حكاية تبقي سمحة بعد الطلاق وتشتغلي وتعملي قروش دا كلام كيدي ساي
#مطلقات #عظيمات ياللعجب ——-
تابعت قروب جديد حاليا عامل رواج في الميديا برغم الوضع السياسي المهتز لكن في بعض الاحيان الاجتماعيات عندها حيز في الواقع …
لاحظت إطلاق كلمة (مطلقات عظيمات )علي هاشتاق بالقروب !!!!!
السؤال ——
فيما تكمن عظمة الطلاق ؟؟
هل الطلاق دا حاجة تستاهل الاحتفاء بيها ؟
هل الطلاق اي خراب البيت حاجة عظيمة ؟؟
هل تفكيك الاسرة وتشريد الاطفال حاجة عظيمة ؟؟؟
هل إنقطاع المودة والرحمة حاجة عظيمة ؟؟؟
هل الربكة النفسية وتغيير نفسيات الاطفال عند طلاق والديهم حاجة عظيمة ؟؟؟
هل التشويه الاجتماعي البحصل لعيال المطلقات بعد يكبروا وعدم توازنهم مع المجتمع دا حاجة عظيمة ؟؟؟
نحن متفقين ان الطلاق ابغض الحلال الي الله وفي أحيان كتيرة هو حل لمشكلة صعب حلها لكن عمرو الطلاق ماكان حاجة تستاهل التصفيق والاحتفاء !!!!
البحصل في القروب دا اقرب الي تحريض البنات علي الطلاق وفي ظل الظروف الاقتصادية الصعبة دي البيوت كلها الهاوية فمن الاجدر عدم تشجيع البنات علي الطلاق …
وحكاية تبقي سمحة بعد الطلاق وتشتغلي وتعملي قروش دا كلام كيدي ساي !!!
ممكن انتي في بيتك ذاتو تكوني سمحة وتهتمي بنفسك وممكن زوجك يكون ضراعك اليمين ومحفز ليك في شغلك ويساعدك وتنجحي في الشغل وتحققي امانيك !!!!
وحكاية تتزوجي راجل وتلاته واربعة مرات دي ما حاجة تستاهل التصفيق ولا بتعني انك خلاص واوووو ومرغوبة مثلا !!!
دي معناها بس انتي ما قدرتي تتاقلمي علي تكوين اسرة واحدة وتحافظي عليها وما بتقدري تقعدي مع زوج واحد بس عايزة الحرية المطلقة ومافي راجل كارب قاشو بقبل بكدا ….
عموما الزواج عمرو ما كان كسير مجاديف بل كان إستقرار وسكينة واحترام ….
وأحسن اي بت تمسك في بيتها سمح واتعاملي مع زوجك بطريقة لطيفة حتي لو كان هو زول كعب نحن بنات حواء بنقدر نحتوى الراجل ونخلي تحت يدنا ويبقي زي العسل معاك الاساليب الحلوة كتيرة ياخ والله يختك في عيونو…
القروب دا مهدد للبيوت السودانية والتجارب بتختلف عشان ما تستعرضوا لينا تجاربكم بتاعت الطلاق
ماتحرضوا البنات علي الطلاق 😒
ماتحضروا البنات علي الانقلاب 😜
عائشة الماجدي
هذه هي العلمانيه اختاه
جاءت تحرر النساء من بيت العفه الي حريه الشيطان
لا نستغرب ان نقراء غدا قروب عاهرات عظيمات
انها قحط العلمانيه انه حزب الامه الاصبح علماني
انه الشيوعي انه الاتحادي اليساري المنشق انه حزب السنابل انه الجمهوري والبعثي
تبا لهم
والله إنتي عظيمة وراجحة شكرا ليك، دي قروبات دعارة ماسونية والناس تقع فيها زي الذباب بلا عقل.
التحية لك الأستاذه عائشه .. البيئة الاعلامية التي بدأت تسيطر علي الواقع الاجتماعي وتصطاد عقول الشباب ذكورا واناثا الذين يتحمسون للتغيير السياسي والاجتماعي والمعيشي ، دون خبرة علمية أو نظرة عقديه أو وعي وواعظ أسري ( من منطلق التحرر فقط من ما يعتبروه قيودا دينية واجتماعية والتطلع الي واقع آخر لا يتلائم مع عقيدتنا ومجتمعنا الاسلامي المحافظ علي ارثه التميز عن غيره من المجتمعات في كثير من المزايا ( من وجهة من يقودون هذا المخطط )
الأر يحتاج الي دور كبير من المؤسسات التليمية والأندية الاجتماعية والمنظمات النسوية تحديدا لتوعية الشباب من الانجراف مع تلك المسوقات الجديدة علي المجتمع
المجتمع بحاجة لك يا أستاذه عائشة ولاأمثالك وآمل أن تقودي قروبا أو تنظيما للعمل عل محارية الأفكار المستجدة ، فالشباب لهم حاسة سريعة ةتأثر كبير بما يسمعو أو يقرأوون
وفقكم الله لما فيه خير مجتمعنا السوداني الأصيل الذي نباهي بوعيه وتميزه أمام بقية الشعوب التي نعيش وسطها خاصة في دول المهجر
شكرا عائشة الماجدي وأنا كمان ماجدي وأهلي ماجدية. هذا أسلوب تحريضي وإغرائي للتمرد على بيت الزوجية. والله ما أتعس حياة المطلقات والعازبات والأارامل وأغلب هذه الفئات ما حصل لهن من باب القدر المحتوم المكتوب ولكن أن تختار احداهن أن تكون مطلقة ومطلوقة فهذا لعمري لشيء في نفس يعقوب. عندنا هناك مجموعة من المطلقات ولهن صديقات من ما لم يزلن في عش الزوجية ولكن الكلمات التي غالبا ما تنطلق من المطلقات لغير المطلقات أي راجل يرفع رأسه فكيه عكس الهوى واشتري حريتك. هذا الكلام أو هذه المجموعة بالتأكيد لم تكن شيء عشوائي وإنما ورائهن تنظيم معين أنا شخصيا لا أره ولكني أستشعره.
كلام جميل جدا وبعدين الطلاق ممكن يكون سببا في انحراف المرأة نسأل الله السلامة
هسة شوفينا نحنا زمن البشير درنا منو الطلاق وابى يطلقنا ونصحنا ما سمعنا كلامه واتطلقنا منو بالمحكمة وسجناهو ورفعنا عليهو قضية نفقة هسة لا لامين فيهو لا في راجل ملا عيننا بقينا جاررررين الشارع نركب من سلك لي شاكوش لي حمضوك لي وجدي لي قحطان ومرات نقع الفنادق لي ناس فولكر وليمان.. مخير الله علينا خسرنا الدنيا والآخرة والله يستر من البشتنة وشيل البقج.
والله كلامك صحيح .الله يكفينا شر من يريدون هدم قيمنا واخلاقنا وديننا