الرجاء عدم نشر حالة الهلع وسط الناس بخصوص وضع مدينة بحري، بحري فكت الخناق الأمني عنها، وأغلب أحياءها القديمة هي بيوت عزاء الآن، ومترسة بره وجوا، هدأت الأوضاع لحد كبير فيها وفي الخرطوم وأمدرمان، تحدثت هاتفيًا مع بعض أعضاء لجان المقاومة من مدن العاصمة الثلاثة، أكد أعضاء من لجنة مقاومة جبرة أنهم وصلو حتى حي الدناقلة بحري، وعادو بعد أن طلبت منهم لجنة مقاومة الدناقلة العودة إلى قواعدهم.
مدينة بحري هي الآن صيوان عزاء كبير، الرجاء الالتزام بتوجيهات لجان المقاومة في مناطقكم السكنية.
تقبل الله أرواح شهداءنا الأبرار، وربط الله على قلوب أمهاتهم وأسرهم وألهمهم الصبر
وشفى الله جرحانا
#مجزرة١٧نوفمبر
#الردة_مستحيلة
Abubakr Abdelrazig
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الله يرحمهم لو باريتو تجمع الوهميين الشويعيين كتايب حنين بتشتغل فيكم نفر نفر.
من الناس ديل شفتو ليكم شويعي مات او اجرح او بعثي مايقشوكم الواحد يفكر ماتكونو ذي الفراش المبثوث. الله يهديكم
قال وطني قال… سوف تسأل يوم الموقف العظيم عما كتبته هنا….وستحشر مع من تدافع عنهم باذن الله….
صبرنا سنتين عجاف على القحاته جوع وتعب وضنك وشوفونا فترة حكمهم كيف لو ما القحاته ديل شغالين بالكراسى والمصالح الشخصية وبغشوا فى الشباب الثائر المندفع كقطيع الجاموس لايعلم شى ولا يدرى فالنعطى الفرصة للعسكر سنتين مثل القحاتة ولو فشلوا من حق كل مواطن يخرج ويطالب بحياة كريمة وحرية وسلام وعدالة الا عمرها ما اطبقت فى السودان وبعد خمسين سنة امكن تطبق حرية سلام عدالة بمفهوم غربى وعدالة وطنية وقوانين غريبة وبمنهج اسلامى فالغرب لديه الحرية والعدالة سلام ولكن ليس لديه اسلام . ا
نجرب العسكر ..والتلاتين سنة الفاتت كانت حرامية (من لعبة الاطفال عسكر وحرامية)
ثم تانيا هل السنتين المضت كانت حكم مدني ولا كانت شراكة عرجا ..ما ترمو لومكم كلو في قحت ..الحكومة السابقة كانت مدنية لكن الدولة كانت عسكرية ..اي شي كان مسيطرين عليهو حميتي والبرهان ..
وكم مرة اشتكي حمدوك من تغول العسكر وتعطيل خطط الحكومة ..وكم مرة القحاته ..المتفق عليهم بضعفهم كان يمارس عليهم السواقة بي الخلاء ..
واسقالة حبوبة عشة من المجلس السيادي خير دليل علي ذلك ..ذكرت في خطاب الاستقالة حجات مهم مافي زول ختي بالو ..بل تهكم منها الجميع ..
الخيار الوحيد للشعب السوداني هو الديمقراطية والمزيد من الديمقراطيةو..
مهاجمة الاحزاب لن يفيد اي شى والتغزل بي العسكر هو قصر نظر ..
مهما كانت الاحزاب سيئه فهي احسن وافضل من العسكر ..وبي جدليه بسيطة الاحزاب اذا كانت فاسدة وعرجاء يمكن اصلاحها من خلال الصندوق ..بي العربي اذا الحزب ما بيقدم شى للسودان يمكن بتره من خلال صندوق الاختراع اما العسكرى المعوج ماذا انت فاعل له ..عندو السلاح وعندو السلطة !!!!!!
ندي العسكر سنتين؟ هو بقتلو في الناس بدم بارد انت لو بترضى الذل من العسكر في غيرك عندهم عزة نموت واحد واحد ما يحكمنا برهان موت بعز خير من عيش تحت ظل الذل العسكر قبل سنتين الناس بهتفو ضدهم تسقط بس وما بنتراجع هو ياتو يوم عسكري فهمو كيف يشيل السلاح بس ويتفنن بيهو يدير دولة؟
والله انا بستغرب من كلامك ده. كأنه العساكر ديلا ما ابناء هذا البلد وجاين من كوكب تاني وفقط اعداء للشعب. ياخ فتح زهنك ده شويه وقيس الأمور بمقياس أوسع من كده. العسكر ديلا من صلب الوطن ده وهم الفدوه بأرواحهم في كل الأزمان والحقب. يكاد كل بيت سوداني فيهو عسكري أو ضابط زي مافيهو قحاطي. المشكله وين لو حكمو إذا كان الأمور بتتصلح والبلد تستقر!؟؟ وجربنا طول الحقب الفاتت ديمقراطيات كتيره. قسما بالله الأحزاب طوال حقبها خور واحد ما حفرته. خليك من أنها تبني ليك بلد. غير المشاكل والحفر لبعضهم والمناطحه والكرسي ما عندهم شي. ولا بهمهم وضع البلد ولا المواطن ولا معيشته.مافي نضج سياسي ابدا مع الأسف للنخب السياسية في السودان. وده حالها من السودان استقل.
عمليات القتل هذه تقوم بها كتائب حنين لاحراج العسكر مع المجتمع الدولي ، يجب على الشباب ان يعوا هذه اللالاعيب اليساريه وعدم الخروج في اي موكب آخر
خطوة القاتل البرهان التي ما كان سيجرؤ عليها لولا وجود الخونة الذين جاءت بهم مؤامرة جوبا،
بل قل لولا الخلافات السياسية داخل الحرية والتغيير… التي ما اتفقت الا على ازالة البشير فقط… ولم يكن لها برنامج ولا اهداف واضحة . وللاسف الجمل ما بيشوف عوجة رقبته. نصيحتي ان تنظر لكل الشعب السوداني وليس فقط قحط ومن عاونها
دا خبر ولا اعلان ولا رسالة ولا شنو .. ما مفهوم
الا اذا كان الغرض عمل ترويجي لعميات بحري من اجل استثارة الشباب وكسب عاطفة الشعب والمجتمع الدولي وزيادة الضغوط على العسكر!
الاخوة المحررون بالموقع اتبعوا المهنية في ما ينشر على صفحتكم
دايرين دم تاني يا وهم ولا كفاكم . ان شاء الله اولاد الناس يفهموا وما ينساقوا ليكم بالخلا تاني
اللة المستعان .