش فى جيب كل معلم وكدا …. هههههه
دولة /فخامة معتز موسى صدمة هههههه
قلتا ولا معينا لفساد
اها يا…
لماذا يشتعل السودان
السودان قبل كل الدول عرف ثورتين شعبيتين ولم يشتعل
أعتقد أن أسطوانة اشتعال السودان كسوريا وليبيا واليمن اصبحت مشروخة وقبيحة
هل هناك أسطوانة غيرها يصدرها لكم الحزب لتلعبوا عليها
لا تتحدثوا عن خلود هذا النظام فهو حديث وهمي. المجتمع يتغير الآن والمعروف أن التغير إذا بدأ لا يقف ولا يعود الأمر كما كان قبله
الفاتح عز الدين ليس هو الواجهه التي يجب أن يدافع عنها الإسلاميين ولا أعتقد أنه ينتمي للحركة الإسلامية هو مؤتمر وطني. أستغرب أنه دكتور كما أستغرب أن يكون واجهه يكبر خلف حديثة الحزب. لكنه الإفلاس في وجود أشخاص أصحاب وزن فكري ومنطق ويكفي حديثه عن قطع رؤوس الخارجين وقال أنه لا يقصد الشعب السوداني لكن المرجفين من الشيوعيين والبعثيين.وهل هؤلاء ليسوا من الشعب السوداني ؟؟؟؟
ويكفي حديثة عن طباعة العملة رب رب رب. هل هذا أسلوب دكتور.
النظام الحالي فشل في تحقيق الأهداف التي نادى بها وأصبح السودان يتسول على أبواب الآخرين يشحد الدقيق والبترول والقروض ويشحد الاستثمارات والعالم يتفرج عليه.
لقد حرمتمونا حتى من الكرامة والعزة التي كنا نتمتع بها.
الرئيس نخجل من أحاديثه الخالية من الفكر والمنطق المليئة بالخطاب العاطفي المنتهية بالرقص.اين وعوده نأكل مما نزرع ونلبس مما نصنع ولن نركع. وقريبا لولا الحياء لوقعتم على اتفاقية سيداو
والذي قصم ظهر البعير أنكم تتجهون لتغيير الدستور ليبقى مدى الحياة .ماذا قدم يستحق عليه البقاء.وكيف أكد أنه زاهد في الحكم ويقبل الآن
سهير شتراء
الفاتح كلامي وعلي عثمان كلامهم فرغ من مضمونه وارادو به عنل سياسي غير شريف.
لكن النظام دا يعقد بس
لانو الهيجان انتهي لانو الدول الداعمة له تراجعة . بسبب تماسك النظام. ودا الواقع شأنا ذلك ونحن له كارهون.
أخونا ود بندة والله يا أخي لم أستقبل أي معلومة من تعليقك فالأخطاء الإملائية كانت أكثر من الكلمات الصحيحة مما أفقد التعليق معناه …عموما ربنا يفكينا شر رفع الضغط و الموت معاكم ياخ
والله اليوم مستغرب جدا من مقالك رغم كمية اللامنطق فيهو انو المقال لنهايته خلا من >كر اي اغتصاب ولا ايحاءات جنسية .. غريبة ما عادتك يا سهير يا صحفية يا محترمه .. اما الفاتح عز الدين رغم راي الصريح فيهو وقله عقله لكن من حقه ان يتجه للقضاء ضدك بخصوص ه>ا الكلام صدقا او كذبا… اما كلمة اللسانسير التي ذكرتيها فهي لا تعيب اهلنا الغبش لانها جزء من لغتهم .. وله مش كدة يا زولة ام مقت ريفي الكاملين.. لا تنسي اصلك وتعملي فيها ام المفهومية
مشكلة سهير انها بتنشر الغسيل الوسخ للمؤتمر الوطني لانهم منعوها من الكتابة ردحا من الزمن وكانت مفلسة والدنيا كانت سوداء في وجهها ..عشان كده هي بعدما سمحوا ليها بالكتابة وبعد الاريتري راح بقت تاخد راحتها في الكلام وفي (( الردحي )) خاصة هي شاطرة في هذا المجال …
سهير احسن ليك كلي عيش … وبلاش تاني تهبشي الناس ديل … ديل مجرمين بشهادة .. ديل مصوا دم الشعب السوداني كله … كونهم يرموك في الزبالة اسهل من شاي الصباح عندهم …
هناك سعالين بس يا ريت الناس تجاوب عنهن بصدق :
١/ هل كان الفاتح وزيراً في يوم من الأيام ! ما أعلمه أنه كان رئيساً للبرلمان وليس وزيراً ، ولو كلامي غلط ذكروني .. شايف سهير قالت انو كان وزير .
