نشر (3) آلاف رجل مباحث في مواصلات العاصمة

والله فاضين وما هندهم شغلة ، من راقب الناس مات هما ، خلو الناس تاكل عيش مثلكم يا مالين بطونكم من حق هؤلاء الناس الغلابة ، الله يفكنا من شركم ويورينا فيكم يوم

لا لا لا
ديه ما سبقكم عليها زول في الدنيا ده

يا ناس خلوا الناس تسترزق وياكلوا عيش

يعني بعد ما تكرهوهم بالمخالفات تجبروا انه يترك الشغله ويشوف شغله تاني حتى لو حرام .
الراجل شغال بياكل بعرق جبينه
والله انا خايف تحصلوا المواطن المغلوب حتى لو السجن

مش نايم ماكل شارب
برضوا بتقولوا ليه في مخالفات وتبداء الجبايه

التلاثه الف ديل لو فايض عند المرور ياخي انشروهم على طول الطرق الموديه إلى المدن الكبرى ويكون كنقاط تفتيش وتحسب لاي طاري مع تسليحهم وتدريبهم على السلاح التقيل
بدل تفكوهم ولي ناس ابو البنات المغلوبين على امرهم.
حسبي الله ونعم الوكيل

لماذا محاربة المواطن لماذا محاربة المواطن في اكل عيشه

ايوة معاكم لازم يكون في نظام لكن ما بالطريقة ده .
يعني الثلاثة الف ولا الخمسة الف ديل بطلعوا رواتبهم من ظهر بتاعين الحافلات وبقولوها ليهم لازم تتطلع راتب .
حسبي الله ونعم الوكيل على من وضع ذلك القرار .

حسبي الله ونعم الوكيل على من وضع ذلك القرار

والله دي احسن حاجه عملتوها وركزو علي ناس الهايس و الركشات برضو ربنا يو فقم;) 😉 😉

تذكرو هذا ( من ولى من امر المسمين احد فشق عليهم فشقق عليه ) ياخوانا ما تصعبو على خلق الله معايشهم هم بدون كده عايشين بالتلفقة نفسى اسمع قرار واحد من مصلحة المواطن المسكين ده واتقو دعوة المظاليم .

الاخوة ابوتلة وابوسليمان وعبدالله شكلكم كدا عندكم نقاطة يعني عندكم عربات في

الخط عشان كدا نازلين بالتقيل كدا

عينتكم دي الضيعت السودان دا اسمو تستر علي الجرم

عشان كدا شجعتو الناس لي تزوير الشهادات ومخالفات المرور وما خفي اعظم

خليكم صادقين وامينين مع انفسكم

مش احسن العساكر ديل … يمشطوا الشوارع ويبلغوا عن الشوارع الماصالحه للمركبات بدل ما يرسلوهم عشان يطلعوا مصاريفهم من بتاعين المواصلات …

من ضمن اختصاصات المباحث المرورية برضو مفروض يشوفو عساكر المرورالببتزو المواطنين وياخدو منهم رشاوي دون رقيب او حسيب وبسيئو للجهود الكبيرة البقومو بيها ناس تانيين من الشرطة لانو المواطن البدي لعسكري رشوة ما حيحترم الشرطة كلها . كذلك مفروض المباحث دي تكون مؤهلة انو تشوف سلوك ناس المرور حتى الضباط البتعاملو مع المواطنين بصورة مذلة كانما المواطن ده ما بسوى حاجه.

النظام لازم يطبق لكن مش بالطريقة دى لأنكم ضايقتوا السواقين وقطعتوا أرزاقهم الواحد فيهم من وراه أسرة تعيش ويربى أولادوا وبصراحة اذا الكلام دا صحيح تكون مشكلة كبيرة تخلق مشاكل فى المجتمع تخليهم يمارسوا مهن غير أخلاقية عشان أسرهم وأيضا تفتح باب الرشاوى أكثر ممكن الثلاثة ألاف ديل يكون منهم عديمى الضمير ممكن الواحد منهم يستلم راتب من الحكومة وراتب من السواقين وأصحاب الحافلات وأنا أتوقع العدد دا مش صحيح وهذه خدعة أمنية تستخدمها ادارة المرور لارهاب أصحاب الحافلات والبصات واذا بيهمكم أمن المواطن يا ناس المرور شوفوا الطرق السريعة الحاصل فيها شنوا كل نقطة تفتيش للطرق لازم تدفع عشان يوقعوا ليك وتمشى بدون تأخير الكلام دا أنا بقولوا بكل صدق من خلال تجربة صاحب بصات سفرية . وطريق التحدى وطريق معونة الموت الأمريكية (مدنى الخرطوم) وشريان الشمال كل يوم الناس بتموت بسبب السرعة والتهور فى القيادة ولا توجد رقابة حقيقية على الطرق والحوادث تتكرر بنفس السيناريو وأيضا فى نفس المنطقة . ادارة المرور بدل ما تضايقوا الخلق فى أرزاقها شوفوا ليكم حلول لمشكلة طرق العاصمة مشروع الاتجاه الواحد وين الأنفاق ووين الكبارى الطائرة دى مسئوليتكم مع الجهات الهندسية ما تفتكروا انتوا شغلكم بس مضايقة خلق الله والجباية ،،،،،،،،،، أصحوا يا ناس

good job , exellent, …in newyork city they did the same thing then the crime rate drop
rappdily :rolleyes:

تسترزق…….اهدار للمال العام……….مؤامرة……..ناس فاضية

تعاليق…………..بتاعت ناس ما عندها اى علاقة بالواقع

فى رايهم انو بتاعين المواصلات العامة ديل اطلعو فى راس الناس تانى ولى شنو

ولى هم ما شايفين سائقى الحافلات بعملو فى شنو

امشو راجعو احصائية حوادث المرور المتسببين فيها اصحاب وسائقى هذا المركبات

والمضايقات البنلقاها منهم فى الشوارع

انا شخصيا متبرع اخت لى اى زول عندو اعتراض كرسى فى بيويوكوان وهو الاحكم براهو

بس ديل ناس الصحافة زلط فقط وحدث ولا حرج