رأي ومقالات

عائشة الماجدي: خليها تجوط


الشاهد في الأمر للذين يعلمون منعطفات السياسة إن العملية السياسية المتهورة حالياً وصلت النهايات والجميع يغرق في بئر محصلة الانهيار الكامل للدولة بحسابات اللادولة وحينما تتناقش مع أحد رعاة الحراك ونافخ الكِير والمحرضيين يرد عليك بدون ذرة عقل ياخ خليها تجوط…
وللامانة إذا لم يتم إنتاج عملية سياسية جديدة وبمعايير وحسابات حصيفة تلافي الوطن من الانزلاق وتُفّهِم إن الكل خاسر في هذه الجولة وقتها سوف تنتظرون سوريا أخري ،،..
وعندما يحرق الوطن تبدأ الخيانة العظمي بيننا ووضع اللوم علي بعضهم البعض وتبادل الإتهامات وقتها منهم من يخرج جوازه الأجنبي من جيبه ويسافر الي محل أقامة أسرته وأخر يلملم دولارته من شطحاته البائسة في القنوات و آخرون يركبون تاتشرهم ويعودون الي تجارتهم بالإبل والوحيدة التي تجابه صدمات الزمان والنحيب هي أم الشهيد ووقتها ينفضون من حولها من كانوا يصفقون في الميديا ويدعون الحزن لها ووقتها لا يعرفون إنا في (قِدرها ) ماء او طعام يغلي تسد به رمق بطنها وإخوان الشهيد وحتي ذلك المصاب سوف يتلوي من مرضه سنين عجاف ينتظره الآهمال مثلما حدث في ثورة ديسمبر وجدتهم في إعتصامهم بعضهم أصابته نفسيات من كذب السياسين واللعب والمتاجرة بيهم ومن غلاظة العسكر في التعاطي بعقل مع الاحداث …

أيها الناس قليل من الوعي في هذة اللحظات الحرجة يجنبنا الخطر الآتي ويوقف شلالات الدم الذي يملأ جنبات الشوارع ويوقف أيضاً الدفع بالشباب كتجارة رابحة مرة في الجنوب ايام الكيزان وتارة بإسم ثورة الحرية والسلام والعدالة والآن بإسم اللآت التلاتة والقاسم المشترك بينهم هو موت الشباب وفتح بيوت الاحزان المؤلمة وإنكسار ضهر الأسر المكلومة ..…

ومحصلة قذارة الحراك تسيد عديمين الضمير والانسانية المشهد والمساومة بدم الشهداء مقابل وزارات وكراسي ومناصب والندامة والحزن والفقدان للشباب وضياع مستقبل وتقفيل كفالة بيوت كانت علي عاتقهم ….

كفوا وأرفعوا أياديكم عن الشباب واتركوهم يعيشون حياتهم من غير فرض سياج الاوهام عليهم بفرضية انت ترس اتقدم وإشتبك ….
وكفي ….

بقلم :عائشة الماجدي


‫9 تعليقات

  1. الذين يحرضون علي الخروج وجب علي البرهان ان يطبق فيهم قانون الطوارئ ويحاكمهم فورا بداية من مريم الصادق واخواتها واخوتها ونهاية باعضاء لجان المقاومة وكل من يوجد في الميدان او يظهر في القنوات ويدعو للتظاهر..ولو ضاعت البلد نلوم البرهان لان الحزاب عميلة وتبخث عن السلطة علي اشلاء ابناءنا الابرياء الجهلاء

  2. كتبت الماجدي :
    (إن العملية السياسية المتهورة حالياً وصلت النهايات والجميع يغرق في بئر محصلة الانهيار الكامل للدولة)
    ….

    كان الاولى بك يا عائشة أن توجهي كلامك هذا الى (عبد الفتاح البرهان) دون غيره . فهو الذي قام بالعملية الأكثر تهورا وحماقة .. الإنقلاب العسكري الأخرق الذي أدى الى كل هذا الاضطراب الحاصل الآن والذي سيظل يتفاقم ما لم يغيب البرهان ومعه كل الإنقلابيين من عسكر ومدنيين عن المشهد السياسي .

