تبرير وجدي غير قانوني وغير منطقي.. ولا يختلف عن تبرير لص تسلل الى مزرعة دواجن
كشف وجدي صالح بأن المسؤول عن العربات المستردة – بلجنة إزالة التمكين المجمدة – عقيد بالإستخبارات، وإن كان ذلك فيجب وضع هذا العقيد في دائرة المساءلة والمحاسبة ..
:: ومن حديث وجدي أيضاً، ما يلي : ( سبائك الذهب التي وُجدت بطرف أحد العاملين بلجنة إزالة التمكين تخص متهم هارب و هو عضو بالمؤتمر الوطني، وقد تم تدوين بلاغ في يومية التحري، وتسليم السبائك للمدير المالي للجنة كـأمانات) .
:: وما لم يكن قد تم تعديل قانون الإجراءات الجنائية لسنة 1991 وقانون الشرطة لسنة 2008، دون علم الناس والحكومة، فأن معروضات أي بلاغ يجب ان تُحفظ في خِزن ومخازن المعروضات التابعة لأقسام الشرطة، وليس في منازل الناس أو أي مكان آخر ..!!.
:: وعليه، فان تبرير وجدي غير قانوني وغير منطقي .. ولا يختلف عن تبرير لص تسلل الى مزرعة دواجن ليسرق، ثم تفاجأ بحارس المزرعة الذي باغته سائلاً : ( يا زول بتعمل شنو هنا؟)، فرد مرتبكاً : ( لا لا مافي حاجة، بس جيت أسال الدجاج من سعر البيض) ..!!
▪︎ الطاهر ساتي ▪︎
👌
ههههه ديل لصوص لكن مامعترفين مامصدقين قايلين بدون ومافي زول بسالهم لكن نحن نسجل والتاريخ ايها البهايم يسجل. اللص الحرامي مستنيين المحاكمات العادله اويجيب محاميين يطلع براه والا الزنزانه عاوزين بالقانون.
المغفل النافع هو من يجزئ الخبر
لقد رفضت الشرطه استلام السبائك والفلوس نسبه لعدم وجود خزنه آمنه لديهم لحفظها كما جاء في الخبر
لماذا حذفت هذه الفقره من التقرير
الأيام سوف تكشف من هو الحرامي
مقالك للتشفي يا ساتي لشئ ما في نفسك وانت ادري بنفسك
وعشان مافي خزنة امنة يقوم يخزنها في بيته الآمن يا مواطن يا غشيم؟؟؟؟ …اتعجب من مواطن مثلك وليهم حق يسرقوك وانت بتبرر ليهم .
إتقاسموا الدهب والدولار والدجاج والبيض والشفع في الشارع يموتوا عشان عيونهم ولما يقولوا مدنية يتخيلوها بي أشكالهم والحقيقة تظهر كل يوم. أسفي عليك يا سودان.
متين توغو ياناس شوف ذي مواطن ده طوالي قال ده تشفي
يامواطن دي قروش عهده بتاعت دوله هل انت ابله ولا عامل ابله كيف يؤدوها البيت اوعو فكرو انتم مش حاسبتكم بشه لانو شايل قروش في بيت الرئاسه سنتين سجن اذا يحاسب من لقو عندو القروش ايضا ومن معه من اللجنه قال الشرطه ابو يستلمو وين وزاره الماليه برضو ابو يستلمو؟ اك هو زمان ماقال وذو اي شي وزاره الماليه وانتم اتهمتم جبريل انو كضاب يااللسمك مواطن اوعو فكرو ماتبقى ذي الاطرش في الزفه عشان كده الوطن ضاع. اي حد موز ولا يساري غلط في حق هذا الشعب بالقانون مافي تشفي بالقانون وراكم والزمن طويل ياقحاحيت. صاحبك عرو قبضوه من تحت السرير هاك البيض ده.
أنظر الى من يهاجم لجنة ازالة التمكين .. تدرك إنها كانت محقة وعادلة .
ياخ انت اسوأ زول واكتر زول عميان .. دايماً انت بتنتقد بس خلاف كده ماعندك اي حاجة ..حاول ولو مرة قول كلام ايجابي الناس ديل كلامهم مرات فيهو منطق ولا انت داير تعاكس بس وخلاص … كرهتنا قراءة التعليقات ياخ
العربات دى قول مسئول منها البرهان عديييييييييييييييييييييييل ياوجدى الحرامى .. خليك من بتاع الاستخبارات … ده علاقتو شنو بالموضوع سؤالنا ليك .. مرتك المدنها عربية من العربات المصادرة دى … عربيتها دى كانت داساها فى شنطة يدها مع الموبايل ولا كانت بتفنجط بيها ماشه وجايه قدامك ؟؟؟؟؟ وكانت بتعبيها بنزين على حساب منو ؟؟؟
اما بالنسبة للدهب … ماسلمتوهو لى وزارة المالية ؟ واذا ووزارة المالية رفضت وما استلمتو … ماسلمتو لبنك السودان مالك .. وبنك السودان قول رفض ما استلمو … ماوديتو سلمتو ليهم فى المجلس السيادى وابريت ذمتك مالك .. وديل كلهن ماحصلن … لما جبريل قاليكم ما سلمتونا الحبه .. ليه ماقلت ليهو تعال استلم الدهب ده ؟؟؟ وده كووووولو ماحصل ….. الامين المالى بتاع اللجنة ده للحسابات .. ده ماهو امين خزينة … فهمته يابليد … ستسهلوووووووووووون ايها الوجديون …… جيب فاضيك معاك عشان ماتوسخ بوراك ..
انت مصدق قصة مرتو . جنس عبط . الطاهر ساتي شغال مع عبد الرحيم دقلو و يتكلم عن الفساد … حكم