يوسف أبوسن: التيار الإسلامي 80% منه كانوا ساخطين على البشير
لا تضطروا الإخوان إلى أضيق الطريق .. ببقى ليكم بمبي شديد والله .. خلوا الإخوان يمارسوا سياسة عشان لو مارسوا غيرها بتتعبوا ..
التضييق البمارسوا فيهو ناس قحت على أي زول بنتمي للإسلاميين أو منحاز ليهم بإسم الإنتماء لتنظيم محظور ، الكلام دا يعد مشروع لتوحيد التيار الإسلامي من ( أقصى يمين اليمين لأقصى يسار اليمين ) ، ومن ضمن ديل يوجد عساكر وضباط سابقين وأمنجية ذوي خبرات وناس ممكن يصفروا عداد البلد دي إلى ما بعد خراب سوبا ، بس ناقصهم دافعية للشغل دا ، والآن قحت بتصنع في الدافعية دي وعلى نار هادئة .. وإحتمال كبير يكون البيحصل دا ما غباء من قحت .. بل هو جزء من برنامج عملها للفترة الإنتقالية ..
طبعا الموضوع بتاع التمرد المحتمل للإسلاميين دا ما عندو علاقة بالبشير يحكم أو المؤتمر الوطني يرجع تاني ، الموضوع موضوع كرامة ، فالتيار الإسلامي دا 80% منو كانوا ساخطين على البشير وكارهين سياسات حزبو وخرجوا ضدو في يوم من الأيام ودفعوا تمن كبير في عرضهم لمواقفهم دي ..
عن نفسي ومع كمية التصالح الكبيرة الربنا أداني ليها ، لكن بسبب غباء وفعايل النظام الهسي دا ما بستبعد ألقى نفسي شايل سلاح في يوم من الأيام ، لسبب بسيط .. لو الشغلة دي أنبشقت وبقت بين راكب ومركوب .. قطع شك يا حتلقاني راكب أو ميت ..
لعنة الله على العملاء والخونة ..
يوسف عمارة أبوسن
ان شاء الله ما تضطر انت ولا نحن للسلاح لكن الحصل خلانا نقتنع بانو قحت واحزابها البغنوا حرية اكتر ناس يمارسوا الديكتاتورية وهم حقيقي خايفين تجي انتخابات يفوز عليهم الاسلاميين بس مؤكد بتصرفاتهم الخرقاء الخالية من الحكمة والخلق والشهامة لن يقف معهم احد والتعاطف الذي وجده الاسلاميين اليوم يسقط قحت واحزابها للهاوية .
حزني عليك يا حرية وحسرتي عليك يا عدالة مجرد افطار عصف بك في القرون الوسطي
لو80%من الإسلاميين بكرهوا البشير وسياسته صدقت.,لأنهم نفعيين عاملين أضان الحامل طرشة..وياكذاب ورعديد منتظر اليوم الأسود عشان تشيل سلاحك ولاأحسن الجري مع المغارب.الجاك..!
قلنا ألف مرة البلد محتاجة لمصالحة وطنية كبرى ولسة الفرصة قدامكم، إذا الإنقاذ عملت حوار وطني كاذب لكسب الوقت أعموا إنتو حوار صادق، الإسلاميين ديل أولاد الشعب واولاد قبايل من الشمال والشرق والوسط والغرب والكاتب ده مثلا ود شيوخ البطانة الغنت ليهو البنية والمواجهة معاهم حتتحول في 5 دقايق لمواجهة مع المجتمع ومكوناته وقبايله وفي اللحظة ديك حنتذكروا كلامي ده وتفتشوهو بي قروش وما حتلقوهو يا ناس قحط وطجم.
يا شيوعي موسكو مافي ليك ويا بعثي صدام كتلوه ويا حزب أمة الصادق كتلوه كلكم ما عندكم حتة تجروا ليها إن حميت فاختاروا بين المصالحة الوطنية الخالية من الأجندة الخارجية ومصالح الأجنبي وبين الحرب الأهلية الحتجيبا عمايلكم دي.
ناصح أمين
بالله هو الاسلام بقى فيهو يمين اليمين ويسار اليسار !؟
سبحان الله !!!
أها الفرقة الناجية ياتا ؟
……..
* السودان ليس فيه مشكلة دينية بتاتاً ..
ولكن من يسمون أنفسهم بالاسلاميين عملوا على اختلاقها من العدم . والآن حان الوقت للتوقف عن إنشغال الناس وإهدارهم للوقت في جدال عقيم حول اشكال مختلق . الوقت يجب يكون أن للعمل والانتاج إذا أردنا العيش بعزة وكرامة .