حسن اسماعيل يكتب: البشير وحده كان هناك (تسقط بس) !!
ــ حمدوك يتحسس مقعده من جيبوتي ويستفسر عمر مانيس عن (العقاب)… وبقية ربطات العنق التي تركها في مكتبه
ــ البرهان ومذ قرأ قانون التحول الديمقراطي الأمريكي الذي يجرد يد الجيش من أصابعها ويحجز للبرهان في طائرة مايو القادم المغادرة إلي المجهول ــ مذاك ــ يبحث عن ( القراف) ليدقه ..(دق القراف خلي الجمل يخاف )
ــ البرهان من الفشقة يختار صفع الأحباش وكأنه يفش غليله في ورطة الوثيقة الدستوريه التي جعلته فحلا لملكة النحل (ينكحها ثم تأكله) ويتدفق العسل في جوف الأمريكان …الرجل يرسل ثلاث رسائل ذكية في ثلاثة اتجاهات ..الأولي لمراهقي السياسة الذين يلمزون الجيش ولخونة المهاجر الذين لايزالون يكتبون ضد الجيش مذ إتهموه باغتصاب النساء والثانية للفضاء السياسي الداخلي السوداني ومفادها ..إن كان البشير عاد من قطية في الجنوب لاستلام السلطة وحسم الفوضي فإنني في القضارف. وفي ذات القطية ..ثم رسالة للأمريكان …أنني قادر علي إشعال الخاصرة الشرقية وتسخين البحر الأحمر وتخريب (الرصة) ..( وأنا بنده بقول وروسيا تتصنت)!!
ــ وحده البشير كان في الخرطوم ويستفسر عن غياب القاضي الذي يحاكمه علي إنقلاب 89 ويقول ضاحكا ..( إن شاء الله مايكون واقف في صف العيش)
ــ وعلي عثمان يتكئ علي حائط السجن يراجع عبر اليوتيوب حلقته مع الطاهر حسن التوم وهو يفكك ملغومة ( تسقط بس)
ــ تسقط بس التي تحولت الي بيضة ام كتيتي ..كان شلتها قتلت ابوك ..وكان خليتها كتلت امك
ــ وهاهي تقال لكل من يمد عنقه يوم أمس …(حمدوك تسقط بس) ..(الحزب الشيوعي تسقط لمن تزبط) …وترفع في وجه الأحزاب والحركات ..وكلو ضد كلو
ــ وشاب يناديه أقرانه ( ببعوضة) يشتكي من موكب آخر يشتم حمدوك ويكبر الله ..فيصدمه أقرانه بشتيمة الحزب الشيوعي فيبلع ( السفة) التي تحت أنفه وخلف مشفره الأعلي ( ويخارج نفسو)
ــ أحد أفراد المجلس السيادي يقول الدعوة لإسقاط الحكومة قفزة في الظلام ..والظلام يضحك ويصحح العبارة ..( قفزة من الظلام)
ــ والمراقبون والمراسلون يتحيرون في توصيف المشهد وفي النهاية يرسلون رسائلهم كما هي …المشهد في السودان اليوم ..(سخلي وسخلك دخلوا السلخانه …يقدر سخلك يسلخ سخلي … ) وسخل المؤتمر السوداني ووجدي صالح يحذران من التظاهر ضد حمدوك
ــ ثم نهمس في أذن الاسلاميين منذ اسبوع ..لاتدخلوا يدكم في الخلاط ولاتوقفوه ..(الجفلن جفلن …وماتقرعوا الواقفات) …فخار يكسر بعضه
ــ وخلاصة ماحدث يوم امس ان الفرز الذي بدا واضحا في 21 اكتوبر الماضي قد بلغ مداه الآن …وهو يتجاوز الحجاب الحاجز في طريقه إلي. ( الصرة) ..(ومااشي)
ــ أما خلاصة الخلاصة .. أنه لم يعد لحكومة حمدوك ظهر داخلي … (والماعندو ضهر .. يندق علي بطنو) ..( جنس دق)
ــ و
ــ البشير وحده كان هناك ويسأل عن القاضي .. ويضحك
حسن اسماعيل
حسن طرحة …
لا أرضا قطع ولا ظهرا أبقى
وفي النهاية بقى يحاول الطريقة الاسحاقية في الكتابة …
بئس المآل !