٢/ هل توجد دولة (فيها ثورة) يمكن أن يكتب فيها صحفي كلام حار زي كلام سهير دا وكل يوم يكتب زيو وزول يسألوا مافي ؟ حريات لمن فايتة الحد
انت عارف انك كوز والاستاذه سهير بتكتب الحقائق والشعب السودانى الغير اخوان
يحترم الاستاذه ويحترم كتابتها الصادقة
سهير وغيرها من الذين يدعون الكبت والقمع من قبل الحكومة أو النظام يناقضون نفسهم بنفسهم
سهير التي تدعي قمع الحريات هي تكتب في صحيفة محسوبة علي الحكومة ويمتلكها الرزيقي نقيب الصحفيين ولا يحتاج لتعريف.
سهير ومدعي قمع الحريات نجدهم يسلون السنتهم وسياطهم علي الحكومة ومنتسبيها ليل نهار ولا أحد يعترضهم
يستخدمون العنف اللفظي ويحرضون ويهددون وكذلك لا أحد يعترضهم.
انتو بتهددو بالسورنة لانكم عارفين روحكم مجرمين وناوين تقتلو لاجل ااسلطة…لكن برضو تسقط بس#
نجحت الثورة او فشلت ياريت كل زول يكون امين مع نفسه ……… ليه نطبل وندافع عن الباطل ؟؟؟؟؟؟؟؟
هل انت مسلم ؟؟ مش اسلامي بالمعنى السائد عندنا الان في السودان ….اعني مسلم يعني انك تدين بالاسلام .. اي انك ميت وموقوف امام ملائكة شداد غلاظ ابتداءا من اول لحظه لك بالقبر ، هل انك مؤمن ان هنالك ملائكة تكتب ماتقول هل وهل وهل……..
والله لم اكن يوما من اهل اليسار لكن خلونا نرجع شويه وراء ، اهل اليسار كانت لهم فرصة في حكومة نميري هل سمعتم ان هنالك شيوعي حرامي سرق ولا اغتنى من مال الشعب؟؟؟؟؟؟؟؟ هل كان هنالك مثل الذي نرى الان ؟؟؟؟؟
بدات الانقاذ في 89 وكان كل الشعب السوداني فرحا بالثورة التي ظن ان فيها الخلاص لانها ترفع شعارات يتبناها جل اهل السودان المتدينين اصلا…….
زول فاسد مختلس مستغل للمنصب يعني حرامي …… حرامي .
حاجه اخيره …….كلنا بعدين محاسبين …….عشان كدا خليكم واعين انتوا قاعدين تعملوا في شنو …يعني دفاعما يالياطل عن ناس معروف ماذا فعلوا يعد اشتراك معهم في فعلتهم ويعتبر قول زور ….الا وقول الزور وماذال يكررهها حتى قلنا ليته سكت او كما قال في الحديث الشريف.
ماتنسوا الموت والحساب …. مالدنيا قد عملنا … هناك بجيبوا ليك حياتك دي فيديو يعني ماح تقدر تنافق هناك ……وهناك دي ممكن تكون باكر وممكن تكون هسه …… خافوا الله .
