طالبة جامعية تتخصص في سرقة موبايلات زميلاتها بالداخلية
تجمعت أعداد كبيرة من طالبات داخلية معروفة وذلك على أثر السرقات المتكررة ليلاً حيث تقوم المتهمة بالدخول الي غرف الطالبات أثناء نومهن لتقوم بسحب الموبايلات من الشواحن ومن تحت المخدات .. ومع تعدد البلاغات الواردة الي قسم شرطة الخرطوم شمال تم تكليف تيم المباحث لمتابعة هذه الظاهرة وقام افراد المباحث باستبعاد العنصر الرجالي من تحرياتهم لعدم تمكن الرجال من الدخول الي الداخلية وتم حصر الاشتباه في احدى الطالبات ليتم رصدها بعد ظهور علامات الثراء عليها وعلى منصرفاتها ليتم اعداد كمين للمتهمة ألقت على اثره الشرطة القبض على المتهمة وبتفتيش حقيبتها عثر على كمية من الموبايلات التي تخص الطالبات ليتم اقتيادها الي دائرة الاختصاص وبحوزتها المسروقات . وداخل قسم الخرطوم شمال تجمعت اعداد كبيرة من الطالبات حيث تعرفن على الأجهزة المسروقة لتنهار المتهمة وتعترف بممارسة السرقة ليلاً اثناء نوم الطالبات ويعكف المتحري على تدوين افادات الطالبات بعد ان تعرفن على المسروقات وذلك حتى يتسنى للمتحري اكمال ملف البلاغ لرفعه الي جهات الاختصاص معضداً بادلة الاتهام للفصل فيه .
صحيفة الدار
دة تـخـصـص جـديـد ولا شــنـو؟ والـتـخـرج مـتيـن يـا الـفـالـحـه ؟
قـبل فـتـرة واحـدة إيـضـاً سـرقـت زمـيـلـتـهـا ولـمـا كـان وضـعـهـا الـمـادي جـيـد قـالـوا عـنـدهـا ومـرض نـفـسي
{ وهـو حـب إغـتـنـا اشـيـاءالـغـيـر} والان دي لو حـلـتـهـا الـمـاديـة تـعـبـانـه بـقـولـوا مـن الـحـكـومـة مـسكـيـنـة الـحـكـومـة دي
نقول عافاه الله -ولكن اين دور الباحثة الاجتماعية في كل مايجري بالداخليات
عافاها الله وبدون عواطف يجب ان تعاقب دون المساس بمستقبلها الدراسي وشوفوا احوالها الماديه والاجتماعية يمكن اهلها ينتظرون راتبها بعد التخرج والعمل والله يكون في عوننا جميعا ياناس.
ياجماعه امكن مريضه اعرضوها على طبيب والله يستر
دى حقو عقوبتها تكون . تمتحن من الثانوى للجامعه مره تانيه لانو ممكن تكون كانت غاشه فى الامتحانات ودخلت الجامعه بالسرقه . الله يشفيها
يا اخوانا لا تلموها تفرق ايه لو سرقت طالبات
ما ناس الجكومة سرقوا جل الشعب السوداني ولا حدي بيتكلم ولا حدي بيقول بغم
اذا سرق فيهم القوي تركوه واذا سرق فيهم الضعيف اقامو عليه الحد
ليس تبريرا لها لكن اتركوها وحالها الله يستر عليها والله يجازي الكان السبب
ناس المباحث ديل ليه ما بيقبضو ناس الثراء الحرام اسدا علي وفي الحروب نعامة
:confused: :confused: ياجماعة شايفاكم شانيين هجوم على البت وعلى الاخصائية الاجتماعية فى حين انو من رائئ انو المتهم الاول الاهل وين الرقابة وين التربية وين التنشئة السليمة من شب على شى شاب عليه،،، وبالمناسبة دى قاعدة اى زول اهلو ربوهو تمام وملو عينو تانى بكون عينو مليانه وعارف حق الناس يعنى شنو ده طبعا الجانب الاجتماعى اما الجانب الدينى بالتاكيد منهار عندها وسلفا حتكون مافى صلاة ولا يحزنون وطبعا ما ننسى ان الصلاة تنهى عن الفحشاء والمنكر بالتالى ده كلو بضرب فى الجزور وبتكون مسووسة اما الجانب النفسى برضو مابنستبعدو ممكن يكون سبب لانو انا زاتى كادر نفسى وممكن جدا يكون وضعها المالى مؤممن وزولة ثرية عديل لكن ده مابنفى انها تسرق لانو المال السايب بعلم السرقة ومرات فى مشاكل نفسية كتيرة الاسقاطات بتاعتها بتنعكس بالسرقة والفيصل الوحيد فى القضية دى انو الناس تعرف حالة تحديدا شنو وبعد داك تبدا تشخخص،،، لكن شى مشين ويدعو للاشمئزاز ودى بيئة دراسية ملوثة وغير آمنة للطالبات الجايات يدرسو واهلهم تعبانين فى القروش وبيجيبو ليهم بيها تلفونات عشان فخامتها تجى تسرقهم الله يهديها والعقاب ما اظن يكون رادع من الشرطة لانو الحاجات دى الا قناعة ودايرة شغل نفسى ودينى تقيل
يجب ان تعاقب عقوبة رادعة لكى تكون عظة
يمكن عندها نفسيات:eek:
:lool: هذه الشابة تحتاج إلي إرشاد ديني أولاً لأن إتباع تعاليم الإسلام السمحة تقودها إلي القناعة بما أتاه لها ربها ..
وأتمني من الله أن يهديها إلي الطريق المستقيم وترك ماهو محرم …