فتيات من أسر معروفة : القبض على عصابة لسرقة الملابس بمركز عفراء
وضعت الشرطة يدها على تشكيل فتيات تخصص في سرقة الملابس من مركز عفراء للتسوق وكشفت الكاميرات الموزعة في أنحاء المركز ان التشكيل النسوي يدخل المركز وهو يرتدي عباءات فضفاضة وأنه يرتدي المابس الجديدة تحتها ويخرج ظاناً ان أجهزة تأمين المكان لاتعرف مافعلن . وسجلت كاميرات المراقبة والمتابعة بالمركز حركة مريبة لمجموعة ثلاث فتيات يتكرر دخولهن لغرفة قياس الملابس ، وان الملابس التي يقسنها تختفي معهن . وبالمتابعة الدقيقة تم إكتشاف أن المجموعة ترتدي كميات من الملابس تحت العباءات الفضفاضة ، وانهن يرتدينها خصيصاً ليمارسن هوايتهن من خلالها . وقال مدير المركز صلاح الدين حمزة ان المجموعة تتكون من فتيات من أسر معروفة ، وان كاميرات المراقبة بالمركز تضبط يومياً محاولات سرقة يقوم بها البعض ، بيد ان هذا الحادث يعد الأبرز لمخالفته لطبيعة المرأة في البلاد وهي لا تميل للاجرام . وبحسب صحيفة حكايات فتحت بلاغات في مواجهة مجموعة (ترديف الملابس) تحت المادة 174 من القانون الجنائي بشرطة الخرطوم شرق التي شرعت في إكمال ملف القضية لتحويله للمحكمة .
تعليقي عباره عن أسئله :-
1/ البنات ديل طال ما انهن من اسر مروفه السبب البخليهن يسرقن شنو ؟
2/ حجم السرقه بالغ النصاب لاقامه الحد (حد السرقه) ولا لا؟
3/ إذا افترضنا انو زويهم قامو بالاذم (العاده المعروفه لدي الاسر المعروفه عندنا) رايكم شنو يا ناس عفراء ؟ بتعفو ولا قضيتكم قائمه؟
4/ رجاً اريد اجباه واضحه وصريحه .
اتنمني من أسره النيلين متابعه الموضوع وتمليكنا الحقائق أول بأول.
عزراً أعذائي القراء إن نسيت سؤالاً مهماً في نظركم .
عموماً اتمني ان لا نسمع مثل هذه الأحاث مرة آخرى خصوصاً نحن لسي ما إرتبطنا ولا شفنا للدنيا حاجه ما يقومن البنات ديل يطممن بطنا في العرس ونجيبا من بره السودان.
ياخوانا انتو الحريم ديل مرق من الليد والله الاسر ما عارفا بنتا اين تذهب في خلل في حياتنا كسودانيين شنو وحدات قبض عليهم في محل دعاره واحدات داقنهم ضحي وبعد كل هذا يلعلعن بالقنوات الفضائيه واحدات سراقات في وضح النهار ياكبار البلد خلونا من التقليد الغربي الاعمي وخلوا الراجل كلوا ودعم المراء الحمدلله السودان لسه بخيروا ان كان الراي راي انا ومن نسه قديموا تاه وتوهة كل شي ولا توهة النسوان دي خلاص لازرع لاضرع والله يسلم الجميه
أسر معروفة؟؟؟ من متين معروفة اكيد اتعرفت خلال عشرين سنة بنت عمارات من مال حرام وعملت فيها أسر معروفة … أولاد الناس البسطاء متربيين وارتبوا على الحلال ما بيسرقوا .. وكل إناء بما فيه ينضح وما شابه أباه فما ظلم …. وكل لحم نبت من سحت فالنار أولى به ..
اذا كان هذا حال بنات الاسر المعروفه فمابال فتيات ملايين الاسر المغبونه الا رحم الله ابو السيد حين غني ناسا حالا زين مصنع مصنعين والي اخره مهداه الي كل الاسر المعروفه
ايمن اثينا
اسر معروفة ما تنشروا الاسماء والاسر المعروفة دي واحد في الاثنين يا اما كلامكم كذب في كذب او خايفين من الاسر المعروفة دي وكان كانن من الاسر الما معروفة كان جبتوا صورهم مش الاسماء واذا سرق الشريف تركوه الي اخر الحديث كان سمعتوا بيهوا
الغريب في ليس السرقة ولا الترديف الغريب انهن من بيوتات معروفة فإذا كان ذلك كذلك فهو نتاج طبيعي للوضع الراهن والتردي الإجتماعي السائد بأن يصير الرجل بين ليلة وضحاها مليار دير ويكبر في نظر المجتمع بل يصبح ( قرن ) في همس المجالس وفي رأي أن تأثير النظرة المجتمعية أقوى من الوازع الديني (إن الله يزع بالسلطان مالا يزع بالقرآن ) وياااااااااااااارب سترك وقديما قال الشاعر الغربه سترة حال و غربتنا ولا الترديف من عفراء0:crazy: :lool: 😉 ( )
انت يا بتقول طبقوا فيهم الشريعة انت …!!!!!!….