  3. شكرا للكاتبة، ما بتجوط ولما تصل نقطة معينة حتتنضف من صنف أي شيوعي وبعثي وقحاطي ومخنث، أبشري بالخير دي بلد قبب وشيوخ وانصار وختمية وابو سن وطلحة والمكوك ما بيحكمها باطل خايس وللا عجوز ضلال عفن، ديل عجايز حاقدين سكارى عايزين السلطة على دم الشباب الطاهر رغم علمهم بمهمة الجيش في الفترة الانتقالية وبمهمتهم في الحكومة المنتخبة لكن الإجرام بيدفعهم لأكتر من كده، ديل عايزين في ظروف زي دي يكون مافي جيش ويسوطوا ويتصعلكوا ويجوطوا البلد على كيفهم ويشغلوا لينا إذاعة امدرمان مكتب إعلامي للشيوعيين يقولوا للأولاد حنبنيهو ويقولوا في الإذاعة حنبنيهو اشتراكية ونصدر نحنا ثورتتا.. أو كما قالت أغنية عثمان حسين الظهرت بعد الثورة لسرقة الثورة، ديل عايزين يصفوا حساباتهم التاريخية مع الأحزاب التانية ويمسكوها قرصنة كده لكن غيرهم كان اشطر وابشرك دي نهاية الشيوعيين والبعثيين في السودان هم الفيل والشفع ديل عاملينهم دروع بشرية وكوادر الشيوعيين والبعثيين شغالين في نصهم زي الفيران لكن لازم الطعن في الفيل من اليوم والأيام التالية لحدي ما أي مواطن ومواطنة يقدروا يمشوا شغلهم بدون ما الواحد يتكسر وللا يتفلق بالحجار وللا ينطعن بي سكين.

  4. اللوم على البرهان الماسك العصاية من النص … عشمان فى جهة ؟ ولا عشمان فى المجتمع الدولى ؟ ولا قايل حايجيهو الوحى !!! … ياخى ديل والله عالم وهم ساكت تركهم يتمادو فى البيعملو فيهو ده اكبر جنايه فى حق السودان والمواطن السودانى … لانو الاذى فى الاخر واقع على الاتنين ديل بس .. الطالعين ديل والله ثلثلهم مدفوع ليهو .. والثلث الثانى مغشوش وموهوم وموعود … والثلث الاخير دايش فى زفه ومالاقى سفه …. التلت الاول اولاد حرام .. والتلتين الباقيين فى حالة الموت ما ما حايبقى لاهاليهم خاصة امهاتهم واخواتهم غير الندم والحسرة و الوجع .

  5. شارع واحزاب لا معاهم معظم الشعب ولا معاهم دول الجوار ولا الدول العربية ولا الأفريقية ولا أمريكا ولا إسرائيل ولا الأمم المتحدة ولا روسيا ولا الصين ولا حتى أرتريا ولا الشباب الواعي (معظمهم أطفال دون ال15) تمت السيطرة عليهم بأساليب قذرة لا يعلمها أهلهم ولو غالطوني أي واحد يحقق مع ولدو ويفتش تلفونه، يعني شويرع ما معاهو غير قناة الجزيرة ودولة قطر في العالم كله ترى كيف حينتصر؟ وعلى منو حينتصر؟ وعلى أي أساس تراهن عليهو قطر ضد القوات المسلحة؟ ياخ جون قرنق حارب الجيش 40 سنة مدفعية وراجمات وألغام وطابور خامس ومناوي وجبريل وعبد الواحد وخليل حاربوهو 20 سنة وفي وقت واحد سنة 95 حاربتو أمريكا والدول العريية ودول الجوار كلها في كل الجبهات وما انهزم وكلهم جو وقعدو معاهو في الطاولة ودخلهم بمزاج مزاجو ونزلهم محل عايز في الوكت العايزو تقول لي باشدار وشارع الأربعين تسقط الجيييش؟ الجيش جاب قحط باتفاق عشان يوري الشعب السوداني خبثهم وبلادتهم وأول ما فعلوا طردوا حلفاؤهم مو قحط بقت 4 أحزاب فقط وحصلت الشراكة وانتهت ولن تعاد يللا أي زول يراهن أو يرجف أو يخاف من قحط وعصابتها يسترجل شوية ويملا قاشو.

  6. انا اتوقع عسكري حازم ينط فيها ويقتل الشيوعية كما فعل البطل جعفر نميري..

    اما من يقول ان البرهان سبب المشكلة بانقلابه في ٢٥ اكتوبر فاظنه قحاطي منتفع ..
    ابن اموال التمكين ..
    اين الاموال التي توفرت برفع الدعم ..
    اين الاموال التي توفرت بوقف الحرب …
    اين الاموال التي استلمت من الخارج …
    كل هذه الاموال نهبت ومن نهبها لا يريد استقرار حتى لا يسأل عنها …
    لكن اطمئن سوف تسترد كل الاموال المنهوبة طال الزمن او قل … وانت يا الفاروق الذي لا يفرق بين الحق والباطل سوف لن تنفعك قحط لمن تلوم الحرب …وسوف تفقد كل عزيز ..
    عسكرياااااااو