والله يا منعم ما قريت إلا العنوان والباقي نزلت تحت عشان اقرأ التعليقات
تعليقك رهيب وخاصتاً موضوع الطرحة الزويل العاهة ده قايل الناس نست
حكاية الطرحة وجاي يعمل فيها فحل نمل غايتو قولو للعاهة سوق سعد قشرة
جابو فيها طرح ما بتهد في الغسيل .
لا البرهان ولا كباشي ولاغيرو ولا كل المكون العسكري كلو لانو وسخ وبقايا النظام الفاسد كلهم جرابيع الإنقاذ ما يقدرو ولا يحلمو بحكم السودان مره اخرى الحسو كوعهم ذي مالحس نافع على نافع في سجن كوبر وهم اجهزو بس للوقوف أمام المحكمه الجنائيه في جريمه فض الاعتصام ودا الحبل الاحنا الثوار بركبو ليهم في رقابهم.. لا كيزان ولا مجلس عسكري وسخان وسكران وطشمان.. السودان لأهل السودان وريسنا لسه ما جاء ولو اخترنا بنختار حمدوك تاني.. فوق ياحمد ك فوق ياحمد ك وكفى..
عووووووووووووووووووك
هوووووووووى ياااااااااا ناااس هوووووووووي
عوك عوك ي ناس الحله البحر البحر البحرررررررر جاااااااكم جاااكم
سير سير ي البشير و نحن جنودك للتعمير
و يوم الجد ندوس كل شيوعي و العربيد السكير
و المسطول و ناس البنقو يهروووو عديل و يقولو داسنا الفيل
و نحن جنودك ي السودان
نعز الكاكى في كل زمن و بكل مكان
التحية لنسور افريقيا السمراء
التحية لجنود بلادى
و الشموخ لك ي السودان
نهدى ثورة المساطيل موجه من الطوفاااااااان
ياناس عووووك وياناس هوووووي
هووووي انت
انتهى زمن الخم والرورااااااي
اللعبة عايزة عقول ولعب هاااااادي زي لعب المايسترو حمدوك
جيشنا فوق راسنا ويدنا اليمين …. بس لما يكون جيش رجال وبيشتغل بمهنية وقادته رجال اشاوس
الثورة ثورة شباب واااااعي ومفتح وقادر يبني بلدو
انتهى عهد البلطجة والحرامية وهي لل……..دنيا
الجيش وحده يفكفك هذه الألغاز.
لو كانوا سمعوا كلام ابن عوف ما كان صار الليصار لكن الاحزاب المريضة كانت تفتكر هي اشطر من انتخابات بعد عام ونصف كما قال ابنعوف.
هذه التخمة الحاكمة الفاشلة لن تتقدم خطوة للأمام
لقد انتهي زمن اللحس من مال الكيزان المسروق من عرق الشعب السوداني… شوف لك شغل شغلة تأكل منها حلال لعل وعسي تكفر من عملك مع الشيطان الرجيم
يكفى انك غيرت مبادءك فى سبيل دخول السلطه… ولم يكن لك اليوم من نصير لقد حرقت نفسك… بددت نضالاتك ….يكفى ان هذه الثورة ابهرت العالم فلم تراه انت ؟
و الله فعلا ابهرت العالم
صفوف العيش و الوقود و الغاز و انخفاض الجنيه
لأنها بصراحة أسوء ثورة في تاريخ البشرية
بئس المقال و بئس ما تبشر به مفتكرين السودان هامل يعني يا الكيزان بي وسخهم يا العسكر الفاسدين طلاب السلطه لا يا وليد السودان له شبابه و رجاله و نساءه لايرضي بغير حكم مدني ديمقراطي عادل نزيه استعجلت و سخت تاريخك بمشاركه المترديه و النطيحه و فطييسة المؤتمر الكيزاني المباد و تحاول تخويف الناس