فيسبوكمدارات

(الفاتحة على روح قحت)


حقيقي كده انا مندهش جدا” للأصوات البتتخيل انو البرهان ممكن يرجع الوضع لما قبل ٢٥ اكتوبر .. حصل شفتو ليكم قبل كده وزير بعتقلوهو في الحراسات و تاني برجعوه لكرسي الوزارة ؟ دي كلها امنيات و احلام مشروعة لانو من حقك تحلم و تتمنى ذي ما عايز لكن لامن يكون عندك قلم كبير مفترض ما تكتب احلامك دي على اساس انو ح تتحقق .. احترم ياخ عقلية الناس البتقراء ليك .. الردة مستحيلة و الحل في البل .. شعاراتك دي كلها هسه بتنطبق تماما عليك .
المجتمع الدولي و الإقليمي المعتمد عليهو ده مجتمع بتاع مصالح بفتش مصالحه وين ؟ و مصلحته لا يمكن انها تكون مع عودة الاسلام السياسي او البعثيين او الناصريين او الشيوعيين .. ده مجتمع ظل يحارب و يقاتل في الاحزاب العقائدية دي في كل العالم .. ما تتوهم و تتخيل انو بياناته و تصريحاته دي بتصب في خطك .. دي كلها مناورات و تكتيكات دبلوماسية بيلعب بيها على عقلك الفقير .
ح تتشكل حكومة كفاءات ذي ما قال الكتاب سواء كانت تحت قيادة رئيس وزراء جديد او تحت قيادة حمدوك و الاخيرة اصبحت الان بعد مرور ايام طويلة شبه مستحيلة .. انت ممكن تشوف انو حمدوك و ابراهيم الشيخ و مناع و وجدي صالح ديل روح و ايقونات للثورة .. لكن ابدا دي ما الحقيقة .. الحقيقة بتقول انو ديل شركاء في خطة تدمير الاحزاب العقائدية و التقليدية ..

ديل ناس كانت عندهم اهداف محددة حققوها باحترافية عاااالية جدا” و طلعوا من اللعبة بمكاسب كبيرة جدا على راسها انهم خلوك تفتكر انهم ابطال كبار .

لازم تعرف يا مؤمن انو المجموعة المسماة بقوى اعلان الحرية و التغيير دي ماتت إكلينيكا” منذ توقيعها على اتفاق جوبا و البرهان ما عمل حاجة غير انو قلع اجهزة التنفس الإصطناعي عنها و دفنها تماما” و الآن على البرهان انو يوفي بوعوده في اسرع فرصة ممكنة و يعلن عن رئيس الوزراء الجديد فمن كان يعبد قحت فقحت قد ماتت و من كان يدعوا للكفاءات و دولة المؤسسات و الديمقراطية فليشمر ساعده لبناءها .
نزار العقيلي
نزار العقيلي



‫11 تعليقات

  1. سيبك من موت قحت اكلينيكيا, و رينا أيه رأيك فى مصير السودان الذى أصبحت تتحكم فيه اسرائيل!!!

    1. ما فرقت كثير السودان كانو بيتحكمو فية عبدت محمد محمد طه “الجمهوريين” و الشيوعيين و البعثيين و …
      بالمناسبة الاسرائيليين هم اهل كتاب و بالتالي افضل من الجمهوريين و الشيوعيين والبعثيين.
      السودان من سيئ الي يسئ مع الاسف

      1. كلام في الصميم.وجوه الجك. بلا قحاته بلا صعاليك. ياخ ديلا همهم كله للفترة الفاتت دي يرسخو الانحلال في المجتمع وفساد المرأه بي شماعة الديمغراطيه والحريات. ما نفذو مشروع واحد يخدم المواطن. الله لا جاب عقابهم.

  2. لا اسفا علي قحت لأنها أعطيت الفرصة لتحكم فاختارات الفاشل العميل الشيوعي الديكتاتوري حمدوك على كدا لو تعقلت قحت تراجع نفسها وتجدد خيارات العهد الجديد بقيادة برهان ولو تمسكت بحمدوك فقد كتبت شهادة الوفاة لنفسها ولكنها أيام معدودة تتشكل حكومة كفاءات بدون حمدوك وينسي الشعب السوداني قحت وحمدوك وانتهت القصة علي خير.