طبق الشرع اول في الحراميه الكبار التماسيح الكبار وسيب الحباري اسع
وبعدين عليك الله اقرب سوق جم بيتكم ادخله كان ما لقيت ليك اربعة خمسة فكي
بتعرف الفكي ” دجال ” فارش بضاعة وببيع عيني عينك ومعروف ده حكمه شنو في الشرع نفذ في ده اول وبعدين قول نصاب وما نصاب
هذه الاساليب ترجع الي ماجاء بة السيد ياسر عرمان وسماه الحريات الشخصية لذلك تجد الانحلال اللاخلاقي انشر بصوره اوسع في البلاد (هنيان اليك يالسيد عرمان بمااتيت بة ونتمني ان يسلكنا هذا الطريق بناتك واخواتك
بسم الله الرحمن الرحيم
السارق والسارقه فاقطعوا أيديهما جزآء بما كسبا….صدق الله العظيم.
إذا تم الجرم بهذه الكيفيه بالدليل القاطع ونسبهم لاسر معروفه .كما أسلفتم .فهذه كارثه لحوآء السودان التي لم نألفها قط بمثل هذه الأعمال الشنيعه .التي وضع الله لها حدا يصعب تطبيقه لصعوبة الإثبات ولكن في ظل طفرة التقدم العلمي الذي أكد الجرم بالصوت فهذه حاله ……لا تغفر…كان الله في عونك يابنت السودا ن:
رفعت لي عسكري قبل سنة من العربي للدايات ، أدخل في حزن لليوم ما مرق ! الكلام جاب الكلام ، وقال لي : أمشي هسع محكمة النظام العام جنب شارع الحرية دايما تلقي بنات في منتهي الجمال ( ما تقدر تعاين ليها مرتين ) في قضايا أخلاقية ، وعادي بنات أسر عريقة وأسر معروفة تتم إدانتهن في قضايا أخلاقية ! والله لليوم حزين ! مالكن يا بنات الخرطوم ! يعني القضية دايرة حل إجتماعي النظام العام ضعيف وجاتو ارملة عبد الرحمن مختار تمت الناقصة !
وأنا أشوف القشرات آخر استايل أقول البنات ديل كلو يوم لبسة شكل جايبنها من وين 😎 😎 اتاريكم يا بنات الايه تقيسوا الملابس وتنسوا ترجعوها للمحل 😎 😎 على العموم السرقة ممكن تكون مرض نفسي ما عندها علاقة بالبيوت المعروفة خاصة إذا كان السارق مريش ومحتاج للفت الأظار 😎 😎 😎
زمن عجيب والله وياحليل ايام زمان
ولكنى ارى ان الحقيقة مبتورة فى هزا الموضوع من هم هزه الاسر واين
الاسماء كما جاء فى تعليق بعض الاخوة قبلى
اللهم احفظ بناتنا
صلاح عباس
هذا عمل غير لائق بالمراة السودانيه وليس من عادات المراه السودانيه السرقه
وبعدين أذا أسر معروفه وعريقه ليه السرقه الاسر الي بتكون عريقه ومعروفه
هي شرف الاسر السودانيه الوضع بقي فالت في السودان كل يوم بنسمع عن أنفلات
في الاسر شباب وشابات أخطلات بنات واولاد الي منتصف الليل في المواصلات وفي الاسواق
لبس غير محشم قضية الصحفيه لبني وتجمعات الولاد والبنات حتي الثلث الاخير
من لليل أين ولي الامر أين الاخوه أين الامهات لماذ لم تسأل البنت او الشاب
لاي مكان ذاهب ومع من وضع أحكام بالبيت للجميع وتفقد الجميع بالليل واذا
لم يوجد الولد او البنت بغرفتهم يتم البحث عنهم والسؤال عنهم
ياأخوانا انتو بتسألو البنات ديل بنات منو اهلن وين اخوانن وين بيسهرن للتلت الاخير ليه ماعندهم والاى هل يوما واحدا سألتو كم ملجأ فى السودان
والباقى باقى على ما أظن
وكل مجرم ينال جزاء
كم زول بدي اختو قروش في ايدة . وكم زول بسال اختو ازا كانت محتاجة لي اي حاجة . وكم زول بشدها لي اختو لامن يشوفه لابسة ضيق وعريان .وكم زول بسال اختو طالعة وين وماشة مع منو .الوضع الاقتصادي ياجماعة اصبح مزري جدا . وبنات الحرام ماراح يسيبو بنات الحلال الابعد مايوقعوهم في الحرام والبداية بي (ارح معاي؟؟ )
دي كمان حاجة جديدة على بناتنا الله المستعان
كل البشر خطائون وخيرهم التوابون نسأل الله ان يهدينا جميعاً . وان النفس لأمارة بالسوء إلا ما رحم الله . وكونهن من اسر معروفه هذا لا يمنع ضعف النفس