هذا المدعو بنده فعلا كلب أمن ساقط فاشل حتى ابسط الكلمات لايعرف يكتبها.مثل هولا هم مايملرسون بما بعىف بالعهر السياسى والقواده لهذا النظام الفاسد
الشيوعييون يعيشون الفقر والمسبغة مع الشعب السودانى الإسلاميون فى دعة من رغيد العيش والترف فهم من سرق أموال الشعب واهدر موارد البلاد. فمن المجرم إذن ؟
هل هو من يعيش الفقر والمسبغة مع المواطن ؟
ام هو من سرق ثروات والبلاد وجعل الشعب يموت مرضا وجوعا فدمر الوطن والمواطن باسم الدين تدليسا ونفاقا من هو المجرم بالله عليكم ؟
الشعبى يقول للمنسلخين منه انه يدعم البقاء مع الإنقاذ رغم قهر المواطن وقتله وتشريده وذلك حرصا منه على مصالحهم الشخصية التى حققوها بنهب موارد البلد أنهم يخشون الفطام من رضاعة اللبن بالسرقة حجتهم بقاء هذه الحكومة أفضل الف مرة من دعم ثورة تانى باليسار ياتى هذا الزعم رغم قناعتهم بفشل الإسلاميين فى قيادة البلاد فحكومة فاشلة وهم على يقين من كامل فشلها ويتمسكون بها فقط من أجل مصالحهم الشخصيه وحوفا من الحساب على جرائمهم التى يعرفونها جيدا ولسانهم يقول نفسى وحريقة فى السودان وشعب السودان فبالله عليكم هل هؤلاء إسلاميون واقسم بأن اليهود والكفرة والمشركين أفضل الف مرة منهم لأن المنافقون فى الدرك الأسفل من النار فهؤلاء القوم هم أشد كفرا ونفاقا فصلاتهم للتضليل وتلاوتهم للسرقه والتطبيل فهؤلاء من الذين تزيدهم صلاتهم بعدا من الله لنفاقهم البائن اليهود اشرف منكم ايها الكيزان الخونة انكم خسرتم الشعب خسرانا مبينا فانتم الخاسر والخزى والعار لكم أيها الخونة والعصيان المدنى سيقتلع شجرتكم الفاسده وسوف نحرقها بمن فيها ليس غلا إنما قصاصا
يا أب زرد… ليه كده بس الشتيمة دي !! قلنا نتحاور بس يا حبوب.
وبمناسبة مظاهرات اليوم قابلت واحدة جارتنا يسارية ظريفة جداً (صديقة الأسرة يعني ومحترمة جداً) فقالت لي: شفت يا أسامة مظاهراتنا كيف الليلة؟ قلت ليها: آآي شفتها صغيرووونة وحليوووونة سكر بس ههههههههه.
البنت إتغاظت مني شديد ذي ما أنت هسع مغيوظ يا أب زرد 🙂
من شيمه اي رجل سوداني محاولته الحفاظ على نسائه واطفاله بعيدا عن الخطر وهذا ما حاول الدبلوماسي فعله عندما طلب اللجوء لاسرته. بغض النظر عن اختلافي مع النظام الذي عينه فأنا ارى اي محاوله لالحاق الضرر باسرته شئ لا اخلاقي ولا يمت للمروءه بشئ.
فاختلافنا مع النظام وليس النساء والأطفال ولو حاولنا ان نجاريهم بالمثل ونلحق الضرر بالأسر فماذا نختلف عنهم وأي خير سيرتجئه السودان منا.
يجب التركيز على عوده الأموال التي نهبت ونقلت الى خارج البلاد لاستخدامها في تنميه البلاد بعد ذهاب هؤلاء عاجلا ام اجلا وكذلك يجب علينا محاولة الحفاظ على ارواح شبابنا وعدم الزج بهم في مهاوي الهلاك بينما هناك من ينتظر ساعه الصفر للاستيلاء على ما ستنجزه فورة الشعب هذه كما فعل السيسي بثورة ٢٥ يناير في مصر.
والله المستعان وندعوه ان يحفظ الارض والعباد.
مفتاح اللسانسير كانت تعطيه المفتاح ومع دخول المجرم تفصل التيار لمدة 12 ساعة ليموت بالإختناق فرصة ذهبية
صعاليق لا فض فوك يا بنت عبد الرحيم