  3. ممكن يعينو علي عصمان طه رئيس وزراء ..دا احسن واحد يكون رئيس وزراء للسودان، ونائبه يكون زعيم مليشيا الجنجويد حميدتي .. للحكومة الانتقالية، بعد سنتين يترشح البرهان لرئاسة الجمهورية، وتكون مشاكل السودان كلها اتحلت ويصبح السودان من الدول النامية، وممكن يكون من الدول النووية والعالم يتعلم من تجارب السودان رأيكم إيه في المقترح دا من واحد خبير عسكري استراتيجي.

  4. الفاتحة علي فهمك حمدوك وقحت متفقين مع الغرب علي الحكم وتنفيذ برنامج الغرب للحرب علي هوية الامة الاسلامية والفشل في كل الملفات الأخرى او المعارضة وحصار البلد من جديد والدخول في برنامج عمالة مكشوف وممول لتفتيت البلد وإشعال الحروب مرة أخري .
    وبرهان المسكين اتخدع من حمدوك الشيطان الذي سيعود للحكم كبطل قومي بدل ان يكون افشل الفاشلين .
    الغرب يتمسك بحمدوك لأنه عميل وحريص علي برنامجهم العلماني والضامن لذلك هو مبعوث الأمم المتحدة .
    قحت بعد ان فشلت واخدت شلون من حمدوك سيدفنها بعد ان يبادر بالانتقام من الجيش والبرهان.
    صبح فهمك يا انت والأيام بيننا

  5. انت شايت عكس ما حدث هو مسرحية عبثية فعلية خطط لها وبخبث ومكر كامل حمدوك والغرب ونفذها بجهل وغباء تام برهان .
    البطل حمدوك والضحية برهان .
    الفايزة قحت والمهزوم الشعب السوداني.

  6. اي واحد يفسر علي حسب فهمو كل الشعب اصبح محللين سياسين في الآخير دي مسرحية بمباركة اليهود المسيطرين علي كوكب الأرض منتج ومخرج الفلم صلاح قوش صديق اليهود المسرحية بطولة البرهان + حميدتي (المكون العسكري ) + حمدوك ورفاقة من قحط (كمبارس المدنية ) وبطوله بعض الاغبياء من الدول المجاورة (الامم المتحدة تندد بريطانيا قالت امريكا فعلت دي كلها احلام زلوط ) . مشاهدي المسرحية الشعب المسكين المغلوب علي امره النتيجة النهائية ما حدث في مصر حقبة مبارك خرج من السجن الي البيت الي القبر وهذا ما سوف يحصل للبشير.

  7. كلام في الصميم.وجوه الجك. بلا قحاته بلا صعاليك. ياخ ديلا همهم كله للفترة الفاتت دي يرسخو الانحلال في المجتمع وفساد المرأه بي شماعة الديمغراطيه والحريات. ما نفذو مشروع واحد يخدم المواطن. الله لا جاب عقابهم.

  8. خارج النطاق
    فرحة لا توصف باقالة البعثي وزير الشباب والرياضة يوسف ادم الضي الذي كان ضال السبيل , لا اتمني ان اراه مجددا في حياتنا الرياضية
    وزارة الشباب وزارة حيوية مهمة جدا وكل الوزراء السابقين كانو اغبياء وحميرا ,
    اتمني ان يوكل ملف الوزارة لردل كفء هميم يهتم بتطوير المناشط الرياضية وتحديدا كرة السلة
    ويجب علي الرياضييين كافة العمل علي الاطاحه بالفاشل كمال شداد فلا يعقل ان يتحكم بالحياة الرياضية طيلة هذه السنوات وهو رجل عجوز في السن ولم يقدم اي اضافة لكرة السلة

  9. عصمان يا مخبارات مصريه ما تدخل فينا جيشنا واحزابنا وكيزانا وقحتنا___________تبا لكم اهل الفتنة ليكم يوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *