بابكر سلك
يا ينوركم يا يفوركم
* وتتعدد الأسباب والهدف واحد.
* وتتعدد الأسباب وسيدا برضو واحد.
* كترت الأسباب البنسمع بيها فى مشكلة أو أشكالية هيثم.
* مع العلم بأنو الأعلام الأزرق بدأ يغازل فى سيدا.
* وقوف أستراتيجى.
* غزل العودة.
* ولكنهم لا يدرون أن سيدا صاحب الكرامة والأحترام.
* لايخدعه من هربوا منه فى منتصف المعركة.
* لن ينقاد لمن باع القضية وتركه أمام مدفع البرير.
* سيدا ليس بثور هجين ليرحل من مزرعة الى أخرى بأوامر البيطرى.
* سيدا أنسان شفاف وحساس وصاحب كرامة.
* وعلى الذين تخلوا عنه فى منتصف الطريق ان يعوا ذلك.
* نرجع لى آخر سبب سمعناهو حول مشكلة سيدا.
* قالوا كاستن أعترض سيدا وهو داخل للملعب عشان سيدا ما حاطط
شنكار.
* فكان رد سيدا انه لا يحب الشنكار فى التمرين.
* ودخل الى الملعب.
* فأذا بكاستن والعهدة على الراوى يمسك بسيدا بطريقة غير محترمة.
* فكانت ردة فعل سيدا طبيعية.
* وكان كروجر حاضراً.
* فكانت ردة فعل كروجر غير طبيعية.
* لأنها كانت على ردة فعل سيدا.
* بدل تكون ردة الفعل على فعل كاستن.
* أيها الناس.
* فعلها قسطنطين قبل كدة مع قلق.
* والدم السودانى(الحامى)رد على قسطنطين.
* وفعلها خواجة زمان.
* جابوهوا السودان منقول.
* أيام كان السودان أنجليزى يا مرسى.
* قال داير يعمل نظام حقارة.
* وجد شاب سودانى فى شارع النيل.
* قال ليهو شيلنى فسحنى.
* لما وصل ياء فسحنى المعرجة.
* لقى روحو معرج والشاب راكب فوق عليهو.
* موقف جعل الخواجة يبحث فى الألفينات عن ذلك الشاب.
* الى أن وجده عن طريق سفارتنا بأنجلاند.
* يبقى فعل الخواجات الما بحترم طبايعنا وكرامتنا لا نحترمو.
* الخواجات ديل ما بيستفيدوا من هيك مواقف.
* لسة عقدة الخواجة متأصلة فينا.
* كأنو الخواجة بشر ولا يخطئ.
* والحكاية دى بتقلل من الوطنية عند الزول.
* بمناسبة وطنية دى.
* قالوا فى واحد بتاع بحر قابل بتاع بحر تانى.
* الأول مقشط قال للتانى أنا ماسودانى زيك؟
* التانى قال ليهو سودانى.
* الأول قال ليهو طيب أدينى حق المواصلات.
* التانى قال ليهو ماعندى..مابديك.
* الأول قال ليهو أنت ما عندك وطنية.
* التانى قال ليهو لو الوطنية أديك حق المواصلات أنا على اليمين نشيد العلم ما حافظو.
* أها.
* ننسى نشيد العلم ولا نظل حافظين للوصية.
* الوصية بتاعت جدودنا زمان وصونا على الوطن.
* معقولة شنكار!!
* شنكار ولا خمار يا خواجه.
* أيها الناس.
* لا تتضايقو من الشمات.
* فالشماتة هذه مسألة وكت وتنتهى.
* وبالشفناهو ده.
* صدقونى.
* الكورة السودانية موعودة بمازيمبية جديدة.
* أتذكروا كلامى ده كويس.
* ولوطارت قمرية.
* باقى القمرى بيلحقها فللى.
* فمستوى الشعار أمام شعار كادقلى.
* وأمام المهدية.
* يبين ان الفضيحة جاية.
* والأكرم منها الزوغان.
* زى زوغان الدمازين.
* وزى زوغان الدورة العربية.
* الناس كلها بتسافر.
* فقط يختلف ميعاد الحجز.
* أيها الناس.
* تفتكروا فى جديد فى أجتماع المجلس أمس..؟!
* أنا غايتو ما بفتكر.
* البفتكر يكلمنى.
* أقول ليكم قولة.
* أجتماع المجلس بتاع شهر أتنين سنة الفين وخمسطاشر.
* حايكون نفس أجتماع أمس.
* كلو تنوير والعمل على تطوير وتحديد يوم النفير.
* وما مشكلة نرك ولا نطير.
* أجتماع تنويرى عن الفترة الفاتت.
* ويغيب عنه رئيس بعثة قطر ورئيس بعثة أوغندا!!!
* طيب البنور منو؟؟؟
* والتنوير لو ما لى قطر وأوغندا.
* تنوير لى شنو؟؟؟
* يا حلة تنورى!!!
* عشان كدة الناس يجونا فوووووو.
* نور طويل ونور قصير.
* يكنتكو لينا ينورونا وينوروا لينا.
* ويتخطونا.
* يا حلة تنورى!!!
* الأخ عبدالصمد هو الكل فى الكل فى الفترة الفاتت.
* تتنوروا كيف فى غيابو؟؟؟؟؟
* عشان تتنوروا وتنوروا وتنوروا.
* كان تأجلو الأجتماع لحدى ما عبدالصمد يجى ينوركم ويفوركم.
* يا ناس المجلس.
* نبايعكم بيعة ما فيها رجعة.
* نبايعكم.
* تستاهلوا البيعة.
* ونستاهل نحنا.
* الناس كلها راجية المقررات والخطاب.
* متابعين لايف وبالواتس آب.
* تطلع الأيد فاضية من الجراب.
* نورونا عليكم نور.
* أها.
* نجى لى شمارات والى الخرتوم.
* أكان شفت يا والينا.
* النسوان ديل بقن مصنوعات ما فيهن واحدة طبيعية.
* العوينات ما طبيعية.
* حتى الرموش الفى العيون ما طبيعية.
* الصويفات فى الراس ما طبيعية.
* والألوان ما طبيعية.
* كلهن بقن صفر صفرة ما طبيعية.
* خضارنا الدقاق مافى ألا فى سوق خضارنا فى درداقة محلية ما
طبيعية.
* مافيهن واحدة طبيعية.
* يعطشن الجيم لما الجيم تعرف حاجة عطشة ما طبيعية.
* يمطقن الميم مطيقة ما طبيعية.
* وحاجات دخيلة علينا وأجنبية.
* بتخلى حاجات ما طبيعية.
* مالنا ما بنعرف سواقين أهلنا رباية الطعمية!!!
* ما طعمية ما طعمية ما طبيعية.
* وحاجات ما طبيعية.
* بتخلى حاجات ما طبيعية.
* وأحجام ما طبيعية.
* حتى الولادة يا والينا قصداً وعمداً بقت ما طبيعية.
* والرضاعة ما طبيعية.
* وتضيع صحة أطفالنا الطبيعية.
* وتضيع أشياء طبيعية.
* لى أشياء ما طبيعية.
* والله يا والينا.
* فى حاجات ما طبيعية ما طبيعية وما ممكن تكون طبيعية.
* يا والينا.
* لو ما وقفتوا حملة النسوان الهمجية الما طبيعية.
* وهجمتن على الأشياء الما طبيعية.
* ما تلومونا لو أفكارنا بقت ما طبيعية.
* ولو حاجاتنا بقت ما طبيعية.
سلك كهربا
* ننساك كيف والخوف حوجتنا تبقى ما طبيعية.؟
والللللللللى لقاء
سللللللللللللللك
في السلك – بابكر سلك
ولـــــدنا .. يا ســـــــلك .. تجبرنا على الإبتسام دائما … كارثة لو { حاجاتنا ما بقت طبيعية }
والله انا اول مرة اشوف خللققتك دى فى التلفزيون ومع الصحفى اماسا قايتو.والله ابشوفك بتتكلم عن كرة القدم والفوضى الحاصلة ما اقراالسخافات البتكتبة انت ومزمل وبقية الفاقد التربوى الرياضى المسمى صحفييين.هسع الهبل الكاتبو دة دخلو شنو بالرياضة.زى امثالك ديل خربوؤ الكورة فى البلد دى.هسع الله الله دى صلعة يمرقو بيها الشارع.مقرف.
وانت بتتكلم عن كرامة هيثم؟عليك الله هيثم دة لو عندو ذرة من الكررامة يمشى يسجل فى المريخ؟ياخى ديل اساءو الى والدتة ام؟ نسيت؟والله الوقفة التى وقف جمهور الهلال مع هيثم لم يقفها اى جمهور مع فى الكون؟ كذابون تزيفون الحقيقة.ماذا كنتم تكتبون عن هيثم قبل ان يسجل فى المريخ؟انت ومزمل وهيثم كابو.بلاش نفاق ودجل؟مقرف ومقذذ