الهندي عزالدين: الدولة العميقة دولة الشيوعيين والكيزان ما عندهم “الحبة” !!
ثبت بالأدلة القاطعة إنو (الكيزان) ما عندهم دولة عميقة ولا عندهم (الحبة) ..
دولة كانت (قاعدة كنب) .. كان رازقها الله بس ..
الدولة العميقة ثبت الآن إنها دولة الشيوعيين والبعثيين والاتحاديين و الناصريين الجوا أول أمس .. !!
الجرايد اليوم (الأربعاء) كلها ما طالعة ..
والسبب إنو مطابع تابعة لجهاز الأمن والقوات المسلحة ما عندها جهاز (CTP) البحوِّل الجريدة من الكمبيوتر ل(بليت) معدني ، ومنه للمطبعة ، أي التجهيز قبل الطباعي ، أو عندهم لكنه متعطل ، إهمال وعدم متابعة . ومعظم الجرايد بتعمل التجهيز الطباعي دا في السوق .. في ماكينة تتبع لناشر صحيفة (الجريدة) المهندس عوض ، أو في محلات أخرى جميعها مضربة !!
هل الجهات المختصة عسكرية وأمنية و سياسية لم تتحسب منذ صباح أمس لهذا الأمر بالغ الإحراج للمجلس العسكري .. للفريق البرهان .. و الفريق حميدتي شخصياً ؟؟!
لما الخرطوم تصبح الصباح وما تلقى جريدة ، تبقى فضيحة للدولة .. للمجلس العسكري الحاكم ، مع إنو ناس الجرايد عملوا العليهم وطلعوا جرايدهم ، و كتبوا مقالاتهم وأخبارهم ، ورسلوها المطابع ( عشان ما يغشكم بكرة صحفي صغيِّر يقول ليكم نحنا مضربين وما اشتغلنا الجرايد) .
أنا شخصياً كتبت مقالي من (العصر) ، كنت بكتب بالليل عادة ، دا معناها شنو ؟؟
أربعة أو خمسة عمال (سي تي بي ) يوقفوا إعلام البلد ؟؟ والبلد حاكمها مجلس عسكري فيهو جنرالات استخبارات و أمن ؟!
دي فضيحة ما بعدها فضيحة !!
وبعد دا يقول ليك : اعتصام القياده (بالهاء !!) .. لم تسقط بعد !!
الهندي عزالدين
المطبلاتى زمن راح ان شاء الله مدنية وضد الحرامية وليك يوم
استعد يا أيها المعتوه يومك قرب
يا عمي ظهورك والرزيقي واسحق يعني ان الكيزان ما زالوا على سدة الحكم وانها لم تسقط. بعد..
اذا ناشر صحيفة الجريدة وبعض المحلات مضربة فبالتأكيد لها أثرها الكبير أيضا .. ثم لماذا في الأصل يمتلك جهاز الامن والمخابرات مطابع؟؟ لتكون الرقابة السيئة وتمرير الأسوأ مما يكتبه أقلام الكيزان
اللهم عليك بالكيزان انهم لا يعجزونك
اللهم اهلك الكيزان ومن يطبل لهم والمنتفعين
اللهم دمر الكيزان
الاخ المناضل الحر الهندي
المجلس كترت عليهو والحاجات الصغيره دي كان تنبهوهو انتو
لكن معليش يبدو الان هو عرف الطيب من الخبيث والان ولقدام الدوله حتطلع بدروس وعبر وحتكون الخطط والمعالجات الاستراتيجيه بحول الله
من البدايه كفوضي تجمع ناس لاعتصام ولي قطع الطرق ولي ضرب النار ولي كيفيه تجمع المرده والمتمردين ف اماكن محظوره لي دخول العملاء والطابور والمخابرات
نثق في قيادتنا الامنيه والعسكريه
لكنهم كانوا ع نياتهم من البعض في البدايه وتمت المفاجاه لهم والان نثق تماما في المعالجه جاريه بنجاح……….
الكيزان كانوا يحفروا لبعضهم لكن الحفرة وقعت عليهم كلهم عشان كده اختفوا نهائيا