ميناء بورتسودان منذ هجرة الصحابة رضي الله عنهم لم يتوقف إلا في عهد حكومة قحت
لقد خيبت قحت آمال وتطلعات الشارع. وإنزوت غالبية الأقلام التي كانت تدافع عنها. وما تبقى منها الآن متشائم ومحبط. وكيف لا. وميناء بورسودان منذ هجرة الصحابة رضي الله عنهم لم يتوقف إلا في عهدها.
وعيال دار جعل ضربوا النحاس (الما خمج) لطرد عجوبة. وشيطان السلام جري مجري الدم في عروق الجبهة الثورية. ومدينة الجنينة منذ الأمس لبست ثوب الحداد. والعام الدراسي في كف عفريت. فخير لوزارة التعليم لكي تطبع ما تبقى من منهج الزنديق تأجير تلك المدارس للتجار كمخازن.
لأن قروش (القومة الحمدوكية) إن صحت رواية صرفها لم تكف طباعة المنهج كاملا. والأسود في الفشقة والأيادي على الزناد والحكومة العميلة تطعن في الخاصرة بالهمز واللمز. وغول السوق (فات حد الوصف) فنحن الثالث في العالم تضخما. والشركات توقفت عن البيع.
وهناك أنباء تشير لعدم مشاركة حزب الأمة في الحكومة القادمة (لطمة سياسية). عليه نقول: (مهما يكن من أمر لابد من إيجاد حل. فالوضع الحالي تعدى مرحلة الاحتقان في جميع مناحي الحياة. وأخف الحلول المقبلة للجميع ولا يزايد عليها أحد. بالرغم من خوف اليسار منها. لكن هي المخرج. فهي الإنتخابات المبكرة. وكما تمنينا أن يكون اليسار رجال دولة ويأتون بالمصالحة. ولكن من حبس نفسه في دائرة التشفي لا يعرف للمصالحة طريقا. فخير لتأديبه قيام الإنتخابات).
د. عيساوي … جامعة سنار
الأحد ٢٠٢١/١/١٧
ستصرخون كثيراً يا دوك
ماشي بعيد مالك في عهد (الصحابة ) اي الكيزان ميناء بورسودان كان بيستقبل
حاويات المخدرات ما سمعنا صوتك ليه جاي
بعدين ده شنو (دوك) وما قادر تقول ليك جملة مفيدة , من الميناء , وعيال جعل .لين قروش القومة
لحزب الامة . لميتم في حزمة بكائية واحدة وما بتصلح ساعات !!!!!!!!!!
((((وغول السوق (فات حد الوصف) فنحن الثالث في العالم تضخما. والشركات توقفت عن البيع.))))
هسع إنت دكتور وفي جامعة !!!!
غول السوق عرفناهو ! والثالث تضخماً فوتناها ! الشركات توقفت عن البيع !!!!!!!!!
يا ربي الشركات الإتوقفت عن بيع شنو ! وشركات شنو !!
يا دكتور الله يكون في عون اولادنا لو إنت بالمستوي ده قال دكتور قال
الله يكون في عون اولادكم المن جات حكومة القحاتة وقفوا سنتين من القراية يعني حروف ابجدية ما اتعلموا
انتو المأدلجين ديل صم بكم و الحاجات الذكرها صاحب المقال واضحة و مفهومة و لمن الكلام ما اتبلع ليكم قعدتوا تتكلموا في الصياغة و الاملاء
صدق الشاعر عندما قال:
اذا كان الغراب دليل قوم
يمر به على جيف الكلاب
و الله العظيم ما في غراب في السودان غير القحاتة و قطيعهم الموهوم
تسقط قحت الجابت القحط ويسقط معها المطبلاتية وحارقي البخور الذين لايرون الحقيقة
يا دكتور حدثنا عن سودان لاين كم كان عدد بواخرها كم كان دخل الباخره الواحده عند ذهابها من بورتسودان إلي الشمال كم عدد الاجانب الاوربيين الذين يعملون بها كيف كانت كفاة المهندسين البحريين وكم وكم حدثنا حتي نستفيد ونعرف يا كتور جامعة سنار .